ಇಂಡೋ – ಪಾಕ್‌ ಯುದ್ಧದ ಹೀರೋ ಪರ್ವೇಜ್‌ ರುಸ್ತೊಮ್‌ ಜಮಾಸಿ ನಿಧನ

Team Udayavani, Jun 27, 2020, 6:40 AM IST

ಮುಂಬಯಿ: 1971ರ ಭಾರತ-ಪಾಕಿಸ್ಥಾನ ಯುದ್ಧದ ಅಪ್ರತಿಮ ವೀರ ನಿವೃತ್ತ ಸ್ಕ್ವಾಡ್ರನ್‌ ಲೀಡರ್‌ ಪರ್ವೇಜ್‌ ರುಸ್ತೊಮ್‌ ಜಮಾಸಿ (77) ಗುರುವಾರ ರಾತ್ರಿ ನಿಧನರಾಗಿದ್ದಾರೆ.

ಅವರು ಮುಂಬಯಿನ ದಾದರ್‌ ಪ್ರದೇಶ್‌ ಪಾರ್ಸಿ ಕಾಲೋನಿ­ಯಲ್ಲಿ ನೆಲೆಸಿದ್ದರು.

ಪತ್ನಿ, ಇಬ್ಬರು ಗಂಡು ಮಕ್ಕಳು ಮತ್ತು ಒಬ್ಬರು ಮಗಳನ್ನು ಅಗಲಿದ್ದಾರೆ. ಜಮಾಸಿಗೆ ಭಾರತದ ಅತ್ಯುನ್ನತ ಶೌರ್ಯ ಪ್ರಶಸ್ತಿ ವೀರ ಚಕ್ರ ಪ್ರಶಸ್ತಿ ನೀಡಿ ಗೌರವಿಸಲಾಗಿದೆ.

ಭಾರತ-ಪಾಕ್‌ ಯುದ್ಧದಲ್ಲಿ ಹೆಲಿಕಾಪ್ಟರ್‌ ಕಾರ್ಯಾಚರಣೆಯ ಭಾಗವಾಗಿ­ದ್ದರು. ಅವರ ಹೆಲಿಕಾಪ್ಟರ್‌ ಮೇಲೆ ಶತ್ರುಗಳಿಂದ 2 ಬಾರಿ ಅಪಾಯಕಾರಿ ದಾಳಿಗಳು ನಡೆದಿದ್ದವು.

ಎರಡೂ ಬಾರಿಯೂ ತಮ್ಮ ಸಮಯಪ್ರಜ್ಞೆಯಿಂದ ಅವರು ಹೆಲಿಕಾಪ್ಟರನ್ನು ಭಾರತದ ಸೇನಾ ನೆಲೆಯಲ್ಲಿ ನಿಲುಗಡೆ ಮಾಡಿದ್ದರು.

ಯುದ್ಧದಲ್ಲಿ ಅವರಿಗೆ ತೀವ್ರ ಸ್ವರೂಪದ ಗಾಯಗಳು ಆಗಿದ್ದರಿಂದ ಅವರು ಅವರ ಕಡೇಗಳಿಗೆವರೆಗೂ ಊರುಗೋಲನ್ನು ಆಶ್ರಯಿಸಿ ನಡೆಯುತ್ತಿದ್ದರು.