ಎರಡನೇ ಹಂತದ ಗ್ರಾಮ ಕದನಕ್ಕೆ ಸಿದ್ಧತೆ

Team Udayavani, Dec 25, 2020, 6:04 PM IST

ಚಿತ್ರದುರ್ಗ: ಜಿಲ್ಲೆಯ ಹಿರಿಯೂರು, ಚಳ್ಳಕೆರೆ ಹಾಗೂ ಮೊಳಕಾಲ್ಮುರು ತಾಲೂಕಿನ 89 ಗ್ರಾಮಪಂಚಾಯಿತಿಗಳ 1475 ಸದಸ್ಯ ಸ್ಥಾನಗಳಿಗೆ ಡಿ. 27ರಂದು ಬೆಳಿಗ್ಗೆ 7 ರಿಂದ ಸಂಜೆ 5 ರವರೆಗೆ ಮತದಾನನಡೆಯಲಿದೆ ಎಂದು ಜಿಲ್ಲಾಧಿ ಕಾರಿ ಕವಿತಾ ಎಸ್‌. ಮನ್ನಿಕೇರಿ ತಿಳಿಸಿದ್ದಾರೆ.

ಹಿರಿಯೂರು ತಾಲೂಕಿನ 33, ಚಳ್ಳಕೆರೆ ತಾಲೂಕಿನ40 ಹಾಗೂ ಮೊಳಕಾಲ್ಮೂರು ತಾಲೂಕಿನ 16ಗ್ರಾಪಂಗಳು ಸೇರಿದಂತೆ ಒಟ್ಟು 89 ಗ್ರಾಪಂಗಳ1668 ಸ್ಥಾನಗಳಿಗೆ ಎರಡನೇ ಹಂತದಲ್ಲಿ ಚುನಾವಣೆ ಷೋಷಣೆಯಾಗಿತ್ತು. ಇದರಲ್ಲಿ 189 ಸದಸ್ಯರು ಅವಿರೋಧ ವಾಗಿ ಆಯ್ಕೆಯಾಗಿದ್ದು, 4 ಸ್ಥಾನಗಳಿಗೆನಾಮಪತ್ರ ಸಲ್ಲಿಕೆಯಾಗಿಲ್ಲ. ಹೀಗಾಗಿ1475 ಸದಸ್ಯ ಸ್ಥಾನಗಳಿಗೆ ಚುನಾವಣೆ ನಡೆಯಲಿದೆ ಎಂದು ಮಾಹಿತಿ ನೀಡಿದ್ದಾರೆ.

774 ಮತಗಟ್ಟೆ ಸ್ಥಾಪನೆ: ಎರಡನೇ ಹಂತದ ಚುನಾವಣೆಗಾಗಿ 774 ಮತಗಟ್ಟೆಗಳನ್ನು ಸ್ಥಾಪಿಸಲಾಗಿದ್ದು, ಎಲ್ಲ ಮತಗಟ್ಟೆಗಳಲ್ಲಿ ಕೋವಿಡ್‌-19 ಮಾರ್ಗಸೂಚಿ ಹಾಗೂ ಬಂದೋಬಸ್ತ್ ಮಾಡಲಾಗಿದೆ.ಮೊಳಕಾಲ್ಮೂರು 150, ಚಳ್ಳಕೆರೆ 353 ಹಾಗೂ ಹಿರಿಯೂರು ತಾಲೂಕಿನಲ್ಲಿ 271 ಮತಗಟ್ಟೆಗಳಲ್ಲಿ ಮತದಾನ ನಡೆಯಲಿದೆ. ಹಿರಿಯೂರು ತಾಲೂಕಿನಲ್ಲಿ 51 ಸೂಕ್ಷ್ಮ, 64 ಅತಿ ಸೂಕ್ಷ್ಮ, 156 ಸಾಮಾನ್ಯ ಮತಗಟ್ಟೆಗಳಿವೆ. ಚಳ್ಳಕೆರೆತಾಲೂಕಿನಲ್ಲಿ 100 ಸೂಕ್ಷ್ಮ, 55 ಅತಿಸೂಕ್ಷ್ಮ, 198 ಸಾಮಾನ್ಯ ಮತಗಟ್ಟೆಗಳಿದ್ದು,ಮೊಳಕಾಲ್ಮೂರು ತಾಲೂಕಿನಲ್ಲಿ 29 ಸೂಕ್ಷ್ಮ,20 ಅತಿ ಸೂಕ್ಷ್ಮ, 101 ಸಾಮಾನ್ಯ ಮತಗಟ್ಟೆಗಳನ್ನು ಸ್ಥಾಪಿಸಲಾಗಿದೆ.

3404 ಸಿಬ್ಬಂದಿ ನಿಯೋಜನೆ: ಅಧ್ಯಕ್ಷಾಧಿಕಾರಿ, ಮತಗಟ್ಟೆ ಅಧಿಕಾರಿ-1, ಮತಗಟ್ಟೆ ಅಧಿಕಾರಿ-2 ಮತ್ತು 3 ಸೇರಿದಂತೆ ಒಟ್ಟು 3404 ಜನರನ್ನು ಚುನಾವಣಾ ಕರ್ತವ್ಯಕ್ಕೆ ನಿಯೋಜಿಸಲಾಗಿದೆ. ಮೊಳಕಾಲ್ಮೂರು ತಾಲೂಕಿನಲ್ಲಿ 165 ಅಧ್ಯûಾ ಕಾರಿ ಹಾಗೂ ಮತಗಟ್ಟೆ ಅಧಿಕಾರಿ-1 ಮತ್ತು 330 ಮತಗಟ್ಟೆ ಅಧಿಕಾರಿ-2 ಮತ್ತು3 ಸೇರಿದಂತೆ ಒಟ್ಟು 660 ಮತದಾನ ಸಿಬ್ಬಂದಿಯನ್ನು ನೇಮಕ ಮಾಡಲಾಗಿದೆ. ಚಳ್ಳಕೆರೆ ತಾಲೂಕಿನಲ್ಲಿ 388 ಅಧ್ಯಕ್ಷಾಧಿಕಾರಿ ಹಾಗೂ ಮತಗಟ್ಟೆ ಅ ಧಿಕಾರಿ-1 ಮತ್ತು 776 ಮತಗಟ್ಟೆ ಅಧಿ ಕಾರಿ-2 ಮತ್ತು 3 ಸೇರಿದಂತೆ ಒಟ್ಟು 1552 ಮತದಾನ ಸಿಬ್ಬಂದಿಯನ್ನು ನೇಮಕ ಮಾಡಲಾಗಿದೆ. ಹಿರಿಯೂರು ತಾಲೂಕಿನಲ್ಲಿ 298 ಅಧ್ಯಕ್ಷಾಧಿಕಾರಿ ಹಾಗೂ ಮತಗಟ್ಟೆ ಅಧಿಕಾರಿ-1 ಮತ್ತು 596 ಮತಗಟ್ಟೆ ಅಧಿ ಕಾರಿ-2 ಮತ್ತು 3 ಸೇರಿದಂತೆ ಒಟ್ಟು 1192 ಮತದಾನ ಸಿಬ್ಬಂದಿಯನ್ನು ನೇಮಕ ಮಾಡಲಾಗಿದೆ.

ಮಸ್ಟರಿಂಗ್‌, ಡಿ-ಮಸ್ಟರಿಂಗ್‌ ಮತ ಎಣಿಕೆ ಕೇಂದ್ರಗಳು: ಮೊಳಕಾಲ್ಮೂರು ತಾಲೂಕಿನ 16 ಗ್ರಾಪಂಗಳಿಗೆಸಂಬಂಧಿ ಸಿದಂತೆ ಮಸ್ಟರಿಂಗ್‌, ಡಿ-ಮಸ್ಟರಿಂಗ್‌ ಹಾಗೂ ಮತ ಎಣಿಕೆ ಕೇಂದ್ರವನ್ನು ಮೊಳಕಾಲ್ಮೂರಿನ ಸರ್ಕಾರಿ ಪದವಿಪೂರ್ವ ಕಾಲೇಜಿನಲ್ಲಿ ಸ್ಥಾಪಿಸಲಾಗಿದೆ. ಚಳ್ಳಕೆರೆ ತಾಲೂಕಿನ 40 ಗ್ರಾಪಂಗಳಿಗೆ ಸಂಬಂಧಿಸಿದಂತೆ ಮಸ್ಟರಿಂಗ್‌, ಡಿ-ಮಸ್ಟರಿಂಗ್‌ಹಾಗೂ ಮತ ಎಣಿಕೆ ಕೇಂದ್ರವನ್ನು ಚಳ್ಳಕೆರೆ ಎಚ್‌ ಪಿಪಿಸಿಸ ಪ್ರಥಮದರ್ಜೆ ಕಾಲೇಜಿನಲ್ಲಿ ಸ್ಥಾಪಿಸಲಾಗಿದೆ.

ಹಿರಿಯೂರು ತಾಲೂಕಿನ 33 ಗ್ರಾಪಂಗಳಿಗೆ ಸಂಬಂಧಿಸಿದಂತೆ ಮಸ್ಟರಿಂಗ್‌, ಡಿ-ಮಸ್ಟರಿಂಗ್‌ಹಾಗೂ ಮತ ಎಣಿಕೆ ಕೇಂದ್ರವನ್ನು ಹಿರಿಯೂರುನಗರದ ಮುಖ್ಯರಸ್ತೆಯ ಗುರುಭವನದಪಕ್ಕದಲ್ಲಿರುವ ಗಿರೀಶ ಬಾಲಕಿಯರ ಪದವಿಪೂರ್ವ ಕಾಲೇಜಿನಲ್ಲಿ ಸ್ಥಾಪಿಸಲಾಗಿದೆ. ಗ್ರಾಪಂ ಚುನಾವಣೆ ಸಂಬಂಧ ಮಾದರಿನೀತಿಸಂಹಿತೆ ತಂಡ ರಚಿಸಿದ್ದು, ಜಿಲ್ಲಾ ಮಟ್ಟದಲ್ಲಿ ಜಿಪಂ ಸಿಇಒ, ತಾಲೂಕು ಮಟ್ಟದಲ್ಲಿ ಇಒಗಳು ಹಾಗೂ ಗ್ರಾಮ ಪಂಚಾಯತ್‌ ಮಟ್ಟದಲ್ಲಿ ಪಿಡಿಒಗಳು ತಂಡದಲ್ಲಿದ್ದಾರೆ.

ಸಿಬ್ಬಂದಿಯನ್ನು ಮತಗಟ್ಟೆಗಳಿಗೆ ಕರೆದೊಯ್ಯಲು ಮೊಳಕಾಲ್ಮೂರು ತಾಲೂಕಿಗೆ 30 ಬಸ್‌ ಹಾಗೂ ಸೆಕ್ಟರ್‌ಅಧಿಕಾರಿಗಳಿಗೆ 15 ಜೀಪ್‌, ಚಳ್ಳಕೆರೆ ತಾಲೂಕಿಗೆ 62ಬಸ್‌ ಹಾಗೂ ಸೆಕ್ಟರ್‌ ಅಧಿಕಾರಿಗಳಿಗೆ 12 ಜೀಪ್‌,ಹಿರಿಯೂರು ತಾಲೂಕಿಗೆ 47 ಬಸ್‌, 2 ಮಿನಿ ಬಸ್‌ ಹಾಗೂ ಸೆಕ್ಟರ್‌ ಅ ಧಿಕಾರಿಗಳಿಗೆ 30 ಜೀಪ್‌ ಸೇರಿದಂತೆ ಒಟ್ಟು 139 ಬಸ್‌, 2 ಮಿನಿ ಬಸ್‌ ಹಾಗೂ 57 ಜೀಪ್‌ ವ್ಯವಸ್ಥೆ ಮಾಡಲಾಗಿದೆ.

ಮತದಾನಕ್ಕೆ 22 ರಲ್ಲಿ ಒಂದು ದಾಖಲೆ ತನ್ನಿ :

ಮತದಾರರು ಎಪಿಕ್‌ ಕಾರ್ಡ್‌ ಅಲ್ಲದೇ ಇತರೆ 22 ದಾಖಲೆಗಳ ಯಾವುದಾದರೊಂದು ದಾಖಲೆಯನ್ನು ನೀಡಿ ಮತ ಚಲಾಯಿಸಬಹುದು. ಪಾಸ್‌ಪೋರ್ಟ್‌, ಡ್ರೈವಿಂಗ್‌ ಲೈಸನ್ಸ್‌,ಆದಾಯ ತೆರಿಗೆ ಗುರುತಿನ ಚೀಟಿ, ರಾಜ್ಯ, ಕೇಂದ್ರ ಸರ್ಕಾರ ಹಾಗೂ ಸಾರ್ವಜನಿಕ ಉದ್ದಿಮೆಗಳುಅಥವಾ ಇತರೆ ಖಾಸಗಿ ಔದ್ಯಮಿಕ ಸಂಸ್ಥೆಗಳು ಅವರ ಕೆಲಸಗಾರರಿಗೆ ನೀಡಿರುವ ಭಾವಚಿತ್ರವಿರುವ ಸೇವಾ ಗುರುತಿನ ಚೀಟಿಗಳು, ಸಾರ್ವಜನಿಕ ವಲಯದ ಬ್ಯಾಂಕ್‌, ಕಿಸಾನ್‌ ಮತ್ತು ಅಂಚೆ ಕಚೇರಿನೀಡಿರುವ ಭಾವಚಿತ್ರವಿರುವ ಪಾಸ್‌ಪುಸ್ತಕ, ಮಾನ್ಯತೆ ಪಡೆದ ನೋಂದಾಯಿತ ವಿದ್ಯಾ ಸಂಸ್ಥೆಗಳುವಿದ್ಯಾರ್ಥಿಗಳಿಗೆ ಕೊಟ್ಟಿರುವ ಗುರುತಿನ ಚೀಟಿಗಳು, ಭಾವಚಿತ್ರವಿರುವ ನೋಂದಾಯಿತ ಡೀಡ್‌ಗಳು, ಪಟ್ಟಾಗಳು ಮುಂತಾದ ಆಸ್ತಿ ದಾಖಲೆಗಳನ್ನು ತೋರಿಸಿ ಮತ ಹಾಕಬಹುದು.

ಕೋವಿಡ್‌ ಮಾರ್ಗಸೂಚಿ ಕಡ್ಡಾಯ :

ಮತದಾರರು ಕಡ್ಡಾಯವಾಗಿ ಮಾಸ್ಕ್ ಧರಿಸಿ, ಸಾಮಾಜಿಕ ಅಂತರಕಾಯ್ದುಕೊಂಡು ಮತಗಟ್ಟೆ ಪ್ರವೇಶಿಸುವ ಮೊದಲು ತಮ್ಮ ಕೈಗಳನ್ನು ಸ್ಯಾನಿಟೈಸ್‌ ಮಾಡಿಕೊಂಡು ಮತ ಚಲಾಯಿಸಬೇಕು.ಕೋವಿಡ್‌ ಸೋಂಕಿತರು ಹಾಗೂ ಕೋವಿಡ್‌ ಶಂಕಿತರನ್ನು ಅಗತ್ಯ ಕೋವಿಡ್‌ ಮುನ್ನೆಚ್ಚರಿಕೆ ಕ್ರಮಗಳನ್ನು ಅನುಸರಿಸಿ ಸಂಬಂಧಪಟ್ಟ ಮತಗಟ್ಟೆಗಳಿಗೆ ಮತದಾನದ ಕೊನೆಯ ಒಂದು ಗಂಟೆಯ ಅವ ಯಲ್ಲಿ ಕರೆತಂದು ಮತದಾನದ ನಂತರ ಅವರನ್ನು ಸ್ವಸ್ಥಾನಕ್ಕೆ ಮರಳಿ ಕರೆದೊಯ್ಯಬೇಕು.