“ಉಗ್ರ ವೈದ್ಯ’ನಿಂದ ಲೇಸರ್ ಕ್ಷಿಪಣಿ ಆ್ಯಪ್!
Team Udayavani, Jan 13, 2021, 5:10 AM IST
ಸಾಂದರ್ಭಿಕ ಚಿತ್ರ
ಬೆಂಗಳೂರು: ಐಸಿಸ್ ಪರವಾಗಿ ಕೆಲಸ ಮಾಡುತ್ತಿದ್ದ ಆರೋಪದಲ್ಲಿ ಬಂಧಿತ ಶಂಕಿತ ಉಗ್ರ, ನೇತ್ರ ತಜ್ಞ ಅಬ್ದುರ್ ರೆಹಮಾನ್ ಅಲಿಯಾಸ್ ಯುದ್ಧ ಕ್ಷಿಪಣಿಗಳು ನಿರ್ದಿಷ್ಟ ಗುರಿ ತಲುಪಲು ನೆರವಾಗುವಂಥ ಲೇಸರ್ ಗೈಡೆಡ್ ಆ್ಯಂಟಿ-ಟ್ಯಾಂಕ್ ಮಿಸೈಲ್ ಆ್ಯಪ್ ಸಿದ್ಧಪಡಿಸಿದ್ದ ಎಂಬ ಸ್ಫೋಟಕ ಮಾಹಿತಿ ಹೊರಬಿದ್ದಿದೆ. ಎನ್ಐಎ ಆತನ ವಿರುದ್ಧ ದಿಲ್ಲಿಯ ಎನ್ಐಎ ವಿಶೇಷ ನ್ಯಾಯಾಲಯದಲ್ಲಿ ದೋಷಾರೋಪಪಟ್ಟಿ ಸಲ್ಲಿಸಿದೆ. ಆತ ಸಿದ್ಧಪಡಿಸಿರುವ ಆ್ಯಪ್ ಮಾಹಿತಿ/ ತಂತ್ರಜ್ಞಾನವನ್ನು ಈಗಾಗಲೇ ಐಸಿಸ್ ಉಗ್ರರಿಗೆ ಒದಗಿಸಿರುವ ಸಾಧ್ಯತೆ ಬಗ್ಗೆಯೂ ತನಿಖೆ ನಡೆದಿದೆ.