ಬಾಲಿವುಡ್ ನಿರ್ದೇಶಕನಿಂದ ಕೀಳು ಮಟ್ಟದ ಸಲಹೆ…ಕರಾಳ ಅನುಭವ ಬಿಚ್ಚಿಟ್ಟ ನಟಿ ಪ್ರಿಯಾಂಕಾ

Team Udayavani, Feb 10, 2021, 11:20 PM IST

ಬಾಲಿವುಡ್ ನಟಿ ಪ್ರಿಯಾಂಕಾ ಚೋಪ್ರಾ ತಮ್ಮ ಬಯೋಗ್ರಫಿ ಬರೆಯುತ್ತಿದ್ದು, ಅದರಲ್ಲಿ ಸಾಕಷ್ಟು ಕುತೂಹಲಕರ ಸಂಗತಿಗಳನ್ನು ಬಿಚ್ಚಿಟ್ಟಿದ್ದಾರೆ.

ಚಿತ್ರರಂಗದಲ್ಲಿ ಸ್ಟಾರ್ ಪಟ್ಟ ಪಡೆಯುವ ಮುಂಚೆ ತಾವು ಎದುರಿಸಿದ್ದ ಅಸಹ್ಯಕರ ಪ್ರಸಂಗವನ್ನು ಪ್ರಿಯಾಂಕಾ ತಮ್ಮ ಪುಸ್ತಕದಲ್ಲಿ ಉಲ್ಲೇಖಿಸಿದ್ದಾರೆ.  ಅಷ್ಟಕ್ಕೂ ಪಿಗ್ಗಿ ಬಿಚ್ಚಿಟ್ಟ ಕರಾಳ ಸತ್ಯ ಏನು ?

ಸಿನಿಮಾವೊಂದರ ಮಾತುಕತೆಗೆ ಪ್ರಿಯಾಂಕಾ ತೆರಳಿದ್ದರಂತೆ. ಈ ವೇಳೆ ಆ ಚಿತ್ರದ ನಿರ್ದೇಶಕ, ತಮ್ಮನ್ನು ಒಂದು ರೌಂಡ್ ಹೊಡೆಯಲು ಸೂಚಿಸಿದರಂತೆ. ಆತ ಹೇಳಿದಂತೆ ಪ್ರಿಯಾಂಕಾ ಮಾಡಿ ಮುಗಿಸಿದರಂತೆ. ನಂತರ ಮೇಲಕ್ಕೆದ್ದ ನಿರ್ದೇಶಕ, ಪ್ರಿಯಾಂಕಾ ಅವರನ್ನೇ ದಿಟ್ಟಿಸಿ ನೋಡಿ, ಪರೀಕ್ಷಿಸತೊಡಗಿದನಂತೆ.

ಇದನ್ನೂ ಓದಿ :ಅವಳು, ಇ-ಟೀಚರ್‌ ಆಗಿಯೂ ಗೆದ್ದಳು!

ಬಳಿಕ ಮಾತುಕತೆಗೆ ಇಳಿದ ನಿರ್ದೇಶಕ, ನಮ್ಮ ಚಿತ್ರಕ್ಕೆ ನೀವು ನಟಿಯಾಗಬೇಕಂದ್ರೆ ಫ್ಲಾಸ್ಟಿಕ್ ಸರ್ಜರಿ ಮೂಲಕ ನಿಮ್ಮ ಎದೆಯ ಭಾಗ ಹೆಚ್ಚಿಸಿಕೊಳ್ಳಿ ಎಂದು ಬಿಟ್ಟಿ ಸಲಹೆ ನೀಡಿದ್ದನಂತೆ. ಆತನ ಮಾತು ಪ್ರಿಯಾಂಕಾ ಅವರನ್ನು ಕೆರಳಿಸಿದ್ದು. ಆತನ ಜತೆ ಮಾತುಕತೆಗೆ ಸಮಯ ನಿಗದಿ ಮಾಡಿದ್ದ ತಮ್ಮ ಮ್ಯಾನೇಜರ್ ನನ್ನು ಪ್ರಿಯಾಂಕಾ ತರಾಟೆಗೆ ತೆಗೆದುಕೊಂಡರಂತೆ. ಬಳಿಕ ಆ ಚಿತ್ರಕ್ಕೆ ಗುಡ್ ಬೈ ಹೇಳಿದ್ದಾರೆ.

ಇನ್ನು ಇದೇ ರೀತಿಯ ಬಿಟ್ಟಿ ಸಲಹೆ ಬಾಲಿವುಡ್ ಸ್ಟಾರ್ ನಟಿ ದೀಪಿಕಾ ಪಡುಕೋಣೆ ಅವರಿಗೂ ಆಗಿತ್ತು. ಕಳೆದ ಎರಡು ವರ್ಷಗಳ ಹಿಂದೆ ಪತ್ರಿಕೆಯೊಂದಕ್ಕೆ ನೀಡಿದ್ದ ಸಂದರ್ಶನದಲ್ಲಿ ಡಿಪ್ಪಿ ಈ ವಿಚಾರ ಬಿಚ್ಚಿಟ್ಟಿದ್ದರು.