Successfully ಚಂದ್ರನ ಮೇಲಿಳಿದ ಖಾಸಗಿ ಕಂಪೆನಿಯ ಅಂತರಿಕ್ಷ ನೌಕೆ
ದಕ್ಷಿಣ ಧ್ರುವದ ಸನಿಹದಲ್ಲಿ ಇಳಿಯಿತು ಅಮೆರಿಕದ ಇಂಟ್ಯೂಟಿವ್ ಮಷಿನ್ನ ಒಡಿಸಿಯಸ್ ನೌಕೆ
Team Udayavani, Feb 24, 2024, 6:00 AM IST
ಭಾರತೀಯ ಕಾಲಮಾನ ಶುಕ್ರವಾರ ಬೆಳಗ್ಗೆ 5 ಗಂಟೆಗೆ ಅಮೆರಿಕದ ಖಾಸಗಿ ಕಂಪೆನಿ ಇಂಟ್ಯೂಟಿವ್ ಮಷಿನ್ ಐತಿಹಾಸಿಕ ಸಾಧನೆ ಮಾಡಿದೆ. ಚಂದ್ರನ ದಕ್ಷಿಣ ಧ್ರುವಕ್ಕೆ ಸನಿಹದಲ್ಲಿ ಇಂಟ್ಯೂಟಿವ್ ಮಷಿನ್ ನಿರ್ಮಿಸಿದ ಅಂತರಿಕ್ಷ ನೌಕೆ ಒಡಿಸಿಯಸ್ (ಐಎಂ-1 ಲ್ಯಾಂಡರ್) ಯಶಸ್ವಿಯಾಗಿ ಇಳಿದಿದೆ. ಇಂತಹ ಸಾಧನೆ ಮಾಡಿದ ಜಗತ್ತಿನ ಮೊದಲ ಖಾಸಗಿ ವಾಣಿಜ್ಯ ಕಂಪೆನಿ ಎಂಬ ಹೆಗ್ಗಳಿಕೆಗೆ ಇಂಟ್ಯೂಟಿವ್ ಮಷಿನ್ ಪಾತ್ರವಾಗಿದೆ.
5ನೇ ಸಂಸ್ಥೆ
ಅಮೆರಿಕದ ನಾಸಾ, ಚೀನದ ಸಿಎನ್ಎಸ್ಎ, ಭಾರತದ ಇಸ್ರೋ, ಜಪಾನ್ನ ಜಾಕ್ಸಾ ಸರಕಾರಿ ಸಂಸ್ಥೆಗಳು ತಮ್ಮ ನೌಕೆಗಳನ್ನು ಯಶಸ್ವಿಯಾಗಿ ಚಂದ್ರನ ಮೇಲೆ ಇಳಿಸಿವೆ. ಸಂಸ್ಥೆಗಳ ಲೆಕ್ಕಾಚಾರದಲ್ಲಿ ನೋಡಿದರೆ ಇಂಟ್ಯೂಟಿವ್ ಮಷಿನ್ 5ನೇ ಸಂಸ್ಥೆ, ಜಗತ್ತಿನ ಮೊದಲ ಖಾಸಗಿ ಸಂಸ್ಥೆಯಾಗಿದೆ. 50 ವರ್ಷಗಳ ಅನಂತರ ಚಂದ್ರನ ಮೇಲಿಳಿದ ಅಮೆರಿಕದ ಮೊದಲ ನೌಕೆಯೂ ಹೌದು. ಹಿಂದೆ 1972ರಲ್ಲಿ ನಾಸಾದ ಅಪೊಲೊ-17 ಚಂದ್ರನ ಮೇಲಿಳಿದಿತ್ತು.
ಒಡಿಸಿಯಸ್ ಇಳಿದದ್ದು ಎಲ್ಲಿ?
ಒಡಿಸಿಯಸ್ ನೌಕೆ ದಕ್ಷಿಣ ಧ್ರುವಕ್ಕೆ ಸನಿಹದ ಮಾಲಾಪರ್ಟ್-1 ಭಾಗದಲ್ಲಿ ಇಳಿದಿದೆ.
ಏನು ಮಾಡಲಿದೆ ?
ಚಂದ್ರನ ದಕ್ಷಿಣ ಧ್ರುವ ಹಲವಾರು ಕುಳಿಗಳಿಂದ ತುಂಬಿಕೊಂಡಿದೆ. ಇಲ್ಲಿ ನೀರಿನ ಗಡ್ಡೆಗಳು ಇರುವ ಕುರುಹುಗಳು ಈ ಹಿಂದೆ ಸಿಕ್ಕಿವೆ. ಈ ನೀರನ್ನು ಕುಡಿಯಲು ಬಳಸಬಹುದು ಅಥವಾ ಭವಿಷ್ಯದಲ್ಲಿ ಹಾರಲಿರುವ ರಾಕೆಟ್ಗಳಿಗೆ ಇಂಧನವಾಗಿಯೂ ಬಳಸಬಹುದು ಎಂಬ ಲೆಕ್ಕಾಚಾರವಿದೆ. ಆದ್ದರಿಂದ ಈ ಬಗ್ಗೆ ಜಗತ್ತಿನ ಎಲ್ಲ ದೇಶಗಳು ಬಹಳ ಕುತೂಹಲದಿಂದ ಸಂಶೋಧನೆ ಮಾಡುತ್ತಲೇ ಇವೆ. ಅಂತಹ ಶೋಧವನ್ನು ಒಡಿಸಿಯಸ್
ಮುಂದುವರಿಸಲಿದೆ.
ತಾಂತ್ರಿಕ ಸಮಸ್ಯೆ ನಿವಾರಿಸಿದ್ದ ವಿಜ್ಞಾನಿಗಳು
ಇಳಿಯಲು ಒಂದೆರಡು ತಾಸು ಇರುವಾಗ ತಾಂತ್ರಿಕ ಸಮಸ್ಯೆ ಎದುರಾಗಿತ್ತು. ಅದನ್ನು ಇಂಟ್ಯೂಟಿವ್ ವಿಜ್ಞಾನಿಗಳು ಬಗೆಹರಿಸಿದರು. ಈ ನೌಕೆಗೆ ಇನ್ನು 7 ದಿನಗಳ ಸಮಯವಿದೆ. ಅನಂತರ ಚಂದ್ರನಲ್ಲಿ ಕತ್ತಲಾವರಿಸುವುದರಿಂದ ನೌಕೆ ತನ್ನ ಕಾರ್ಯಾಚರಣೆ ನಿಲ್ಲಿಸಲಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Notice: ವಿವಾದಾತ್ಮಕ ಹೇಳಿಕೆ… ಕಾಗವಾಡ ಶಾಸಕ ರಾಜು ಕಾಗೆ ಗೆ ನೋಟಿಸ್ ಜಾರಿ
Congress ನಾಯಕರ ವಿರುದ್ಧ ಆಕ್ಷೇಪಾರ್ಹ ಹೇಳಿಕೆ: ಕೆಸಿಆರ್ಗೆ 48 ಗಂಟೆ ಪ್ರಚಾರ ನಿಷೇಧ
Yadgiri:ಹಾಸನದ ಸಂತ್ರಸ್ತೆಯರ ಪರವಾಗಿ ಬಿಜೆಪಿ-ಕುಮಾರಸ್ವಾಮಿ ಮಾತಾಡಲಿ: ಡಿಕೆಶಿ
Belagavi: ಮರುಭೂಮಿಯ ದಾಹವಾದ ಪ್ರಧಾನಿ ಮೋದಿ ಭರವಸೆ: ಶರದ್ ಪವಾರ್ ಹೇಳಿಕೆ
ಲಿಂಗಸೂಗೂರು: ಕಾಲುವೆಗೆ ಬಿದ್ದು ಇಬ್ಬರು ಯುವಕರು ಮೃತ್ಯು…