ಪದ್ಮಿನಿಗೆ ಪವರ್‌ ಸಾಥ್‌

ಟ್ರೇಲರ್‌ ಮೆಚ್ಚಿದ ಪುನೀತ್‌

Team Udayavani, Apr 23, 2019, 3:26 AM IST

ಜಗ್ಗೇಶ್‌ ಅಭಿನಯದ “ಪ್ರೀಮಿಯರ್‌ ಪದ್ಮಿನಿ’ ಚಿತ್ರ ಈ ವಾರ (ಏ.26) ತೆರೆಕಾಣುತ್ತಿದೆ. ಈಗಾಗಲೇ ಬಿಡುಗಡೆಯಾಗಿರುವ ಚಿತ್ರದ ಟ್ರೇಲರ್‌ ಪ್ರೇಕ್ಷಕರಿಂದ ಮೆಚ್ಚುಗೆ ಪಡೆದಿದೆ. ಈಗ ನಟ ಪುನೀತ್‌ರಾಜಕುಮಾರ್‌ ಕೂಡಾ ಚಿತ್ರದ ಟ್ರೇಲರ್‌ ನೋಡಿ ಖುಷಿ ಪಟ್ಟಿದ್ದಾರೆ.

ತನಗೆ ಇಷ್ಟವಾದ ಸಿನಿಮಾಗಳಿಗೆ ಬೆನ್ನುತಟ್ಟುತ್ತಲೇ ಬರುತ್ತಿರುವ ಪುನೀತ್‌ ಈ ಬಾರಿ “ಪ್ರೀಮಿಯರ್‌ ಪದ್ಮಿನಿ’ ಚಿತ್ರದ ಟ್ರೇಲರ್‌ ಅನ್ನು ಮೆಚ್ಚಿಕೊಂಡಿದ್ದಾರೆ. “ಫ್ಯಾಮಿಲಿ ಆಡಿಯನ್ಸ್‌ಗೆ ಬೇಕಾದ ಎಲ್ಲಾ ಅಂಶಗಳು ಈ ಸಿನಿಮಾದಲ್ಲಿವೆ’ ಎಂದಿರುವ ಪುನೀತ್‌, “ಇವತ್ತು ಕನ್ನಡದಲ್ಲಿ ಹೊಸ ಬಗೆಯ ಸಿನಿಮಾಗಳು ನಾನಾ ಕಾರಣಗಳಿಗಾಗಿ, ಪ್ರೇಕ್ಷಕರನ್ನು ಸೆಳೆಯುತ್ತಿವೆ.

“ಪ್ರೀಮಿಯರ್‌ ಪದ್ಮಿನಿ’ ಕೂಡಾ ಅದೇ ಸಾಲಿನಲ್ಲಿರುವ ಚಿತ್ರ ಎಂಬ ವಿಶ್ವಾಸವಿದೆ’ ಎಂದಿದ್ದಾರೆ. ಈ ಚಿತ್ರವನ್ನು ಶ್ರುತಿ ನಾಯ್ಡು ನಿರ್ಮಿಸಿದ್ದಾರೆ. ಕಿರುತೆರೆಯಲ್ಲಿ ವಿಭಿನ್ನ ಧಾರವಾಹಿಗಳನ್ನು ನೀಡುವ ಮೂಲಕ ಮನೆಮಂದಿಯ ಮನಗೆದ್ದಿರುವ ಶ್ರುತಿ ನಾಯ್ಡು ಮೊದಲ ಬಾರಿಗೆ ಹಿರಿತೆರೆಗೆ ಎಂಟ್ರಿಕೊಟ್ಟಿದ್ದಾರೆ. ಹಿರಿತೆರೆಯ ಪ್ರೇಕ್ಷಕರಿಗೂ ಈ ಸಿನಿಮಾ ಇಷ್ಟವಾಗುತ್ತದೆ ಎಂಬ ವಿಶ್ವಾಸ ಅವರಿಗಿದೆ.

ಅಂದಹಾಗೆ, ರಮೇಶ್‌ ಇಂದಿರಾ ಈ ಚಿತ್ರವನ್ನು ನಿರ್ದೇಶಿಸಿದ್ದಾರೆ. ಚಿತ್ರದಲ್ಲಿ ಕುಟುಂಬವೊಂದರ ಸಮಸ್ಯೆಯನ್ನಿಟ್ಟುಕೊಂಡು ಕಥೆ ಹೆಣೆಯಲಾಗಿದೆ. ಇವತ್ತು ವಿಶಾಲವಾಗಿವಾಗಿ ಯೋಚಿಸುವುದನ್ನು ಬಿಟ್ಟು, ಸಂಕುಚಿತ ಮನಸ್ಥಿತಿಯಿಂದ ಸಣ್ಣಪುಟ್ಟ ಸಮಸ್ಯೆಗಳಿಗೂ ಕೋರ್ಟ್‌, ಡೈವೋರ್ಸ್‌ ಎನ್ನುವ ಮಂದಿಗೆ ಈ ಚಿತ್ರ ಒಂದು ಪಾಠವಾಗಬಲ್ಲದು ಎಂಬ ವಿಶ್ವಾಸ ನಿರ್ದೇಶಕರಿಗಿದೆ.

ಚಿತ್ರದಲ್ಲಿ ಕಾಮಿಡಿ ಜೊತೆಗೆ ಭಾವನಾತ್ಮಕ ಸಂಬಂಧಕ್ಕೂ ಒತ್ತು ನೀಡಲಾಗಿದೆಯಂತೆ. ಹಿರಿಯ ಮತ್ತು ಕಿರಿಯ ಕಲಾವಿದರ ಸಂಗಮವೇ ಸಿನಿಮಾದಲ್ಲಿದ್ದು, ಎರಡು ತಲೆಮಾರಿನ ಕಥೆ ಕೂಡ ಈ ಚಿತ್ರದಲ್ಲಿದೆ. ಜಗ್ಗೇಶ್‌ ಈ ಸಿನಿಮಾದಲ್ಲಿ ಕಾರು ಮಾಲೀಕರಾಗಿ ನಟಿಸಿದ್ದು, ಪ್ರಮೋದ್‌ ಡ್ರೈವರ್‌ ಪಾತ್ರ ಮಾಡಿದ್ದಾರೆ. ಉಳಿದಂತೆ ಮಧುಬಾಲ, ಸುಧಾರಾಣಿ, ದತ್ತಣ್ಣ ಹೀಗೆ ಅನುಭವಿ ಕಲಾವಿದರ ದಂಡೇ ಇದೆ.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

  • ಕನ್ನಡ ಪ್ರೇಕ್ಷಕನಿಗೆ ಪ್ರತಿ ವಾರವೂ ಸಿನಿಹಬ್ಬ. ವಾರಕ್ಕೆ ನಾಲ್ಕು, ಐದು ಚಿತ್ರಗಳು ಬಿಡುಗಡೆಯಾಗುತ್ತಲೇ ಇವೆ. ಕಳೆದ ವಾರವೂ ಐದು ಚಿತ್ರಗಳು ಪ್ರೇಕ್ಷಕನ ಎದುರು...

  • ಇತ್ತೀಚೆಗಷ್ಟೇ ನಟ ಶಿವರಾಜಕುಮಾರ್‌ ಅಭಿನಯದ "ರುಸ್ತುಂ' ಚಿತ್ರ ಅದ್ಧೂರಿಯಾಗಿ ತೆರೆಗೆ ಬಂದಿದೆ. "ರುಸ್ತುಂ' ಚಿತ್ರದಲ್ಲಿ ಶಿವಣ್ಣ ಅಭಿನಯ ನೋಡಿ ಫಿದಾ ಆಗಿರುವ...

  • ಸ್ಟಾರ್‌ಗಳ ಸಿನಿಮಾಗಳು ಆರಂಭದಿಂದಲೇ ನಿರೀಕ್ಷೆ ಹುಟ್ಟುಹಾಕುತ್ತವೆ. ಆದರೆ, ಹೊಸಬರ ಸಿನಿಮಾಗಳ ಮೇಲೆ ಪ್ರೇಕ್ಷಕ ನಿರೀಕ್ಷೆ ಇಡಬೇಕಾದರೆ, ಆ ಸಿನಿಮಾದ ಹಾಡು, ಟ್ರೇಲರ್‌...

  • ಕಳೆದ ಎರಡು ವರ್ಷಗಳ ಹಿಂದಷ್ಟೇ "ಊರ್ವಿ' ಚಿತ್ರದ ಮೂಲಕ ಕನ್ನಡ ಚಿತ್ರರಂಗಕ್ಕೆ ಪರಿಚಯವಾದ ನಟ ಪ್ರಭು ಮುಂಡಕೂರ್‌, ಕೇವಲ ಎರಡು ವರ್ಷಗಳಲ್ಲಿ "ಊರ್ವಿ', "ಡಬಲ್‌ ಇಂಜಿನ್‌',...

  • ಕನ್ನಡದಲ್ಲಿ ಮಾಸ್‌ ಚಿತ್ರಗಳಿಗೇನು ಬರವಿಲ್ಲ. ಅದರಲ್ಲೂ ಈಗ ಹೊಸಬರು ಸಹ ಪ್ರಯೋಗಾತ್ಮಕ ಚಿತ್ರಗಳ ಜೊತೆಯಲ್ಲಿ ಮಾಸ್‌ ಚಿತ್ರಗಳತ್ತವೂ ತಮ್ಮ ಚಿತ್ತ ಹರಿಸಿದ್ದಾರೆ....

ಹೊಸ ಸೇರ್ಪಡೆ