ದೇವಕಿ ಮೊಗದಲ್ಲಿ ನಗು

ಕನ್ನಡ - ತಮಿಳು ಭಾಷೆಯಲ್ಲಿ ತೆರೆಗೆ

Team Udayavani, Apr 23, 2019, 3:31 AM IST

ಪ್ರಿಯಾಂಕ ಉಪೇಂದ್ರ ಅಭಿನಯದ “ದೇವಕಿ’ ಚಿತ್ರ ಇಷ್ಟರಲ್ಲೇ ಪ್ರೇಕ್ಷಕರ ಮುಂದೆ ಬರಲು ಅಣಿಯಾಗುತ್ತಿದೆ. ಈ ಚಿತ್ರದಲ್ಲಿ ಸಾಕಷ್ಟು ವಿಶೇಷತೆಗಳಿವೆ. ಮೊದಲನೆಯದಾಗಿ ಪ್ರಿಯಾಂಕ ಉಪೇಂದ್ರ ಅವರ ಮಗಳು ಐಶ್ವರ್ಯಾ ಈ ಚಿತ್ರದಲ್ಲಿ ನಟಿಸಿದ್ದಾರೆ. ಅದರಲ್ಲೂ ಪ್ರಿಯಾಂಕ ಅವರ ಮಗಳಾಗಿಯೇ ಕಾಣಿಸಿಕೊಂಡಿರುವುದು ವಿಶೇಷ.

ಇನ್ನು, ಇಡೀ ಚಿತ್ರ ಪ್ರಿಯಾಂಕ ಅವರ ತವರೂರಾದ ಕೊಲ್ಕತ್ತಾದಲ್ಲೇ ಚಿತ್ರೀಕರಣವಾಗಿದೆ. ಇದರೊಂದಿಗೆ ಹೊಸ ಸುದ್ದಿಯೆಂದರೆ, ಮಹಿಳಾ ಪ್ರಧಾನ ಚಿತ್ರವೊಂದಕ್ಕೆ ಬಿಡುಗಡೆ ಮೊದಲೇ ವಿತರಣೆಯ ಹಕ್ಕು ಪಡೆಯಲು ಮುಂದಾಗಿರುವುದು. ಹೌದು, “ದೇವಕಿ’ ಚಿತ್ರದ ವಿತರಣೆ ಹಕ್ಕನ್ನು ಕಾರ್ತಿಕ್‌ಗೌಡ (ಕೆಜಿಎಫ್) ಅವರು ಪಡೆದಿದ್ದಾರೆ.

ಸಹಜವಾಗಿಯೇ ಇದು ಚಿತ್ರತಂಡದ ಖುಷಿಯನ್ನು ಹೆಚ್ಚಿಸಿದೆ ಎಂಬುದು ನಿರ್ದೇಶಕ ಲೋಹಿತ್‌ ಮಾತು. “ದೇವಕಿ’ ಕನ್ನಡ ಮತ್ತು ತಮಿಳು ಭಾಷೆಯಲ್ಲಿ ಏಕಕಾಲಕ್ಕೆ ಚಿತ್ರೀಕರಣಗೊಂಡಿದೆ. ಈಗಾಗಲೇ ಕನ್ನಡದಲ್ಲಿ ಬಿಡುಗಡೆಯಾದ ಟೀಸರ್‌ಗೆ ಸಖತ್‌ ಮೆಚ್ಚುಗೆಯೂ ಸಿಕ್ಕಿದೆ. ಟೀಸರ್‌ ನೋಡಿದ ಕಾರ್ತಿಕ್‌ ಗೌಡ (ಕೆಜಿಎಫ್) ಅವರು ಕರ್ನಾಟಕದಲ್ಲಿ ವಿತರಣೆ ಮಾಡಲು ಮುಂದಾಗಿದ್ದಾರೆ.

ಒಂದು ಸಿನಿಮಾ ಮಾಡಿ ರಿಲೀಸ್‌ಗೂ ಸಾಕಷ್ಟು ಓಡಾಟ ನಡೆಸಬೇಕಾದ ಪರಿಸ್ಥಿತಿ ಇರುವಾಗ, “ದೇವಕಿ’ ಚಿತ್ರವನ್ನು ಸ್ವತಃ ಕಾರ್ತಿಕ್‌ ಗೌಡ ಅವರೇ, ಖರ್ಚು ವಹಿಸಿಕೊಂಡು ವಿತರಣೆ ಮಾಡಲು ಮುಂದಾಗಿದ್ದಾರೆ ಎಂಬುದು ನಿರ್ದೇಶಕ ಲೋಹಿತ್‌ ಹೇಳಿಕೆ. ನಿರ್ಮಾಪಕದ್ವಯರಾದ ರವೀಶ್‌ ಹಾಗೂ ಅಕ್ಷಯ್‌ ಇವರಿಬ್ಬರಿಗೂ ಇದು ಮೊದಲ ನಿರ್ಮಾಣದ ಚಿತ್ರ.

ಒಂದು ಸಿನಿಮಾ ಬಿಡುಗಡೆಗೆ ಮುನ್ನವೇ, ಅದರಲ್ಲೂ ಮಹಿಳಾ ಪ್ರಧಾನ ಚಿತ್ರಕ್ಕೆ ಇಂಥದ್ದೊಂದು ವಿತರಣೆ ಅವಕಾಶ ಸಿಕ್ಕಿರುವುದಕ್ಕೆ ಸಹಜವಾಗಿಯೇ ನಿರ್ಮಾಪಕರಿಗೂ ಅದು ಇನ್ನಷ್ಟು ಧೈರ್ಯ ಕೊಟ್ಟಿದೆ. ಚಿತ್ರ ಇದೀಗ ಹಿನ್ನೆಲೆ ಸಂಗೀತದ ಅಂತಿಮ ಕೆಲಸದಲ್ಲಿದೆ. ಈಗಾಗಲೇ “ದೇವಕಿ’ ಚಿತ್ರಕ್ಕೆ ಹಿಂದಿ ರೇಟ್ಸ್‌ ಕೂಡ ಕೇಳಲಾಗುತ್ತಿದೆ.

ಸೆನ್ಸಾರ್‌ಗೆ ಇನ್ನಷ್ಟೇ ಹೋಗಬೇಕಿದ್ದು, ಸೆನ್ಸಾರ್‌ ಬಳಿಕ ಆ ಬಗ್ಗೆ ಮಾತುಕತೆ ನಡೆಸಲಾಗುವುದು. ಎಲ್ಲವೂ ಅಂದುಕೊಂಡಂತೆ ನಡೆದರೆ ಮೇ ಅಂತ್ಯ ಇಲ್ಲವೇ ಜೂನ್‌ನಲ್ಲಿ “ದೇವಕಿ’ ಚಿತ್ರವನ್ನು ಬಿಡುಗಡೆ ಮಾಡಲಾಗುವುದು ಎಂದು ವಿವರ ಕೊಡುತ್ತಾರೆ ನಿರ್ದೇಶಕ ಲೋಹಿತ್‌.

ಚಿತ್ರದ ವಿಶೇಷ ಪಾತ್ರದಲ್ಲಿ ಕಿಶೋರ್‌, ಬಾಲಿವುಡ್‌ ನಟ ಸಂಜೀವ್‌ ಜೆಸ್ವಾಲ್‌ ಸೇರಿದಂತೆ ಬೆಂಗಾಲಿಯ ಬಹುತೇಕ ರಂಗಭೂಮಿ ಕಲಾವಿದರೂ ಸಹ ಚಿತ್ರದಲ್ಲಿ ನಟಿಸಿದ್ದಾರೆ. ಸುಮಾರು 32 ದಿನಗಳ ಕಾಲ ನಡೆದ ಚಿತ್ರೀಕರಣದಲ್ಲಿ ಬಹುತೇಕ ಭಾಗ ಕೊಲ್ಕತ್ತಾದಲ್ಲೇ ಚಿತ್ರೀಕರಿಸಲಾಗಿದೆ.

ಸಾಹಸ ನಿರ್ದೇಶಕ ರವಿವರ್ಮ ಅವರು, ರಾತ್ರಿ ವೇಳೆಯಲ್ಲೊಂದು ಅದ್ಧೂರಿ ವೆಚ್ಚದಲ್ಲಿ ಚೇಸಿಂಗ್‌ ದೃಶ್ಯವನ್ನು ಕಂಪೋಸ್‌ ಮಾಡಿದ್ದಾರೆ. ಉಳಿದಂತೆ ಚಿತ್ರಕ್ಕೆ ಎಚ್‌.ಸಿ.ವೇಣು ಅವರು ಛಾಯಾಗ್ರಾಹಕರು. ನೊಬಿನ್‌ ಪಾಲ್‌ ಅವರು ಸಂಗೀತ ನೀಡಿದ್ದಾರೆ. ರವಿಚಂದ್ರ ಅವರ ಸಂಕಲನವಿದೆ. ಬಹುತೇಕ “ಮಮ್ಮಿ’ ಟೀಮ್‌ ಇಲ್ಲಿ ಕೆಲಸ ಮಾಡಿದೆ ಎನ್ನುತ್ತಾರೆ ಅವರು.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

  • ಇತ್ತೀಚೆಗೆ ತನ್ನ ಅಭಿನಯಕ್ಕಿಂತ ಬೇರೆ ಬೇರೆ ವಿಷಯಗಳಿಗೆ ವಿವಾದಗಳಿಗೆ ಸುದ್ದಿಯಾಗುತ್ತಿರುವ ನಟಿಯರ ಸಾಲಿನಲ್ಲಿ ರಶ್ಮಿಕಾ ಮಂದಣ್ಣ ಹೆಸರು ಮೊದಲಿಗೆ ನಿಲ್ಲುತ್ತದೆ....

  • ಸುದೀಪ್‌ ಅಭಿನಯದ "ಪೈಲ್ವಾನ್‌' ಚಿತ್ರ ಆಗಸ್ಟ್‌ 29ಕ್ಕೆ ಬಿಡುಗಡೆಯಾಗುತ್ತದೆ, ಅದಕ್ಕಿಂತ ಮುನ್ನ ಅಂದರೆ ಜು.27 ರಂದು ಚಿತ್ರದುರ್ಗದಲ್ಲಿ ಚಿತ್ರದ ಆಡಿಯೋ ರಿಲೀಸ್‌...

  • ಸಾಮಾನ್ಯವಾಗಿ ಸಿನಿಮಾಗೆ ಎಂಟ್ರಿ ಕೊಡುವ ಬಹುತೇಕ ನಟಿಮಣಿಯರು, ನಟನೆ ಮತ್ತು ಡ್ಯಾನ್ಸ್‌ ಕುರಿತು ಪಕ್ವಗೊಂಡಿರುತ್ತಾರೆ. ಅವೆರೆಡನ್ನು ನಂಬಿಕೊಂಡು ಇಲ್ಲಿಗೆ...

  • ಗುರುರಾಜ್‌ ಎಸ್‌. ಅವರು ನಿರ್ಮಾಣ ಮಾಡಿರುವ "ನನ್ನ ಪ್ರಕಾರ' ಚಿತಕ್ಕಾಗಿ ಕಿರಣ್‌ ಕಾವೇರಪ್ಪ ಅವರು ಬರೆದಿರುವ "ಹೂ ನಗೆ ಆಮಂತ್ರಿಸಿದೆ" ಎಂಬ ಹಾಡು ಜುಲೈ 24ರ ಬುಧವಾರ...

  • ಇತ್ತೀಚೆಗಷ್ಟೆ ನ್ಯೂಯಾರ್ಕ್‌ ಫಿಲಂ ಫೆಸ್ಟಿವಲ್‌ ನಲ್ಲಿ "ಬೆಸ್ಟ್‌ ಸ್ಕ್ರೀನ್‌ ಪ್ಲೇ' ವಿಭಾಗದಲ್ಲಿ ಪ್ರಶಸ್ತಿಯನ್ನು ಗೆದ್ದು, ಬಳಿಕ ಕೆನಡಾ ಫಿಲಂ ಅವಾರ್ಡ್ಸ್‌ನಲ್ಲಿ...

ಹೊಸ ಸೇರ್ಪಡೆ