ಮನೆಯಲ್ಲಿ ಅಗ್ನಿ ಅವಘಡ : ನಟ ಕಮಲ್‌ ಹಾಸನ್‌ ಪಾರು 

Team Udayavani, Apr 8, 2017, 11:34 AM IST

ಚನ್ನೈ : ಪ್ರಖ್ಯಾತ ನಟ ಕಮಲ್‌ ಹಾಸನ್‌ ಅವರ ಮನೆಯಲ್ಲಿ ಶುಕ್ರವಾರ ರಾತ್ರಿ ಅಗ್ನಿ ಅವಘಡ ಸಂಭವಿಸಿದ್ದು, ಅದೃಷ್ಟವಷಾತ್‌ ಯಾವುದೇ ಗಾಯಗಳಾಗಲಿ ಹೆಚ್ಚಿನ ಹಾನಿ ಸಂಭವಿಸಿಲ್ಲ. 

ಈ ವಿಚಾರವನ್ನು ಟ್ವೀಟರ್‌ನಲ್ಲಿ ಕಮಲ್‌ ಹಾಸನ್‌ ಬರೆದಿದ್ದು, ನನ್ನ ಸಿಬಂದಿಗಳಿಗೆ ಧನ್ಯವಾದಗಳು, ಯಾವುದೇ ಗಾಯಗಳಿಲ್ಲದೆ ಅಗ್ನಿ ಅವಘಡದಿಂದ ಪಾರಾದೆ. ನನ್ನ ಶ್ವಾಸಕೋಶದಲ್ಲಿ ಹೊಗೆ ತುಂಬಿಕೊಂಡಿತ್ತು. 3 ನೇ ಮಹಡಿಯಿಂದ ನಾನು ಕೆಳಗಿಳಿದು ಬಂದೆ. ನಾನು ಸುರಕ್ಷಿತವಾಗಿದ್ದೇನೆ.ಯಾರಿಗೂ ಏನೂ ಆಗಲಿಲ್ಲ ಎಂದು ಬರೆದಿದ್ದಾರೆ. 

ಬೆಂಕಿ ಕಾಣಿಸಿಕೊಂಡ ಬಳಿಕ ಕೂಡಲೇ ಮನೆಯಲ್ಲಿದ್ದ ಸಹಾಯಕರು ನಂದಿಸಿದ್ದಾರೆ. ಕೆಲ ಪುಸ್ತಕಗಳು ಸುಟ್ಟು ಹೋಗಿರುವ ಬಗ್ಗೆ ತಿಳಿದು ಬಂದಿದೆ. 

ಕಾಲಿನ ಗಾಯದಿಂದ ಸಂಪೂರ್ಣ ಗುಣಮುಖರಾಗಿರುವ ಕಮಲ್‌ ಹಾಸನ್‌ ಅವರು ಸದ್ಯ ಶಬಾಶ್‌ ನಾಯ್ಡು ಚಿತ್ರದಲ್ಲಿ ನಟಿಸುತ್ತಿದ್ದಾರೆ.