ಪ್ರಜಾಪ್ರಭುತ್ವದ ಯಶಸ್ಸಿಗೆ ನೈತಿಕ ಮೌಲ್ಯ ಮುಖ್ಯ: ಎಸ್‌.ಎಲ್‌. ಬೈರಪ್ಪ

Team Udayavani, Jul 23, 2018, 6:00 AM IST

ಬೆಂಗಳೂರು: ಸಾಮಾಜಿಕ ವ್ಯವಹಾರದಲ್ಲಿ ನೈತಿಕ ಪ್ರಜ್ಞೆ ಇಲ್ಲದಿದ್ದರೆ ಯಾವ ಕಾನೂನು ಇದ್ದರೂ ಉಪಯೋಗ ಆಗುವುದಿಲ್ಲ. ಪ್ರಜಾಪ್ರಭುತ್ವದ ಯಶಸ್ಸು ಜನರಲ್ಲಿನ “ನೈತಿಕ ಮೌಲ್ಯ’ಯನ್ನು ಅವಲಂಬಿಸಿದೆ ಎಂದು ಕಾದಂಬರಿಕಾರ ಡಾ.ಎಸ್‌.ಎಲ್‌.ಬೈರಪ್ಪ ಅಭಿಪ್ರಾಯಪಟ್ಟಿದ್ದಾರೆ.

ನಗರದ ಡಿವಿಜಿ ಸಭಾಂಗಣದಲ್ಲಿ ಭಾನುವಾರ ಗೋಖಲೆ ಸಾರ್ವಜನಿಕ ವಿಚಾರ ಸಂಸ್ಥೆ ಹಮ್ಮಿಕೊಂಡಿದ್ದ “ಡಿವಿಜಿ ಸಾರಸಂಗ್ರಹ’ (ಭಾಗ-1 ಮತ್ತು 2) ಕೃತಿಗಳ ಲೋಕಾರ್ಪಣೆ ಮಾಡಿ ಅವರು ಮಾತನಾಡಿದರು.

ನಮ್ಮದು ಅತಿ ದೊಡ್ಡ ಸಂವಿಧಾನವಾಗಿದ್ದು, ಅದನ್ನು ವೇದಗಳಿಗಿಂತ ಶ್ರೇಷ್ಠವಾದುದು ಎಂದು ಹೆಮ್ಮೆಪಡುತ್ತೇವೆ. ಆದರೆ, ಅದರ ಪಾಲನೆ ಆಗದಿದ್ದರೆ ಯಾವ ಕಾನೂನು ಇದ್ದರೂ ಏನು ಉಪಯೋಗ ಎಂದು ಪ್ರಶ್ನಿಸಿದ ಅವರು, ಸಾರ್ವಜನಿಕ ವ್ಯವಹಾರದಲ್ಲಿ ನೈತಿಕ ಪ್ರಜ್ಞೆ ಅತ್ಯಗತ್ಯ. ಇಲ್ಲದಿದ್ದರೆ ಪ್ರಜಾಪ್ರಭುತ್ವ ಯಶಸ್ವಿಯಾಗದು. ಡಿವಿಜಿ ಮತ್ತು ಗೋಖಲೆ ಅವರ ನಂಬಿಕೆ ಕೂಡ ಇದೇ ಆಗಿತ್ತು ಎಂದು ಹೇಳಿದರು.

ಪ್ರಜಾಪ್ರಭುತ್ವದ ಮಾತೃಭೂಮಿ ಇಂಗ್ಲೆಂಡ್‌. ಅಲ್ಲಿ ಯಾವುದೇ ಲಿಖೀತ ಸಂವಿಧಾನ ಇಲ್ಲ. ಆದರೆ, ಅಲ್ಲಿನ ಪ್ರಧಾನಿ ಕ್ಯಾಮರಾನ್‌ ತಮ್ಮ ವಿರುದ್ಧ ಕೂಗು ಬಂದಿದೆ ಎಂಬ ಒಂದೇ ಕಾರಣಕ್ಕೆ ರಾಜೀನಾಮೆ ಕೊಟ್ಟರು. ಅಷ್ಟೇ ಏಕೆ, ಅದೇ ಪಕ್ಷದ ಮತ್ತೂಬ್ಬರನ್ನು ಪ್ರಧಾನಿ ಎಂದು ಘೋಷಿಸಿದಾಗಲೂ ಕೇವಲ ಪತ್ರಿಕೆಗಳಲ್ಲಿ ಅಪಸ್ವರ ಕೇಳಿಬಂದ ಹಿನ್ನೆಲೆಯಲ್ಲಿ ಚುನಾವಣೆ ಘೋಷಿಸಿಬಿಟ್ಟರು. ಇದು ಅವರೊಳಗೆ ಇದ್ದ ನೈತಿಕ ಪ್ರಜ್ಞೆಯಿಂದ ಸಾಧ್ಯವಾಯಿತು. ಆದರೆ, ನಮ್ಮಲ್ಲಿ ಲಿಖೀತ ಮತ್ತು ಅತಿ ದೊಡ್ಡ ಸಂವಿಧಾನ ಇದೆ. ಆದರೆ, ನಮ್ಮ ವರ್ತನೆ ಅದಕ್ಕೆ ತದ್ವಿರುದ್ಧವಾಗಿದೆ ಎಂದು ಬೇಸರ ವ್ಯಕ್ತಪಡಿಸಿದರು.

ಡಿವಿಜಿ ಬಡತನದಲ್ಲೂ ತಾವು ಕಾಯ್ದುಕೊಂಡಿದ್ದ “ಇಂಟಿಗ್ರಿಟಿ’ಯಿಂದಲೇ ದೊಡ್ಡವರಾದರು. ಅವರ ಬರವಣಿಗೆಯಲ್ಲಿ ಉನ್ನತ ಆದರ್ಶಗಳನ್ನು ಕಾಣಬಹುದು. ಹಾಗೆಯೇ ಬದುಕಿದರು ಕೂಡ. ಆದರೆ, ಆ ರೀತಿ ಬೇರೆ ಯಾರೇ ಬರೆದರೂ ಅಕ್ಷರ ವಿಜೃಂಭಣೆ ಆಗುತ್ತದೆ ಎಂದರು.

ಮೌಲ್ಯಗಳ ಮೀಮಾಂಸೆ:
ಅನುಭವದಿಂದ ಬಂದ ಜ್ಞಾನವನ್ನು ಡಿವಿಜಿ ಪಕ್ವ ಮಾಡಿಕೊಂಡರು. ಅವರಿಗೆ ಪಾಶ್ಚಿಮಾತ್ಯ ತತ್ವಶಾಸ್ತ್ರ ಗೊತ್ತಿತ್ತು. ಅವರ ವಿದ್ವತ್ತು ವಿಶಾಲವಾದದ್ದು. ಆ ವಿದ್ವತ್ತನ್ನು ಗಳಿಸಿದ ರೀತಿಯೂ ವಿಶಾಲವಾದದ್ದು. ಅವರು ಬರೆದ ಮಂಕುತಿಮ್ಮನ ಕಗ್ಗವನ್ನು ಎಷ್ಟೋ ಜನ ಉಪನಿಷತ್ತು ಎಂದು ಭಾವಿಸಿದವರಿ¨ªಾರೆ. ಅವರ ಬರಹಗಳಿಗೆ ಆ ರೀತಿಯ ಶಕ್ತಿ ಇತ್ತು ಎಂದು ಬಣ್ಣಿಸಿದರು.

ಮೌಲ್ಯಗಳ ಮೀಮಾಂಸೆ ಅವರಾಗಿದ್ದರು. ಜೀವನದ ಬೇರೆ ಬೇರೆ ಮೌಲ್ಯಗಳು ಮತ್ತು ಅವುಗಳ ನಡುವಿನ ಸಂಬಂಧ-ತರಮಗಳ ಬಗ್ಗೆ ಹೇಳಿದ್ದಾರೆ. ಅಷ್ಟು ದೊಡ್ಡ ವ್ಯಕ್ತಿಯಾಗಿಯೂ ಎಲ್ಲರಿಗೂ ಸಿಗುವ ಸಂಪನ್ನ ಮನುಷ್ಯ ಡಿವಿಜಿ ಎಂದು ವಿಶ್ಲೇಷಿಸಿದರು.

ಶತಾವಧಾನಿ ಡಾ.ರಾ.ಗಣೇಶ್‌, ಸಂಪಾದಕ ಬಿ.ಎನ್‌. ಶಶಿಕಿರಣ, ಎಸ್‌.ಆರ್‌. ರಾಮಸ್ವಾಮಿ ಉಪಸ್ಥಿತರಿದ್ದರು.

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ಇನ್ನೂ ನಿಮ್ಮಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃ ಶಿದ್ದ , ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ 5 ದಿನಗಳಲ್ಲಿ ನೇರವೆರಿಸಿ ಕೋಡುತ್ತಾರೇ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗೂರುಜೀ
ಜಯನಗರ ಬೆಂಗಳೂರು, ಮೋ- 8884889444

ಈ ವಿಭಾಗದಿಂದ ಇನ್ನಷ್ಟು

  • ಬೆಂಗಳೂರು: ಆಶ್ರಯ ಮನೆ ನಿರ್ಮಾಣ ಅಕ್ರಮದ ಬಗ್ಗೆ ತನಿಖೆಗೆ ರಾಜ್ಯ ಸರಕಾರ ಆರಂಭಿಸಿರುವ ವಿಜಿಲ್‌ ಮೊಬೈಲ್‌ ಆ್ಯಪ್‌ನ ಗೊಂದಲ ಇನ್ನೂ ನಿವಾರಣೆ ಆಗಿಲ್ಲ. ಆ್ಯಪ್‌...

  • ಬೆಂಗಳೂರು: ಕೇಂದ್ರದಿಂದ ರಾಜ್ಯಕ್ಕೆ ಬರಬೇಕಾದ ಸಹಾಯಾನುದಾನ ಮತ್ತು ವಂತಿಗೆ ಹಾಗೂ ತೆರಿಗೆ ಪಾಲಿನ ಕಡಿತದ ಪರಿಣಾಮ 2020-21 ನೇ ಸಾಲಿನ ಬಜೆಟ್‌ ಮೇಲೆ ಪರಿಣಾಮ ಬೀರಲಿದ್ದು...

  • ಹುಬ್ಬಳ್ಳಿ: ಮಹದಾಯಿ ಕುರಿತು ಕೇಂದ್ರದಿಂದ ಅಧಿಸೂಚನೆ ಹೊರಡಿಸುವುದು ವಿಶೇಷವಾಗಿ ಇಬ್ಬರು ಸಚಿವರಿಗೆ ಪ್ರತಿಷ್ಠೆಯಾಗಿತ್ತು. ಕೇಂದ್ರ ಸಚಿವ ಪ್ರಹ್ಲಾದ ಜೋಶಿ,...

  • ಕಾರವಾರ: ಕೊರೊನಾ ವೈರಸ್‌ ಕಾರಣಕ್ಕೆ ಜಪಾನ್‌ನ ಯೊಕೊಹಾಮಾದಲ್ಲಿ ಡೈಮಂಡ್‌ ಪ್ರಿನ್ಸಸ್‌ ಎಂಬ ಕ್ರೂಸ್‌ ಹಡಗಿನಲ್ಲಿ ಬಂಧಿಯಾಗಿದ್ದ ಕಾರವಾರ ಮೂಲದ ಅಭಿಷೇಕ್‌...

  • ಮುದಗಲ್ಲ (ರಾಯಚೂರು): ಚೀನಾದಲ್ಲಿ ಮಾರಣಹೋಮ ನಡೆಸಿರುವ ಕೊರೊನಾ ವೈರಸ್‌ ಪರಿಣಾಮ ಇಲ್ಲಿನ ಕಲ್ಲು ಗಣಿಗಾರಿಕೆ ಮೇಲೂ ಆಗಿದೆ. ಕೊರೊನಾ ವೈರಸ್‌ ಪರಿಣಾಮ ಚೀನಾ ಸೇರಿ...

ಹೊಸ ಸೇರ್ಪಡೆ