ಸಂವಿಧಾನ ಭಾರತೀಯರ ರಾಜ್ಯಾಂಗ ಧರ್ಮ: ಹೆಬ್ಟಾಳಕರ್

Team Udayavani, Jan 27, 2018, 2:26 PM IST

ಬೀದರ: ಬಾಬಾ ಸಾಹೇಬ್‌ ಅಂಬೇಡ್ಕರ ರಚಿತ ಸಂವಿಧಾನ ಭಾರತೀಯರ ರಾಜ್ಯಾಂಗ ಧರ್ಮವಾಗಿದೆ ಎಂದು ಹಿರಿಯ ಸಾಹಿತಿ ಚಂದ್ರಪ್ಪಾ ಹೆಬ್ಟಾಳಕರ ಹೇಳಿದರು.

ನಗರದ ಮಾತೋಶ್ರೀ ರಮಾಬಾಯಿ ಪ್ರೌಢಶಾಲೆಯಲ್ಲಿ ಮಾನವ ಬಂಧುತ್ವ ವೇದಿಕೆ ಗಣರಾಜ್ಯೋತ್ಸವ ನಿಮಿತ್ತ ಹಮ್ಮಿಕೊಂಡಿದ್ದ ಸಂವಿಧಾನದ ಆಶಯ ಕುರಿತ ವಿಚಾರ ಸಂಕಿರಣ ಉದ್ಘಾಟಿಸಿ ಮಾತನಾಡಿದ ಅವರು, ರಾಜ್ಯಾಂಗದ
ಅಡಿಯಲ್ಲಿ ಆಡಳಿತ ನಡೆಸಬೇಕಿದೆ. ಸಂವಿಧಾನ ಹಕ್ಕು, ಕರ್ತವ್ಯ ಮತ್ತು ಅಂಬೇಡ್ಕರರ ದೇಶ ಪ್ರೇಮ ಪ್ರತಿಯೊಬ್ಬರಲ್ಲಿ ಮೂಡುವಂತಹ ವಾತಾವರಣ ನಿರ್ಮಿಸಬೇಕು ಎಂದರು.

ಸಾಹಿತಿ ಸುಬ್ಬಣ್ಣ ಕರಕನಳ್ಳಿ ಮಾತನಾಡಿ, ಸಂವಿಧಾನದ ಸಮಕ್ಷಮದಲ್ಲಿ ಮಂತ್ರಿ ಸ್ಥಾನ ಪಡೆದು ಸಂವಿಧಾನದ ಬಗ್ಗೆ ಅವಹೇಳನಕಾರಿ ಹೇಳಿಕೆ ನೀಡುತ್ತಿರುವವರು ಮೊದಲು ಸಂವಿಧಾನ ಓದಲಿ. ಸಂವಿಧಾನದ ಮೂಲಕ ಸಮಾನ ಪ್ರಜಾ ಪ್ರಭುತ್ವದ ದೀಕ್ಷೆ ಪಡೆದ 125 ಕೋಟಿ ಭಾರತೀಯರು ಸಮಾನ ಸ್ಥಾನ, ಸಮಾನ ಪ್ರಗತಿ, ಸಮಾನ ಸಂರಕ್ಷಣೆ ಪಡೆಯುವುದು ಹಕ್ಕಾಗಿದೆ ಎಂದು ಹೇಳಿದರು.

ವೇದಿಕೆಯ ಜಿಲ್ಲಾ ಸಂಚಾಲಕ ಮಹೇಶ ಗೋರನಾಳಕರ ಮಾತನಾಡಿ, ವಿದ್ಯಾರ್ಥಿಗಳು ಶಿಕ್ಷಣವನ್ನು ಮೂಲಭೂತ ಹಕ್ಕಾಗಿ ಸ್ವೀಕರಿಸಬೇಕು. ಆಹಾರ, ನೀರು ಹೇಗೆ ಮುಖ್ಯವೋ ಶಿಕ್ಷಣ ಅಷ್ಟೆ ಪ್ರತಿ ಮನುಷ್ಯನಿಗೆ ಮುಖ್ಯ. ಇಂದಿನ ವಿದ್ಯಾರ್ಥಿಗಳು ಮುಂದೆ ದೇಶ ಆಳುವ ಪ್ರಜೆಗಳು ಮತ್ತು ಪ್ರತಿನಿಧಿಗಳು ಆಗಿದ್ದಾರೆ ಎಂದರು.

ಸಂಸ್ಥೆಯ ಅಧ್ಯಕ್ಷೆ ಪ್ರೇಮಲಾ ಡಾಂಗೆ ಮಾತನಾಡಿ, ತಂದೆ-ತಾಯಿಗಳು ಕಷ್ಟಪಟ್ಟು ಮಕ್ಕಳಿಗೆ ಶಿಕ್ಷಣ ಕಲಿಸುತ್ತಿದ್ದಾರೆ. ಮಕ್ಕಳು ತಂದೆ-ತಾಯಿಗಳಿಗೆ ಕೀರ್ತಿ ತರುವ ಮತ್ತು ಸಮಾಜದಲ್ಲಿ ಉನ್ನತ ಸ್ಥಾನ ಮಾನಕ್ಕೆ ಕೊಂಡೊಯ್ಯುವ ಕಾರ್ಯ ಮಾಡಬೇಕು ಎಂದು ಹೇಳಿದರು. ಮುಖ್ಯಶಿಕ್ಷಕ ಬಸವರಾಜ ಮಸಕಲೆ, ಶಾಖಾ ಜಗನಾಥ, ಪ್ರಾಂಶುಪಾಲ ಮಂಗಲಾ ದರ್ಜೆ ಇದ್ದರು. ಪ್ರಾಣೇಶ ಭಾಗವತ ನಿರೂಪಿಸಿದರು. ಶಾಮರಾವ್‌ ಮೋರ್ಗಿಕರ್‌ ವಂದಿಸಿದರು. ವೇದಿಕೆ ಪ್ರಮುಖರಾದ ಅರುಣ ಪಟೇಲ್‌, ಅಮರ ಅಮಲಾಪೂರ, ಶಿವಕುಮಾರ ಗುನ್ನಳ್ಳಿ ಇದ್ದರು. 

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.



ಈ ವಿಭಾಗದಿಂದ ಇನ್ನಷ್ಟು

  • ಭಾಲ್ಕಿ: ಸಾಮಾನ್ಯ ಜನರಿಗೆ ನ್ಯಾಯ ದೊರಕಿಸಿ ಕೊಡುವಲ್ಲಿ ತಾಲೂಕು ಮತ್ತು ಜಿಲ್ಲಾ ಕೋರ್ಟ್ಅ ವುಗಳನ್ನು ಹೆಚ್ಚೆಚ್ಚು ಬಲಗೊಳಿಸುವುದು ಹೈಕೋರ್ಟ್‌ನ ಮುಖ್ಯ...

  • ಬೀದರ: ಜಿಲ್ಲೆಯಲ್ಲಿ ರಸ್ತೆ ಸುರಕ್ಷತಾ ಕ್ರಮಗಳನ್ನು ಹೇಗೆ ಕೈಗೊಳ್ಳಬಹುದು ಎಂಬುದರ ಬಗ್ಗೆ ಆಯಾ ಇಲಾಖೆಗಳು ಕ್ರಿಯಾ ಯೋಜನೆ ರೂಪಿಸಿ ಸಲ್ಲಿಸಬೇಕು ಎಂದು ಜಿಲ್ಲಾ...

  • „ರಂಗಪ್ಪ ಗಧಾರ ಕಲಬುರಗಿ: ವಿಶ್ವವಿಖ್ಯಾತ ಮೈಸೂರು ದಸರಾದ ಜಂಬೂ ಸವಾರಿಯಲ್ಲಿ ಜಿಲ್ಲೆಯ ಇಎಸ್‌ಐಸಿ ಆಸ್ಪತ್ರೆ ಮತ್ತು ಜಿಮ್ಸ್‌ ಆಸ್ಪತ್ರೆ ಕಟ್ಟಡಗಳು ರಾರಾಜಿಸಲಿವೆ....

  • ಕಲಬುರಗಿ: ಕರ್ನಾಟಕ ಅರ್ಥೋಪೆಡಿಕ್ಸ್‌ ಅಸೋಷಿಯೆಷನ್‌ ಅಧ್ಯಕ್ಷರು ಹಾಗೂ ಖ್ಯಾತ ಅರ್ಥೋಪೆಡಿಕ್‌ ತಜ್ಞರಾದ ಡಾ| ಎಸ್‌.ಬಿ.ಕಾಮರಡ್ಡಿ ಅವರ ತಂದೆಯವರಾದ ಬಸವರಾಜಪ್ಪ...

  • ಬೀದರ: ರಾಷ್ಟ್ರೀಯ ಜಂತು ಹುಳು ನಿವಾರಣಾ ದಿನದ ಅಂಗವಾಗಿ ಸೆ.25ರಂದು ಜಿಲ್ಲೆಯಾದ್ಯಂತ 1ರಿಂದ 19 ವರ್ಷದೊಳಗಿನ ಎಲ್ಲ ಮಕ್ಕಳಿಗೆ ಜಂತು ಹುಳು ನಿವಾರಣೆಯ ಅಲ್ಬೆಂಡಾಜೋಲ್‌...

ಹೊಸ ಸೇರ್ಪಡೆ