ಎಸ್ಸಿ -ಎಸ್ಟಿ ಮೀಸಲಾತಿ ಹೆಚ್ಚಳಕ್ಕೆ ಆಗ್ರಹ

Team Udayavani, Jul 13, 2022, 4:06 PM IST

ಬೀದರ: ಪರಿಶಿಷ್ಟ ಜಾತಿ ಮತ್ತು ಪಂಗಡದ ಮೀಸಲಾತಿ ಪ್ರಮಾಣ ಹೆಚ್ಚಳಕ್ಕೆ ಆಗ್ರಹಿಸಿ ಮಹರ್ಷಿ ವಾಲ್ಮೀಕಿ ಗುರುಪೀಠದ ಪ್ರಸನ್ನಾನಂದಪುರಿ ಸ್ವಾಮೀಜಿ ಸಡೆಸುತ್ತಿರುವ ಧರಣಿ ಸತ್ಯಾಗ್ರಹಕ್ಕೆ ಬೆಂಬಲಿಸಿ ಜಿಲ್ಲಾ ಟೋಕರೆ ಕೋಳಿ ಸಮಾಜ ಸಂಘದಿಂದ ಮುಖ್ಯಮಂತ್ರಿಗಳಿಗೆ ಮನವಿ ಸಲ್ಲಿಸಲಾಗಿದೆ.

ಸಂಘದ ಜಿಲ್ಲಾಧ್ಯಕ್ಷ ಜಗನ್ನಾಥ ಜಮಾದಾರ, ಯುವ ಘಟಕದ ಅಧ್ಯಕ್ಷ ಸುನೀಲ ಭಾವಿಕಟ್ಟಿ ನೇತೃತ್ವದಲ್ಲಿ ನಗರದಲ್ಲಿ ಜಿಲ್ಲಾಧಿಕಾರಿಗಳನ್ನು ಭೇಟಿ ಮಾಡಿ ಮನವಿ ಸಲ್ಲಿಸಲಾಯಿತು. ರಾಜ್ಯದಲ್ಲಿ ಸುಮಾರು 50 ಲಕ್ಷಕ್ಕೂ ಅಧಿಕ ಜನಸಂಖ್ಯೆ ಹೊಂದಿರುವ ಎಸ್‌.ಟಿ. ಜನಾಂಗದವರು ಶಿಕ್ಷಣ, ಉದ್ಯೋಗ ಸೇರಿದಂತೆ ಇತರೆ ಕ್ಷೇತ್ರಗಳಲ್ಲಿ ಅತಿ ಹಿಂದುಳಿದಿದ್ದು, ಈ ಸಮುದಾಯದ ಏಳಿಗೆಗಾಗಿ ರಾಜ್ಯ ಸರ್ಕಾರ ಬಹುದಿನಗಳ ಬೇಡಿಕೆಯಾಗಿರುವ ಮೀಸಲಾತಿ ಹೆಚ್ಚಿಸುವ ಹಾಗೂ ವಿವಿಧ ಬೇಡಿಕೆಗಳ ಈಡೇರಿಕೆಗೆ ಸ್ಪಂದಿಸಬೇಕು ಎಂದು ಒತ್ತಾಯಿಸಲಾಗಿದೆ.

ಈ ವೇಳೆ ಪ್ರಮುಖರಾದ ಸುನೀಲ ಖಾಶೆಂಪುರ, ಪಾಂಡುರಂಗ ಗುರುಜಿ, ಅರುಣ ಬಾವಗಿ, ರವೀಂದ್ರ ಬಾಲೆಬಾಯಿ, ರಮೇಶ ಬಾಲೇಬಾಯಿ, ರಾಜಕುಮಾರ ಜಮಾದಾರ, ಶರಣಪ್ಪ ಖಾಶೆಂಪುರ್‌, ಚಂದ್ರಕಾಂತ ಹಳ್ಳಿಖೇಡಕರ್‌, ರಮೇಶ ಮಚಕುರಿ, ಸುನೀಲ ಜಮಾದಾರ, ಆನಂದ ಜಮಾದಾರ, ರಾಜಕುಮಾರ ಶೇರಿಕಾರ, ವಿಜಯಕುಮಾರ ಗುಡಪಳ್ಳಿ, ಅಶೋಕ ಮಚಕುರಿ, ಗುಂಡಪ್ಪಾ ಮಚಕುರಿ ಇನ್ನಿತರರಿದ್ದರು.