ಪಿಎಸೈ ಅಮಾನತಿಗೆ ಆಗ್ರಹಿಸಿ ಪ್ರತಿಭಟನೆ

•ವಕೀಲ ಎಂ.ಬಿ. ಅಂಗಡಿ ಮೇಲಿನ ಹಲ್ಲೆ ಖಂಡಿಸಿ ಕಲಾಪದಿಂದ ದೂರ ಉಳಿದ ವಕೀಲರು

Team Udayavani, Jul 16, 2019, 12:05 PM IST

ಸಿಂದಗಿ: ಹಲ್ಲೆ ಘಟನೆ ಖಂಡಿಸಿ ನ್ಯಾಯ ಕಲಾಪದಿಂದ ದೂರ ಉಳಿದ ವಕೀಲರು.

ಸಿಂದಗಿ: ತಾಲೂಕು ವಕೀಲರ ಸಂಘದ ಸದಸ್ಯ ವಕೀಲ ಎಂ.ಬಿ. ಅಂಗಡಿ ಅವರನ್ನು ಅಕ್ರಮವಾಗಿ ಬಂಧಿಸಿ ಹಲ್ಲೆ ಮಾಡಿರುವ ದೇವರಹಿಪ್ಪರಗಿ ಪಿಎಸ್‌ಐ ಅವರನ್ನು ಅಮಾನತು ಮಾಡಬೇಕೆಂದು ಆಗ್ರಹಿಸಿ ಸಿಂದಗಿ ವಕೀಲರು ಸೋಮವಾರ ನ್ಯಾಯ ಕಲಾಪದಿಂದ ದೂರ ಳಿದು ಪಟ್ಟಣದ ತಹಶೀಲ್ದಾರ್‌ ಕಚೇರಿ ಎದುರು ಪ್ರತಿಭಟನೆ ನಡೆಸಿ ರಾಜ್ಯಪಾಲರಿಗೆ ಮನವಿ ಸಲ್ಲಿಸಿದರು.

ಪ್ರತಿಭಟನೆ ನೇತೃತ್ವ ವಹಿಸಿದ್ದ ಸಿಂದಗಿ ತಾಲೂಕು ವಕೀಲರ ಸಂಘದ ಅಧ್ಯಕ್ಷ ಬಿ.ಸಿ. ಕೊಣ್ಣೂರ ಮಾತನಾಡಿ, ಸಂಘದ ಸದಸ್ಯ ವಕೀಲ ಎಂ.ಬಿ. ಅಂಗಡಿ ಅವರನ್ನು ಅನವಶ್ಯಕವಾಗಿ ದೇವರಹಿಪ್ಪರಗಿ ಪಿಎಸೈ ಬಂಧಿಸಿ ಹಲ್ಲೆ ಮಾಡಿದ್ದಾರೆ. ವಕೀಲ ಎಂ.ಬಿ. ಅಂಗಡಿಯವರು ದೇವರಹಿಪ್ಪರಗಿ ತಾಲೂಕಿನ ಇಬ್ರಾಹಿಂಪುರ ಗ್ರಾಮದವರು. ನಿತ್ಯ ಅವರು ಗ್ರಾಮದಿಂದ ಸಿಂದಗಿಗೆ ಬಂದು ಪ್ರ್ಯಾಕ್ಟಿಸ್‌ ಮಾಡುತ್ತಾರೆ ಎಂದು ಹೇಳಿದರು.

ಜು. 14ರಂದು ಸಾಯಂಕಾಲ 5ಕ್ಕೆ ವಕೀಲ ಎಂ.ಬಿ. ಅಂಗಡಿಯವರು ಗ್ರಾಮದ ಬಸ್‌ ನಿಲ್ದಾಣದ ಹತ್ತಿರದಲ್ಲಿನ ಹನುಮಾನ ದೇವಸ್ಥಾನದ ಕಟ್ಟೆ ಮೇಲೆ ಕುಳಿತ ಸಂದರ್ಭದಲ್ಲಿ ದೇವರಹಿಪ್ಪರಗಿ ಪಿಎಸೈ ಮತ್ತು ಪೊಲೀಸ್‌ ಪೇದೆಗಳು ಬಂದು ವಕೀಲರನ್ನು ಹಿಡಿದು ನೀವು ಇಲ್ಲಿ ಜೂಜಾಟ ಆಡುತ್ತಿರಾ ಎಂದು ಒತ್ತಾಯ ಪೂರ್ವಕವಾಗಿ ಕಟ್ಟಿ ಮೇಲೆ ಕೂಡ್ರಿಸಿ ಸೂತ್ತಲೂ ಜೂಜಾಟದ ಎಲೆಗಳನ್ನು ಚೆಲ್ಲಿ ವಿಡಿಯೋ ಚಿತ್ರೀಕರಣ ಮಾಡಿಕೊಂಡು ವಕೀಲರ ಮೇಲೆ ದಬ್ಟಾಳಿಕೆ ಮಾಡಿದ್ದು ಖಂಡನೀಯ ಎಂದರು.

ವಕೀಲರ ಸಂಘದ ವತಿಯಿಂದ ಪಿಎಸೈ ಅವರಿಗೆ ಭೇಟಿ ಮಾಡಿ ಅನವಶ್ಯಕವಾಗಿ ವಕೀಲರನ್ನು ಬಂಸಿದ್ದಿರಿ ಅಲ್ಲದೇ ಅವರ ಮೇಲೆ ಹಲ್ಲೆ ಮಾಡಿದ್ದಿರಿ. ಇದ ನ್ಯಾಯಸಮ್ಮತವಲ್ಲ ಎಂದರೂ ವಕೀಲರಿಗೆ ಅವರು ಗೌರವ ಕೊಡಲಿಲ್ಲ. ತಮ್ಮದೇಯಾದ ದಾಟಿಯಲ್ಲಿ ಮಾತನಾಡಿದರು.

ಮೇಲಧಿಕಾರಿಗಳಿಗೆ ದೂರು ನೀಡಿದ ನಂತರ ಅಂದು ರಾತ್ರಿ 11ಕ್ಕೆ ಬಿಟ್ಟು ಕಳುಹಿಸಿರುತ್ತಾರೆ. ಹೀಗಾಗಿ ಅನವಶ್ಯಕವಾಗಿ ವಕೀಲರನ್ನು ಬಂಧಿಸಿ ಹಲ್ಲೆ ಮಾಡಿದ ದೇವರಹಿಪ್ಪರಗಿ ಪಿಎಸೈ ಅವರನ್ನು ಅಮಾನತು ಮಾಡಿ ಅವರ ಮೇಲೆ ಕ್ರಮ ಕೈಗೊಳ್ಳಬೇಕು. ಇಲ್ಲದ ಪಕ್ಷದಲ್ಲಿ ಉಗ್ರ ಹೋರಾಟ ಮಾಡಲಾಗುವುದು ಎಂದು ಎಚ್ಚರಿಕೆ ನೀಡಿದ್ದಾರೆ.

ವಕೀಲರಾದ ಕೆ.ಬಿ. ಜನಗೊಂಡ, ಎಂ.ಕೆ. ಪತ್ತಾರ, ಆರ್‌.ಎಸ್‌. ಹೊಸಮನಿ, ಎಂ.ಪಿ. ದೊಡಮನಿ, ಎಸ್‌.ಬಿ. ದೊಡಮನಿ, ಪಿ.ಎಂ. ಕಂಬಾರ, ಪಿ.ಆರ್‌. ಯಾಳವಾರ, ಪಿ.ಎಸ್‌. ಬಿರಾದಾರ, ಬಿ.ಸಿ. ಪಾಟೀಲ, ಎಂ.ಎನ್‌. ಪಾಟೀಲ, ಎನ್‌.ಎಸ್‌. ಬಗಲಿ, ಎಸ್‌.ಎಂ. ಹಿರೇಮಠ, ಆರ್‌.ಎಂ. ಯಾಳಗಿ, ಎಂ.ಎಸ್‌. ಬಿರಾದಾರ, ಎನ್‌.ಎಸ್‌. ಪಾಟೀಲ, ಬಿ.ಎಸ್‌. ಹಂಡಿ, ಜಿ.ಸಿ. ಭಾವಿಕಟ್ಟಿ, ಎಸ್‌.ಜಿ. ಕುಲಕರ್ಣಿ, ವಿ.ಬಿ. ಪತ್ತಾರ, ಎಸ್‌.ಎ. ಗಾಯಕವಾಡ, ಪ್ರಶಾಂತ ಪೂಜಾರಿ, ಪಿ.ಎಂ. ಕಣಬೂರ, ಎಂ.ಸಿ. ಯಾತನೂರ, ಆರ್‌.ಎಸ್‌. ಸಿಂದಗಿ, ಆರ್‌.ಡಿ. ಕುಲಕರ್ಣಿ, ಚನ್ನಪ್ಪಗೌಡ ಚನಗೊಂಡ, ಎಂ.ಎನ್‌. ಪಾಟೀಲ, ಎಂ.ಬಿ. ನಾಯ್ಕೋಡಿ, ಎಸ್‌.ಬಿ. ಪಾಟೀಲ, ಎಸ್‌.ಎಂ. ಪಾಟೀಲ, ಪಿ.ಎಂ. ಹೊಸಮನಿ, ಬಿ.ಎಸ್‌. ಪಾಟೀಲ, ಪಿ.ಎಂ. ಬಡಿಗೇರ, ವಿ.ಎಲ್. ಮೋಪಗಾರ ಸೇರಿದಂತೆ ಎಲ್ಲ ವಕೀಲರು ಕಲಾಪದಿಂದ ದೂರ ಉಳಿದು ಪ್ರತಿಭಟನೆಯಲ್ಲಿ ಭಾಗವಹಿಸಿದ್ದರು.

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ಇನ್ನೂ ನಿಮ್ಮಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃ ಶಿದ್ದ , ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ 5 ದಿನಗಳಲ್ಲಿ ನೇರವೆರಿಸಿ ಕೋಡುತ್ತಾರೇ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗೂರುಜೀ
ಜಯನಗರ ಬೆಂಗಳೂರು, ಮೋ- 8884889444

ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ

  • ಭಾರತದ ಗೋಪರಂಪರೆಯಲ್ಲೂ ಹೈನುಗಾರಿಕೆ ತಳಿಗಳಲ್ಲಿ ಗೀರ್‌ ವಿಶಿಷ್ಟ ಸ್ಥಾನ. ಭಾರತೀಯ ಪರಂಪರೆಯಲ್ಲಿ ಹೆಚ್ಚು ಹಾಲು ಕೊಡುವ ತಳಿಗಳಲ್ಲಿ ಇದು ಎರಡನೆಯದು. ಗುಜರಾತಿನ...

  • ಕಡಬ: ಉಪ್ಪಿನಂಗಡಿ-ಸುಬ್ರಹ್ಮಣ್ಯ ರಾಜ್ಯ ಹೆದ್ದಾರಿಯ ರಾಮಕುಂಜದಲ್ಲಿ ಶನಿವಾರ ಚರಂಡಿಗೆ ಬಿದ್ದು ಗಾಯಗೊಂಡಿದ್ದ ರಾಮಕುಂಜ ಗ್ರಾಮದ ಶಾರದಾನಗರ ಕಾಲನಿಯ ನಿವಾಸಿ...

  • ಮಡಿಕೇರಿ: ದಕ್ಷಿಣ ಕೊಡಗಿನ ವಿವಿಧಡೆ ಹುಲಿ ಕಾಣಿಸಿಕೊಂಡು ಆತಂಕ ಸೃಷ್ಟಿಯಾಗುತ್ತಿರುವ ವಿಷಯ ಹಸಿರಾಗಿರು ವಾಗಲೇ ಬಿಟ್ಟಂಗಾಲ ಸಮೀಪದ ವಿ.ಬಾಡಗದಲ್ಲಿ ಹುಲಿ ಹೆಜ್ಜೆ...

  • ಈ ವಾರ ಬೆಂಗಳೂರಿನಲ್ಲಿ ಪ್ರತೀವರ್ಷದಂತೆ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವ ಆರಂಭವಾಗುತ್ತಿದೆ. ಸುಮಾರು 200ಕ್ಕಿಂತಲೂ ಹೆಚ್ಚಿನ ದೇಶವಿದೇಶಗಳ ಚಿತ್ರಗಳನ್ನೂ...

  • ಉಡುಪಿ: ಪಡುಅಲೆವೂರು ಶ್ರೀ ದುರ್ಗಾಪರಮೇಶ್ವರೀ ದೇಗುಲದ ನವೀಕರಣ ಬ್ರಹ್ಮಕಲಶಾಭಿಷೇಕ ಪೂರ್ವಕ ಶತಚಂಡಿಕಾ ಯಾಗ, ಶೈವೋ ತ್ಸವ, ರಂಗಪೂಜೆ ಮಹೋತ್ಸವವು ಫೆ. 24ರಿಂದ 29ರ...