Nandini ಬೂತ್ ಬಳಿಯೇ ಬಂದು ಕರುವಿಗೆ ಹಾಲುಣಿಸುವ ಹಸು

Team Udayavani, Aug 25, 2023, 5:00 PM IST

ಮೂಡಿಗೆರೆ: ಹಸುವೊಂದು ತನ್ನ ಕರುವಿಗೆ ನಂದಿನಿ ಹಾಲಿನ ಬೂತ್ ಮುಂಭಾಗದಲ್ಲೇ ಕೆಚ್ಚಲಿನ ಹಾಲುಣಿಸಿ ಗಮನ ಸೆಳೆದಿರುವ ಘಟನೆ ಜಿಲ್ಲೆಯ ಮೂಡಿಗೆರೆ ಪಟ್ಟಣದಲ್ಲಿ ನಡೆದಿದೆ.

ಮೂಡಿಗೆರೆ ಪಟ್ಟಣದ ಪ್ರವೀಣ್ ಪೂಜಾರಿ ಎಂಬುವರ ಅಂಗಡಿ ಮುಂಭಾಗ ಬಂದ ಹಸು ತನ್ನ ಪುಟ್ಟ ಮುದ್ದಾದ ಕರುವಿಗೆ ಹಾಲು ಕುಡಿಸಿದೆ. ಹಸು-ಕರುವಿನ ಈ ಕ್ರಿಯೆ ನಿನ್ನೆ-ಮೊನ್ನೆಯಿಂದಲ್ಲ. ಕಳೆದ ಒಂದೂವರೆ ತಿಂಗಳಿನಿಂದಲೂ ಹೀಗೆ ನಡೆಯುತ್ತಿದೆ ಎಂದು ಸ್ಥಳಿಯರು ಮಾಹಿತಿ ನೀಡಿದ್ದಾರೆ.

ಹಸು ಎಲ್ಲೇ ಇದ್ದರೂ ಕರು ಅದರ ಜತೆಯೇ ಇರುತ್ತದೆ. ಕರು ಹಾಲು ಕುಡಿಯಲು ಯತ್ನಿಸಿದ ಕೂಡಲೇ ಹಸು ನೇರವಾಗಿ ಹಾಲಿನ ಡೈರಿವರೆಗೂ ಬಂದು ಮುಂಭಾಗದ ಕಟ್ಟೆ ಮೇಲೆ ನಿಂತು ಹಾಲುಣಿಸುತ್ತಿದೆ. ನಿತ್ಯ ಹಸು-ಕರುವಿನ ಈ ಪ್ರೀತಿ ಕಂಡು ಸ್ಥಳಿಯರು ಕೂಡ ಆಶ್ಚರ್ಯಚಕಿತರಗಿದ್ದಾರೆ. ಈ ಹಸು ಹಲವು ವರ್ಷಗಳಿಂದ ಹಾಲಿನ ಡೈರಿ ಮುಂಭಾಗದಿಂದಲೇ ಇದೆ. ಅಂಗಡಿ ಮಾಲಕ ಪ್ರವೀಣ್ ಪೂಜಾರಿ ನಿತ್ಯ ಹಸುವಿಗೆ ಬಾಳೆಹಣ್ಣು ಸೇರಿದಂತೆ ವಿವಿಧ ಹಣ್ಣುಗಳನ್ನ ಕೊಡುತ್ತಿದ್ದರು. ಅಂದಿನಿಂದ ಹಸು ಈ ಅಂಗಡಿಗೆ ನಿರಂತರ ಬರುತ್ತಿದ್ದು, ಕರು ಹಾಕಿದ ಮೇಲೂ ಅಂಗಡಿ ಬಳಿಯೇ ಇತ್ತು. ಆಗಲೂ ಪ್ರವೀಣ್ ಹಸುವಿನ ಆರೈಕೆ ಮಾಡಿದ್ದರು.