ಪ್ರವೀಣನ ಸಾಧನೆಗೆ ಅಡ್ಡಿಯಾಗದ ಅಂಧತ್ವ
Team Udayavani, May 19, 2018, 2:55 AM IST
ಮಂಗಳೂರು: ಸಾಧನೆಗೆ ಅಂಧತ್ವ ಅಡ್ಡಿಯಾಗದು ಎಂಬುದನ್ನು ತೋರಿಸಿಕೊಟ್ಟಿದ್ದಾನೆ ಪ್ರವೀಣ. ಎರಡೂ ಕಣ್ಣುಗಳು ಮುಚ್ಚಿದ ಸ್ಥಿತಿಯಲ್ಲಿದ್ದರೂ ಯಾರೊಬ್ಬರ ಸಹಾಯ ಪಡೆಯದೆ ಎಸೆಸೆಲ್ಸಿ ಪರೀಕ್ಷೆ ಬರೆದು 537 ಅಂಕ ಗಳಿಸಿದ್ದಾನೆ.
ಪ್ರವೀಣ ಮೂಡಬಿದಿರೆಯ ಮಿಜಾರು ಸರಕಾರಿ ಪ್ರೌಢಶಾಲೆಯ ವಿದ್ಯಾರ್ಥಿ. ಇವನ ಎರಡೂ ಕಣ್ಣುಗಳು ಮುಚ್ಚಿದ ಸ್ಥಿತಿಯಲ್ಲಿದ್ದು, ಶೇ. 95ರಷ್ಟು ಅಂಧತ್ವ ಹೊಂದಿದ್ದಾನೆ. ಅಂಗವೈಕಲ್ಯವಿರುವ ಮಕ್ಕಳಿಗೆ ಇತರರ ಸಹಾಯ ಪಡೆದು ಪರೀಕ್ಷೆ ಬರೆಯುವ ಅವಕಾಶವಿದ್ದರೂ ಯಾರ ನೆರವೂ ಇಲ್ಲದೆ ತಾನೇ ಪರೀಕ್ಷೆ ಬರೆದಿದ್ದಾನೆ.
ಕನ್ನಡದಲ್ಲಿ 117, ಇಂಗ್ಲಿಷ್- 70, ಹಿಂದಿ-83, ಸಮಾಜಶಾಸ್ತ್ರ – 96, ರಾಜಕೀಯಶಾಸ್ತ್ರ – 88, ಸಮಾಜ -83 ಸೇರಿ ಒಟ್ಟು 537 ಅಂಕ ಪಡೆದಿದ್ದಾನೆ. ಅಂಧತ್ವ ಇರುವ ಹಿನ್ನೆಲೆಯಲ್ಲಿ ಅವನಿಗೆ ಗಣಿತದ ಬದಲಿಗೆ ಸಮಾಜಶಾಸ್ತ್ರ ಮತ್ತು ವಿಜ್ಞಾನದ ಬದಲಿಗೆ ರಾಜ್ಯಶಾಸ್ತ್ರ ಪರೀಕ್ಷೆ ಬರೆಯಲು ಅವಕಾಶವಿತ್ತು. ಅಲ್ಲದೆ ಪರೀಕ್ಷೆ ಬರೆಯಲು ಒಂದು ತಾಸು ಹೆಚ್ಚುವರಿ ಅವಧಿ ನೀಡಲಾಗಿತ್ತು.
ಕೂಲಿ ಕಾರ್ಮಿಕರ ಪುತ್ರ
ಬಾಗಲಕೋಟೆ ಜಿಲ್ಲೆಯವರಾದ ಪ್ರವೀಣನ ತಂದೆ ನಾಗಪ್ಪ ಹಾಗೂ ತಾಯಿ ಲಕ್ಷ್ಮೀ ತೋಡಾರಿನಲ್ಲಿ ವಾಸವಾಗಿದ್ದಾರೆ. ಈ ದಂಪತಿಯ ಐವರು ಮಕ್ಕಳಲ್ಲಿ ಪ್ರವೀಣ ಮೂರನೆಯವ. ಕೂಲಿ ಕಾರ್ಮಿಕರಾಗಿರುವ ಹೆತ್ತವರು ದುಡಿಮೆಯ ಹಣದಿಂದ ಐವರು ಮಕ್ಕಳನ್ನು ಸಲಹುತ್ತಿದ್ದಾರೆ.
ಶ್ರಮಕ್ಕೆ ತಕ್ಕ ಪ್ರತಿಫಲ
ಸಾಧನೆಗೆ ಅಂಗವೈಕಲ್ಯ ಅಡ್ಡಿಯಾಗಿಲ್ಲ. ಶ್ರಮಕ್ಕೆ ಪೂರಕವಾಗಿ ಪ್ರತಿಫಲ ಲಭಿಸಿದೆ. ಮುಂದೆ ಪಿಯುಸಿಯಲ್ಲಿ ಕಲಾ ವಿಭಾಗವನ್ನು ಆಯ್ಕೆ ಮಾಡಿಕೊಳ್ಳಲು ಇಚ್ಛಿಸಿದ್ದೇನೆ.
– ಪ್ರವೀಣ
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Road Mishap;ಅರಂತೋಡು: ಕಾರು – ಬೈಕ್ ಢಿಕ್ಕಿ: ಸವಾರ ಸಾವು
Lok Sabha Polls: ಧರ್ಮಸ್ಥಳದಲ್ಲಿ ಧರ್ಮಾಧಿಕಾರಿ ಡಾ.ಡಿ.ವೀರೇಂದ್ರ ಹೆಗ್ಗಡೆ ಮತದಾನ
Kadaba: ಬಿಳಿನೆಲೆ ಮತದಾನ ಕೇಂದ್ರದಲ್ಲಿ ಕಾಂಗ್ರೆಸ್-ಬಿಜೆಪಿ ಕಾರ್ಯಕರ್ತರ ಮಾತಿನ ಚಕಮಕಿ
Belthangady: ದಿಬ್ಬಣದಲ್ಲೇ ಮತಗಟ್ಟೆಗೆ ಬಂದು ಮತ ಚಲಾಯಿಸಿದ ವಧು
Bantwal: ಮದುವೆ ಮುಹೂರ್ತಕ್ಕೂ ಮೊದಲೇ ಮತದಾನ ಹಕ್ಕು ಚಲಾಯಿಸಿದ ನವವಧು