ಗುತ್ತಕಾಡು ದೇಗುಲಕ್ಕೆ ನುಗ್ಗಿ  ಕಳವು

Team Udayavani, Jul 10, 2017, 2:50 AM IST

ಕಿನ್ನಿಗೋಳಿ: ಗುತ್ತಕಾಡು ಶ್ರೀ ಮೂಕಾಂಬಿಕಾ ದೇವಸ್ಥಾನಕ್ಕೆ  ಶನಿವಾರ ರಾತ್ರಿ ಕಳ್ಳರು ದೇವಳದ ಮುಂದಿನ ಬಾಗಿಲು ಮುರಿದು ಒಳನುಗ್ಗಿ ಗರ್ಭಗುಡಿಯ ಬಾಗಿಲು ಬೀಗ ಮುರಿದು ದೇವರ ಮೇಲಿದ್ದ  ಚಿನ್ನದ ಕರಿಮಣಿ ಸಹಿತ 1. 75 ಲಕ್ಷರೂ ವೆcಚ್ಚದ ಬೆಳ್ಳಿ ವಸ್ತುಗಳು ಕಳವು ನಡೆಸಲಾಗಿದೆ ಎಂದು ದೇವಸ್ಥಾನದ ಧರ್ಮದರ್ಶಿ ವಿವೇಕಾನಂದ ಅವರು ತಿಳಿಸಿದ್ದಾರೆ.  

ಎಂದಿನಂತೆ ಶನಿವಾರ ರಾತ್ರಿ 10 ಗಂಟೆಗೆ  ರಾತ್ರಿ ಪೂಜೆ ಮುಗಿಸಿದ ಬಳಿಕ ದೇವಸ್ಥಾನದ ಬಾಗಿಲು ಮುಚ್ಚಿ ಮನೆಗೆ ತೆರಳಿದ್ದರು. ರವಿವಾರ ಮುಂಜಾನೆ 5 ಗಂಟೆಯ ಹೊತ್ತಿಗೆ ಬರುವಾಗ ಹೊರಗಿನ ತೀರ್ಥ ಮಂಟಪದ ಬಾಗಿಲು ತೆರೆದಿರುವುದು ಕಂಡು ಬಂತು ಮತ್ತೆ ಒಳಗೆ ಹೋಗಿ ನೋಡುವಾಗ ಗರ್ಭಗುಡಿಯ ಬಾಗಿಲು ಮುರಿದು ತೆರೆದಿರುವುದು ಕಂಡುಬಂದು ಮೂಲ್ಕಿ ಪೊಲೀಸರಿಗೆ ಸುದ್ದಿ ಮುಟ್ಟಿಸಲಾಯಿತು.

ದೇವರ ಬೆಳ್ಳಿಯ ಪ್ರಭಾವಳಿ, ದೇವರ ಕುತ್ತಿಗೆಯಲ್ಲಿದ್ದ ಚಿನ್ನದ ಕರಿಮಣಿ ಸರ,  ಬೆಳ್ಳಿಯಿಂದ ನಿರ್ಮಿತ ದೇವರ ಮುಖವಾಡ, ಕಿರೀಟ , ತ್ರಿಶೂಲ ಹಾಗೂ ತೀರ್ಥ ಮಂಟಪದಲ್ಲಿದ್ದ  ದೇವರ ಕಾಣಿಕೆ ಹುಂಡಿ ಕಳವು ಮಾಡಲಾಗಿದೆ. ಕಾಣಿಕೆ ಹುಂಡಿಯು ದೇವಸ್ಥಾನದ ಪಕ್ಕದಲ್ಲಿನ ಸಮಾಧಿಯ ಸ್ಥಳದಲ್ಲಿ ಬಿಟ್ಟು ಹೋಗಿದ್ದು ಪತ್ತೆಯಾಗಿದೆ. 
ಸ್ಥಳಕ್ಕೆ  ಮೂಲ್ಕಿ ವಲಯ ವೃತ್ತ ನಿರೀಕ್ಷಕ  ಅನಂತ ಪದ್ಮನಾಭ, ಬೆರಳಚ್ಚು ತಂಡ, ಶ್ವಾನದಳ ಬಂದಿದ್ದು  ಪ್ರಕರಣ ದಾಖಾಲು ಮಾಡಿ ತನಿಖೆ ನಡೆಸುತ್ತಿದ್ದಾರೆ. ಮೂಲ್ಕಿ sಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.

ಪಾಳಿಯ ಮಾದರಿ ಕಾವಲು ಉತ್ತಮ:  
ಸಣ್ಣಪುಟ್ಟ ಮಂದಿರ, ದೇವಸ್ಥಾಗಳಲ್ಲಿ ರಾತ್ರಿ ಹೊತ್ತು ಅದರಲ್ಲೂ  ಮಳೆಗಾಲದ ಸಂದರ್ಭದಲ್ಲಿ ಪಾಳಿಯ ತರಹ  ತಂಡಗಳನ್ನು ಮಾಡಿ ಮಲಗುವುದು ಉತ್ತಮ. ದೇವಸ್ಥಾನ, ಮಂದಿರಗಳ  ಭದ್ರತೆಯ ದೃಷ್ಟಿಯಿಂದ   ಸಿಸಿ ಕೆಮರಾ ಆಳವಡಿಸಬೇಕಾಗಿದೆ ಅದರಿಂದ ಕಳ್ಳರ ಸುಳಿವು ಲಭ್ಯವಾಗಲಿದೆ ಎಂದು ಮೂಲ್ಕಿ ವಲಯ ಪೊಲೀಸ್‌ ಸರ್ಕಲ್‌ ಇನ್ಸ್‌ಪೆಕ್ಟರ್‌ ಅನಂತ ಪದ್ಮನಾಭ ಅವರು ತಿಳಿಸಿದ್ದಾರೆ.


ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ

  • ರಾಂಚಿ: ಜಾರ್ಖಂಡ್ ರಾಜ್ಯದಲ್ಲಿ ವಿಧಾನಸಭಾ ಚುನಾವಣೆ ಜಾರಿಯಲ್ಲಿದ್ದು ನಾಲ್ಕನೇ ಹಂತದ ಮತದಾನ ಸೋಮವಾರ ನಡೆಯುತ್ತಿದೆ.  ಮತದಾನ ನಡೆಯುವ ಕ್ಷೇತ್ರಗಳಲ್ಲಿ ಬಿಗಿ...

  • ಕೋಲ್ಕತಾ: ಭಾರತ್‌ ಅರ್ಥ್ ಮೂವರ್ಸ್‌ ಲಿಮಿಟೆಡ್‌ (ಬಿಇಎಂಎಲ್‌)ನಲ್ಲಿ ಕೇಂದ್ರ ಸರಕಾರ ತಾನು ಹೊಂದಿರುವ ಶೇ.28ರಷ್ಟು ಷೇರುಗಳನ್ನು ಮಾರುವ ಸಾಧ್ಯತೆ ಇದೆ. ಉಳಿದಿರುವ...

  • ಹೊಸದಿಲ್ಲಿ: ಉನ್ನಾವ್‌ನಲ್ಲಿ ಮಹಿಳೆ ಮೇಲೆ ಅತ್ಯಾಚಾರ ಎಸಗಿದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಹೊಸದಿಲ್ಲಿಯ ಸ್ಥಳೀಯ ಕೋರ್ಟ್‌ ಸೋಮವಾರ (ಡಿ.16) ತೀರ್ಪು ಪ್ರಕಟಿಸಲಿದೆ. ಬಿಜೆಪಿಯ...

  • "ನನ್ನ 38 ವರ್ಷಗಳ ಸಿನಿಮಾ ಜರ್ನಿ ಸಾರ್ಥಕವೆನಿಸಿದೆ. ಸಿನಿಮಾರಂಗದಲ್ಲಿ ನೆಮ್ಮದಿ ಸಿಕ್ಕಾಗಿದೆ. ಇನ್ನು ಸಾಕು ಅಂದುಕೊಂಡಿದ್ದೆ. ಆದರೆ, ಕವಿರಾಜ್‌, ನೀವು ಸುಮ್ಮನೆ...

  • ದರ್ಶನ್‌ ಅಭಿನಯದ "ಒಡೆಯ' ಚಿತ್ರದ ಆರ್ಭಟ ಜೋರಾಗಿದೆ. ಅದರಲ್ಲೂ ದರ್ಶನ್‌ ಅಭಿಮಾನಿಗಳಷ್ಟೇ ಅಲ್ಲ, ಎಲ್ಲಾ ವರ್ಗದವರಿಗೂ ಇಷ್ಟವಾಗುವ ಅಂಶಗಳು "ಒಡೆಯ'ದಲ್ಲಿರುವುದರಿಂದ...