ಕುಲಶೇಖರ-ಪಡೀಲ್ ನಡುವಣ ರೈಲು ಹಳಿಯಲ್ಲಿ ಬಿರುಕು: ಒಂದು ರೈಲು ರದ್ದು; 6 ರೈಲು ವಿಳಂಬ
Team Udayavani, Aug 26, 2021, 1:09 AM IST
ಮಂಗಳೂರು: ಕುಲಶೇಖರ ಮತ್ತು ಪಡೀಲ್ ನಡುವಣ ರೈಲು ಹಳಿಯಲ್ಲಿ ಬಿರುಕು ಕಾಣಿಸಿಕೊಂಡ ಕಾರಣ ಬುಧವಾರ ಈ ಮಾರ್ಗದಲ್ಲಿ ಒಂದು ರೈಲಿನ ಸಂಚಾರವನ್ನು ರದ್ದುಪಡಿಸಿದ್ದು, ಇತರ 6 ರೈಲುಗಳು ವಿಳಂಬವಾಗಿ ಸಂಚರಿಸಿವೆ.
ತೋಕೂರು- ಮಂಗಳೂರು ವಿಭಾಗದ ಕುಲಶೇಖರ ಮತ್ತು ಪಡೀಲ್ ನಡುವಣ ರೈಲು ಹಳಿಯ ಕೆಲವು ಕ್ಲಿಪ್ಗ್ಳು ತುಂಡಾಗಿ ಅಪಾಯದ ಸಿಗ್ನಲ್ ತೋರಿಸುತ್ತಿರುವ ಬಗ್ಗೆ ಗಸ್ತು ಕಾರ್ಯ ನಡೆಸುತ್ತಿದ್ದ ಹಳಿ ನಿರ್ವಾಹಕ ಚಂದನ್ ಕುಮಾರ್ ಅವರು ಮಂಗಳವಾರ ತಡರಾತ್ರಿ 1.10 ಗಂಟೆಗೆ ಗಮನಿಸಿ ಮೇಲಧಿಕಾರಿಗಳ ಗಮನಕ್ಕೆ ತಂದಿದ್ದರು.
ಈ ಹಿನ್ನೆಲೆಯಲ್ಲಿ ಈ ಸಂದರ್ಭ ಕೇರಳದ ಕಡೆಗೆ ಸಂಚರಿಸುತ್ತಿದ್ದ ಯೋಗ್ ನಗರಿ ಹೃಷಿಕೇಶ್- ಕೊಚ್ಚುವೇಲಿ ಎಕ್ಸ್ಪ್ರೆಸ್ ವಿಶೇಷ ರೈಲನ್ನು (ನಂ. 06098) ಕುಲಶೇಖರದಲ್ಲಿ ತಡೆ ಹಿಡಿಯಲಾಗಿತ್ತು. ಬಳಿಕ ದುರಸ್ತಿ ಕಾಮಗಾರಿ ಕೈಗೊಂಡು 6.13 ಗಂಟೆ ವೇಳೆಗೆ ಪೂರ್ತಿಗೊಳಿಸಿ 7 ಗಂಟೆ ವೇಳೆಗೆ ಈ ರೈಲು ಮಂಗಳೂರು ಜಂಕ್ಷನ್ ತಲುಪಿ ಯಾನ ಮುಂದುವರಿಸಿತು. ಈ ರೈಲು 315 ನಿಮಿಷ ವಿಳಂಬವಾಗಿ ಸಂಚರಿಸಿದೆ.
ಮಂಗಳೂರು ಸೆಂಟ್ರಲ್- ಮಡಗಾಂವ್ ಇಂಟರ್ ಸಿಟಿ ವಿಶೇಷ ರೈಲಿನ (ನಂ. 06602) ಯಾನವನ್ನು ಬುಧವಾರ ರದ್ದುಪಡಿಸಲಾಗಿತ್ತು.
ತಿರುವನಂತಪುರ- ನಿಜಾಮುದ್ದೀನ್ ರಾಜಧಾನಿ ಎಕ್ಸ್ಪ್ರೆಸ್ (ನಂ. 02431) ವಿಶೇಷ ರೈಲು, ಬೆಂಗಳೂರು- ಕಾರವಾರ ಎಕ್ಸ್ಪ್ರೆಸ್ (ನಂ. 06585) ವಿಶೇಷ ರೈಲು, ನಾಗರ್ಕೋವಿಲ್- ಗಾಂಧಿಧಾಮ್ ಎಕ್ಸ್ಪ್ರೆಸ್ (06336), ಲೋಕಮಾನ್ಯ ತಿಲಕ್ ಮುಂಬಯಿ- ತಿರುವನಂತಪುರ ನೇತ್ರಾವತಿ ಎಕ್ಸ್ಪ್ರೆಸ್ (06345), ಎರ್ನಾಕುಳಂ ಜಂಕ್ಷನ್- ಹಜ್ರತ್ ನಿಜಾಮುದ್ದೀನ್ ದುರಂತೊ ಸಾಪ್ತಾಹಿಕ ಎಕ್ಸ್ಪ್ರೆಸ್ (02283) ವಿಶೇಷ ರೈಲು ತಡವಾಗಿ ಸಂಚರಿಸಿವೆ.
ಈ ಮಾರ್ಗದಲ್ಲಿ ಸಂಚರಿಸಬೇಕಾಗಿದ್ದ ರೈಲುಗಳು ಹಳಿ ದುರಸ್ತಿ ಆಗುವ ತನಕ ಮಂಗಳೂರು ಜಂಕ್ಷನ್, ಮಂಜೇಶ್ವರ, ಸುರತ್ಕಲ್, ಕಾಸರಗೋಡು ರೈಲು ನಿಲ್ದಾಣಗಳಲ್ಲಿ ನಿಲುಗಡೆ ಮಾಡಿ ಬಳಿಕ ನಿರ್ಗಮಿಸಿದ್ದವು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
“ಪ್ರೇತ’ ಮದುವೆಗೆ ಕೊನೆಗೂ ಸಿಕ್ಕಿದ “ವರ’! ಆಟಿಯಲ್ಲಿ ನಡೆಯಲಿದೆ “ಪ್ರೇತ ಮದುವೆ’
Mangaluru University; ಪದವಿ 3 ವರ್ಷಕ್ಕೆ; ಪಠ್ಯಕ್ರಮ ಬದಲಾವಣೆಗೆ ವಿ.ವಿ. ನಿರ್ಧಾರ
Kerala “ವೆಸ್ಟ್ನೈಲ್’ ಜ್ವರದ ಆತಂಕ; ದ.ಕ. ಜಿಲ್ಲೆಯಲ್ಲೂ ವಿಶೇಷ ನಿಗಾ
ನೈಋತ್ಯ ಕ್ಷೇತ್ರ; ಬಿಜೆಪಿ- ಜೆಡಿಎಸ್ ಒಮ್ಮತದ ಅಭ್ಯರ್ಥಿಗೆ ಗೆಲುವು: ಡಾ| ಧನಂಜಯ ಸರ್ಜಿ
Mulki ಪ್ರೇಯಸಿ ಆತ್ಮಹತ್ಯೆ ಬೆನ್ನಲ್ಲೇ ಪ್ರಿಯತಮನೂ ಆತ್ಮಹತ್ಯೆ
MUST WATCH
ಹೊಸ ಸೇರ್ಪಡೆ
OTP ಹೇಳದಿದ್ದರೂ ಹಣ ಎಗರಿಸುತ್ತಾರೆ; ಎಚ್ಚರ! ರಾಷ್ಟ್ರೀಕೃತ ಬ್ಯಾಂಕ್ಗಳ ಹೆಸರಲ್ಲಿ ಸಂದೇಶ
Elephant Census; ಮೊದಲ ಬಾರಿಗೆ ದಕ್ಷಿಣದ ರಾಜ್ಯಗಳ ಗಡಿ ಪ್ರದೇಶಗಳಲ್ಲಿ ಆನೆ ಗಣತಿ
Udupi ಜಿಲ್ಲಾಡಳಿತಕ್ಕೆ ಮಾಹಿತಿ ನೀಡದೇ ಆಗುಂಬೆ ಸುರಂಗ ಮಾರ್ಗದ ಡಿಪಿಆರ್?
“ಪ್ರೇತ’ ಮದುವೆಗೆ ಕೊನೆಗೂ ಸಿಕ್ಕಿದ “ವರ’! ಆಟಿಯಲ್ಲಿ ನಡೆಯಲಿದೆ “ಪ್ರೇತ ಮದುವೆ’
Daily Horoscope: ಅವಿವಾಹಿತರಿಗೆ ಯೋಗ್ಯ ಸಂಗಾತಿ ಸಿಗುವ ಭರವಸೆ