ನಮ್ಮ ಕೊಡಗು ಚಾರಿಟೆಬಲ್ ಟ್ರಸ್ಟ್ ಉದ್ಘಾಟನೆೆ
Team Udayavani, Dec 12, 2018, 1:20 AM IST
ಮಡಿಕೇರಿ: ನಮ್ಮ ಕೊಡಗು ಚಾರಿಟೇಬಲ್ ಟ್ರಸ್ಟ್ ನ ಮಡಿಕೇರಿ ಘಟಕದ ಉದ್ಘಾಟನೆ ಮತ್ತು ಮೊದಲ ವರ್ಷದ ವಿದ್ಯಾರ್ಥಿ ವೇತನ ವಿತರಣಾ ಕಾರ್ಯಕ್ರಮ ಮಡಿಕೇರಿಯಲ್ಲಿ ನಡೆಯಿತು.
ಘಟಕವನ್ನು ಉದ್ಘಾಟಿಸಿ ಮಾತನಾಡಿದ ಟ್ರಸ್ಟ್ ನ ಸ್ಥಾಪಕ ಅಧ್ಯಕ್ಷರಾದ ನೌಶಾದ್ ಎಂ.ಆರ್ ಮುಂದಿನ ದಿನಗಳಲ್ಲಿ ರಾಜ್ಯಾದ್ಯಂತ ಸಂಸ್ಥೆಯ ಶಾಖೆಗಳನ್ನು ಆರಂಭಿಸಿ ಸಾಮಾಜಿಕ ಕಳಕಳಿಯ ಜನಪ್ರಿಯ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳುವುದಾಗಿ ತಿಳಿಸಿದರು. ಮೊದಲ ವರ್ಷದ ವಿದ್ಯಾರ್ಥಿ ವೇತನವನ್ನು ಕೊಡಗು ಸಂತ್ರಸ್ತ ವಿದ್ಯಾರ್ಥಿಗಳಿಗೆ ನೀಡುತ್ತಿರುವ ಬಗ್ಗೆ ಆತ್ಮತೃಪ್ತಿ ಇದೆ ಎಂದರು. ಮಡಿಕೇರಿ ಘಟಕದ ಉಸ್ತುವಾರಿಯನ್ನು ಪ್ರಜ್ವಲ್ ಮತ್ತು ಕೆಂಚಪ್ಪ ವಹಿಸಿಕೊಂಡರು. ನಗರಸಭಾ ಸದಸ್ಯೆ ತಜಸುಂ, ಸಮಾಜ ಸೇವಕಿ ವಿಜಯಲಕ್ಷ್ಮೀ, ಅಬ್ದುಲ್ ಹಫೀಜ್‚ ಸಂಸ್ಥೆಯ ಪ್ರಮುಖರಾದ ಮೋಕ್ಷಿತ, ನಜ್ಮಾ, ಲೋಹಿತ್, ಜಾನ್ಸನ್, ಕಿರಣ್, ಶಾಂತಪ್ರಕಾಶ್, ಹೂವಯ್ಯ, ಆಸೀಸ್, ಉಪಸ್ಥಿತರಿದ್ದರು.