ಅಧಿಕಾರಿಗಳ ಚಳಿ ಬಿಡಿಸಿದ ಶಾಸಕದ್ವಯರು


Team Udayavani, Dec 25, 2019, 3:00 AM IST

adhikarigalige

ನಂಜನಗೂಡು: ಮಿನಿ ವಿಧಾನಸೌಧದ ಆವರಣದಲ್ಲಿ ಮಂಗಳವಾರ ನಡೆದ ಪ್ರಗತಿ ಪರಿಶೀಲನೆ ಸಭೆಯಲ್ಲಿ ಶಾಸಕರಾದ ಬಿ.ಹರ್ಷವರ್ಧನ್‌ ಮತ್ತು ಡಾ. ಯತೀಂದ್ರ ಸಿದ್ದರಾಮಯ್ಯ, ಅಧಿಕಾರಿಗಳ ಚಳಿಬಿಡಿಸಿದರು. ಸಭೆಯಲ್ಲಿ ಹೆದ್ದಾರಿ ಸುಂಕ, ನೋಂದಣಿ ಕಚೇರಿ ಭ್ರಷ್ಟಾಚಾರ ಹಾಗೂ ತಾಲೂಕು ಮಧ್ಯವರ್ತಿಗಳ ಹಾವಳಿ ಕುರಿತು ಕಾವೇರಿದ ಚರ್ಚೆ ನಡೆಯಿತು.

ರಸ್ತೆ ಸರಿಪಡಿಸಿ ಸುಂಕ ತೆಗದುಕೊಳ್ಳಿ: ಸಭೆ ಆರಂಭವಾಗುತ್ತಿದ್ದಂತೆಯೇ, ಮೈಸೂರು-ನಂಜನಗೂಡು ರಾಷ್ಟ್ರೀಯ ಹೆದ್ದಾರಿಯಲ್ಲಿ ಮನಸ್ಸಿಗೆ ಬಂದಂತೆ ಸುಂಕ ವಸೂಲಿ ಮಾಡುತ್ತಿರುವುದನ್ನು ಶಾಸಕ ಹರ್ಷವರ್ಧನ್‌ ಪ್ರಸ್ತಾಪಿಸಿ, ಮೊದಲು ಗುಣಮಟ್ಟದ ರಸ್ತೆ ನಿರ್ಮಿಸಿ, ಸುಂಕ ವಸೂಲಿ ಮಾಡಬೇಕು. ಅಲ್ಲದೆ ನೀವು ಈಗ ನಿರ್ಮಿಸಿರುವ ರಸ್ತೆಗೆ ಪ್ಯಾಚ್‌ ವರ್ಕ್‌ ಮಾಡಿದ್ದೀರಿ. ರಸ್ತೆಯುದ್ದಕ್ಕೂ ವಿದ್ಯುತ್‌ ಕಂಬಗಳಿವೆ.

ಆದರೆ ಅವುಗಳ ದೀಪಗಳು ಬೆಳಗಲೇ ಇಲ್ಲ. ಹೀಗಿದ್ದೂ ಸುಂಕ ವಿಧಿಸಿದ್ದು ಸರಿಯೇ? ರಸ್ತೆ ಉಬ್ಬು ತಗ್ಗು ಸರಿಪಡಿಸಿದ ನಂತರವೇ ಸುಂಕದ ಪ್ರಶ್ನೆ. ಅಲ್ಲಿಯವರೆಗೂ ಸುಂಕ ಪಡೆಯುವುದನ್ನು ನಿಲ್ಲಿಸಿ ಎಂದು ಅಧಿಕಾರಿಗಳಿಗೆ ಸೂಚಿಸಿದರು. ಹೆದ್ದಾರಿಯುದ್ದಕ್ಕೂ ನಾಯಿ ಕೊಡೆಗಳಂತೆ ತಲೆ ಎತ್ತುತ್ತಿರುವ ಹೋಟೆಲ್‌ ಮತ್ತು ಡಾಭಾಗಳಿಗೆ ಕಟ್ಟಡ ನೋಂದಣಿ ಮಾಡುವ ಮುಂಚೇಯೇ ಜಾಗೃತಿ ವಹಿಸಬೇಕು ಅಧಿಕಾರಿಗಳಿಗೆ ತಿಳಿಸಿದರು.

ಪರಿಹಾರ ಹಣದಲ್ಲೂ ಭ್ರಷ್ಟಾಚಾರ: ಶಾಸಕ ಡಾ.ಯತೀಂದ್ರ ಸಿದ್ದರಾಮಯ್ಯ ಮಾತನಾಡಿ, ಪ್ರವಾಹ ಸಂತ್ರಸ್ತರಿಗೆ ಕೇಂದ್ರ ಸರ್ಕಾರದಿಂದ ಕೋಟ್ಯಂತರ ರೂ.ಬಿಡುಗಡೆಯಾಗಿದೆ. ಆದರೆ ಹಣ ಅರ್ಹ ಫ‌ಲಾನುಭಗಳಿಗೆ ಸಿಗದೇ ಅನರ್ಹರಿಗೆ ತಲುಪಿದೆ. ಮೂಲ ಮಾಲೀಕರಿಗೆ ಸಿಗಬೇಕಾದ ಪರಿಹಾರ ಅನೇಕ ಕಡೆ ಬಾಡಿಗೆದಾರರ ಪಾಲಾಗಿದೆ. ಜತೆಗೆ ಕಂದಾಯ ಅಧಿಕಾರಿಗಳ ಲೋಪವಿದೆ ಎಂದು ಗಂಭೀರ ಆರೋಪ ಮಾಡಿದರು.

ಒಂದು ಲಕ್ಷ ಪರಿಹಾರದ ಬದಲು ಸರ್ಕಾರ 5 ಲಕ್ಷ ರೂ. ಪರಿಹಾರ ಬಿಡುಗಡೆ ಮಾಡಿದೆ. ಆದರೆ ಹಣ ನೀಡುವಾಗ ಆರ್‌ಐ ಹಾಗೂ ಗ್ರಾಮ ಲೆಕ್ಕಿಗರು ಸ್ಥಳಕ್ಕೆ ಬೇಟಿ ನೀಡಿ ಹಣ ಪಡೆದು ಅರ್ಹರಿಗೆ ಅನ್ಯಾಯವೆಸಗಿದ್ದಾರೆ ಎಂಬ ದೂರುಗಳು ಕೇಳಿ ಬರುತ್ತಿದೆ. ಅರ್ಹರಿಗೆ ಅನ್ಯಾಯವಾದರೇ ಸಂಬಂಧಪಟ್ಟ ಅಧಿಕಾರಿಗಳ ವಿರುದ್ಧ ಕ್ರಮ ಕೈಗೊಳ್ಳುವುದಾಗಿ ಶಾಸಕರು ಎಚ್ಚರಿಕೆ ನೀಡಿದರು.

ಹುರ ಗ್ರಾಮದ ಖಾಸಗಿ ಶಾಲೆಯೊಂದರಲ್ಲಿ ಬಾಲಕನ ಮೇಲೆ ಶಿಕ್ಷಕರಿಂದ ಹಲ್ಲೆ ನಡೆದ ಪ್ರಕರಣಕ್ಕೆ ಏನು ಕ್ರಮ ಕೈಗೊಂಡಿದ್ದೀರಿ? ಎಂದು ಶಾಸಕರು ಬಿಇಒರನ್ನು ಪ್ರಶ್ನಿಸಿದಾಗ, ಅಧಿಕಾರಿ ರಾಜು ಹಲ್ಲೆಗೊಳಗಾದ ವಿದ್ಯಾರ್ಥಿ ಮನೆಗೆ ಪರಿಹಾರ ಕೊಡಿಸುವುದಾಗಿ ಹೇಳಿದ್ದೇನೆ. ಅದಕ್ಕೆ ಶಾಸಕರು ಇಪ್ಪತೈದು ಸಾವಿರ ಪರಿಹಾರ ಕೊಡಿಸಬೇಕು. ಆ ಶಾಲೆ ಆಡಳಿತ ಮಂಡಳಿ ವಿರುದ್ಧ ಕ್ರಮಕೈಗೊಳ್ಳುವಂತೆ ತಿಳಿಸಿದರು.

302 ಕೊಠಡಿಗಳು ಶಿಥಿಲ: ತಾಲೂಕಿನಲ್ಲಿ ಸರ್ಕಾರಿ ಶಾಲೆಗಳ 302 ಕೊಠಡಿಗಳು ಶೀಥಿಲವಾಗಿವೆ. ಈ ಬಾರಿ ಕೇವಲ 131 ಕೊಠಡಿಗಳಿಗೆ ಮಾತ್ರ ಸರ್ಕಾರ, 2.63 ಲಕ್ಷ ರೂ ಮಾತ್ರ ಬಿಡುಗಡೆ ಮಾಡಿದೆ. ಆದರೆ ಉಳಿದ ಕೊಠಡಿಗಳ ಗತಿ ಏನು ಎಂಬುದು ತಿಳಿದಿಲ್ಲ ಎಂದದ್ದು ಯಾರಿಗೂ ಕೇಳಿಸಲಿಲ್ಲ.

ಚಿರತೆಗಳ ದಾಳಿಗೆ ಪರಿಹಾರವಿಲ್ಲ: ತಾಲೂಕಿನ ಕೌಲಂದೆ ಹೋಬಳಿಯ ಕೋಣನೂರು ಸುತ್ತಮತ್ತ ಚಿರತೆ ಹಾವಳಿ ಹೆಚ್ಚಾಗಿದೆ. ಚಿರತೆ ದಾಳಿಗೆ ಪರಿಹಾರವನ್ನೇ ಇಲಾಖೆ ನೀಡುತ್ತಿಲ್ಲ ಎಂದ ಬಳಿಕ, ಶಾಸಕರು ತಕ್ಷಣ ಪರಿಹಾರ ನೀಡಿ ಸೂಚಿಸಿದರು. ತೋಟಗಾರಿಕೆ ಹಾಗೂ ಕೃಷಿ ಇಲಾಖೆಯಲ್ಲಿ ದಲ್ಲಾಳಿಗಳ ಕಾರುಬಾರು ಜೋರಿದ್ದು, ಅರ್ಹರಿಗೆ ಸೌಲಭ್ಯಗಳು ಸಿಗುತ್ತಿಲ್ಲ ಎಂದು ಜಿಪಂ ಸದಸ್ಯರಾ ದಯಾನಂದ ಮೂರ್ತಿ, ಮಂಗಳಾ ಸೋಮಶೇಖರ್‌, ಲತಾ ಸಿದ್ಧ ಶೆಟ್ಟಿ, ಗುರುಸ್ವಾಮಿ, ಸದಾನಂದ, ಪುಷ್ಪಾ ನಾಗೇಶ್‌, ರಾಜ್‌ ಎಲ್ಲರೂ ಒಟ್ಟಾಗಿ ಅಬ್ಬರಿಸಿದಾಗ ಶಾಸಕದ್ವಯರು ಮಧ್ಯ ಪ್ರವೇಶಿಸಿ, ಪಲಾನುಭವಿಗಳ ಆಯ್ಕೆ ಮಾಡುವಾಗ ಜನಪ್ರತಿನಿಧಿಗಳ ಗಮನಕ್ಕೆ ತರುವಂತೆ ಸೂಚಿಸಿದರು.

ತಾಪಂ ಅಧ್ಯಕ್ಷ ಬಿ.ಎಸ್‌.ಮಹದೇವಪ್ಪ, ಉಪಾಧ್ಯಕ್ಷ ಗೋಂದರಾಜನ್‌, ತಾಪಂ ಇಒ ಶ್ರೀಕಂಠೇರಾಜೇ ಅರಸ್‌, ಅರಣ್ಯಾಧಿಕಾರಿಗಳಾದ ನವೀನ್‌, ಪರಮೇಶ್‌, ನಗರಸಭೆ ಆಯುಕ್ತ ಕರಿಬಸವಯ್ಯ, ಸಮಾಜ ಕಲ್ಯಾಣ ಅಧಿಕಾರಿ ಎ.ಎನ್‌, ಜನಾರ್ಧನ್‌, ಗ್ರಾ.ಕು.ನೀರು, ಇಲಾಖೆ ಅಧಿಕಾರಿ ಚರಿತಾ, ಕೆಎಸ್‌ಆರ್‌ಟಿಸಿ ಮಹದೇವಪ್ಪ, ಜಿಪಂ, ಎಇಇ ಸತ್ಯನಾರಯಣ್‌, ತಾಪಂ ಮ್ಯಾನೇಜರ್‌ ನಂಜುಂಡಸ್ವಾಮಿ, ಮತ್ತೀತರರು ಬಾಗಿಯಾಗಿದ್ದರು.

ಕೊಠಡಿಗಳ ಕೊರತೆಯೇ?: ನಂಜನಗೂಡಿನಲ್ಲಿ ಕೆಲವು ಕಚೇರಿಗಳು ದುಬಾರಿ ಬಾಡಿಗೆಗೆ ಖಾಸಗಿ ಮನೆಗಳಿಗೆ ಸ್ಥಳಾಂತರವಾಗಿವೆ ಏಕೆ? ಕಾರಣವೇನು ಎಂದು ಶಾಸಕ ಹರ್ಷವರ್ಧನ್‌ ಪ್ರಶ್ನಿಸಿದಾಗ ಅಧಿಕಾರಿಗಳು, ನಮಗೆ ಮಿನಿ ವಿಧಾನಸೌಧದಲ್ಲಿ ಕೊಠಡಿಗಳ ಕೊರಯಿದೆ ಎಂದರು. ಆಗ ಆಶ್ಚರ್ಯ ವ್ಯಕ್ತಪಡಿಸಿದ ಶಾಸಕರು, ಇಷ್ಟು ವಿಶಾಲವಾದ ಕಟ್ಟಡದಲ್ಲೂ ಕೊರತೆಯೇ? ನನ್ನ ಗಮನಕ್ಕೆ ತನ್ನಿ ನಾನು ಸರಿಪಡಿಸಿ ಕೊಡುತ್ತೇನೆ ಎಂದರು.

ತಬ್ಬಿಬ್ಬಾದ ಅಧಿಕಾರಿ ನಂದಿನಿ: ಉಪ-ನೋಂದಣಿ ಕಚೇರಿ ಬಗ್ಗೆ ಜಿಪಂ, ಸದಸ್ಯ ಎಚ್‌.ಎಸ್‌. ದಯಾನಂದಮೂರ್ತಿ ಮಾತನಾಡಿ, ಕಚೇರಿಯಲ್ಲಿ ಹಣವಿಲ್ಲದೇ ಕೆಲಸವಾಗುವುದಿಲ್ಲ ಎಂದು ಭ್ರಷ್ಟಾಚಾರದ ಕುರಿತು ಅಧಿಕಾರಿ ನಂದಿನಿಯವರನ್ನು ತೀವ್ರ ತರಾಟೆಗೆ ತೆಗೆದುಕೊಂಡರು. ಅಧಿಕಾರಿ ನಂದಿನಿ, ತಮ್ಮ ಕಾರ್ಯಾಲಯದ ಮೇಲೆ ಬಂದಿರುವ ಆರೋಪಗಳಿಗೆ ಉತ್ತರಿಸಲಾಗದೇ ತಬ್ಬಿಬ್ಬಾದರು.

ಶಾಸಕ ಹರ್ಷವರ್ಧನ್‌ ಮಧ್ಯ ಪ್ರವೇಶಿಸಿ ಸಿಸಿ ಕ್ಯಾಮರಗಳಿಲ್ಲವೇ? ಎಂದು ಪ್ರಶ್ನಿಸಿದರೆ, ಅಧಿಕಾರಿಗಳು ಇಲ್ಲಾ ಎಂದು ಉತ್ತರಿಸಿದರು. ತಕ್ಷಣವೇ ಸಿಸಿ ಕ್ಯಾಮರಾ ಅಳವಡಿಸಿ, ಮುಂದಿನ ಸಭೆಯಲ್ಲಿ ನಿಮ್ಮ ಕಚೇರಿಯ ಭ್ರಷ್ಟಾಚಾರದ ಬಗ್ಗೆ ಚೆರ್ಚೆಯಾಗದಂತೆ ಪಾರದರ್ಶಕ ಆಡಳಿತ ನಡೆಸಿ ಎಂದು ನಂದಿನಿಯವರಿಗೆ ತಾಕೀತು ಮಾಡಿದರು.

ಟಾಪ್ ನ್ಯೂಸ್

4-letter-1

ಸತ್ತ 9 ವರ್ಷದ ಬಳಿಕ ತಂದೆ ಬರೆದ ಪತ್ರ ಪತ್ತೆ:ಮಕ್ಕಳಿಗೆ ಹೇಳಿದ ಸಂದೇಶವೇನು?; ಪೋಸ್ಟ್ ವೈರಲ್‌

ಚಿತ್ರ ವಿಮರ್ಶೆ: ಕೆಂಪು ಹಾದಿಯಲ್ಲಿ ಜಾನಕಿರಾಮ್‌ ಪ್ರೇಮ ಪ್ರಸಂಗ

ಚಿತ್ರ ವಿಮರ್ಶೆ: ಕೆಂಪು ಹಾದಿಯಲ್ಲಿ ಜಾನಕಿರಾಮ್‌ ಪ್ರೇಮ ಪ್ರಸಂಗ

ಡೆಹ್ರಾಡೂನ್ ನಲ್ಲಿ ಮೇಘಸ್ಪೋಟ : ಜನಜೀವನ ಅಸ್ತವ್ಯಸ್ಥ, ರಕ್ಷಣಾ ಕಾರ್ಯ ಚುರುಕು

ಡೆಹ್ರಾಡೂನ್ ನಲ್ಲಿ ಮೇಘಸ್ಪೋಟ : ಜನಜೀವನ ಅಸ್ತವ್ಯಸ್ಥ, ರಕ್ಷಣಾ ಕಾರ್ಯ ಚುರುಕು

3-egg

ಸಿದ್ದರಾಮಯ್ಯ ಕಾರಿನ ಮೇಲೆ ಮೊಟ್ಟೆ ಎಸೆದ 9 ಮಂದಿ ಹಿಂದೂ ಕಾರ್ಯಕರ್ತರ ವಿರುದ್ದ ಎಫ್‌ಐಆರ್

ಶಾಲಾ ಬಸ್ -ಕ್ಯಾಂಟರ್ ಅಪಘಾತ :ಇಬ್ಬರು ಚಾಲಕರು ಸಾವು, 20ಕ್ಕೂ ಹೆಚ್ಚು ವಿದ್ಯಾರ್ಥಿಗಳಿಗೆ ಗಾಯ

ಶಾಲಾ ಬಸ್ -ಕ್ಯಾಂಟರ್ ಅಪಘಾತ :ಇಬ್ಬರು ಚಾಲಕರು ಸಾವು, 20ಕ್ಕೂ ಹೆಚ್ಚು ವಿದ್ಯಾರ್ಥಿಗಳಿಗೆ ಗಾಯ

ಭಲೇ ದ್ಯಾಮಣ್ಣ.. :1ಕ್ವಿಂಟಲ್ 53 ಕೆ.ಜಿ.ಭಾರ ಎತ್ತಿ ಶಕ್ತಿ ಪ್ರದರ್ಶನದಲ್ಲಿ ಸೈ ಎನಿಸಿದ ಯುವಕ

ಭಲೇ ದ್ಯಾಮಣ್ಣ.. :1ಕ್ವಿಂಟಲ್ 53 ಕೆ.ಜಿ.ಭಾರ ಎತ್ತಿ ಶಕ್ತಿ ಪ್ರದರ್ಶನದಲ್ಲಿ ಸೈ ಎನಿಸಿದ ಯುವಕ

2-car

ಲಾರಿಗೆ ಕಾರು ಢಿಕ್ಕಿ: ತಂದೆ, ಮಗಳು ಸಾವು; ಮಗು ಗಂಭೀರ



ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

ಗಜಪಡೆಗೆ ಭಾರ ಹೊರುವ ತಾಲೀಮು ; ಮೊದಲ ದಿನವೇ 550 ಕೆ.ಜಿ. ತೂಕ ಭಾರ

ಗಜಪಡೆಗೆ ಭಾರ ಹೊರುವ ತಾಲೀಮು ; ಮೊದಲ ದಿನವೇ 550 ಕೆ.ಜಿ. ತೂಕ ಭಾರ

ಅಳಿವಿನಂಚಿನಲ್ಲಿರುವ ಸಸ್ಯ, ವೃಕ್ಷ ಸಂರಕ್ಷಣೆ ಅಗತ್ಯ; ಮಾಜಿ ಸಚಿವ ವಿಜಯಶಂಕರ್‌

ಅಳಿವಿನಂಚಿನಲ್ಲಿರುವ ಸಸ್ಯ, ವೃಕ್ಷ ಸಂರಕ್ಷಣೆ ಅಗತ್ಯ; ಮಾಜಿ ಸಚಿವ ವಿಜಯಶಂಕರ್‌

1-dsf-sffsf

ಸಿದ್ದರಾಮಯ್ಯ ಮೇಲಿನ ದಾಳಿಗಾಗಿ ಗೃಹಸಚಿವರು ರಾಜೀನಾಮೆ ನೀಡಬೇಕು: ಧ್ರುವನಾರಾಯಣ್

2

ಹುಣಸೂರು: ಕಾಂಗ್ರೆಸ್ ಕಾರ್ಯಕರ್ತರಿಂದ ಬಿಜೆಪಿ ವಿರುದ್ದ ಪ್ರತಿಭಟನೆ

8suttur

ಸುತ್ತೂರು ಮಠ ಧರ್ಮನಿಷ್ಠೆ, ಸಕಾರಾತ್ಮಕ ಶಕ್ತಿಗೆ ಪ್ರಸಿದ್ಧ: ರಾಜ್ಯಪಾಲ ಗೆಹ್ಲೋಟ್

MUST WATCH

udayavani youtube

ತಪ್ಪಿದ ಭಯೋತ್ಪಾದಕ ದಾಳಿ? ರಾಯ್ ಗಢ್ ನಲ್ಲಿ AK 47, ಸ್ಫೋಟಕ ತುಂಬಿದ್ದ ಬೋಟ್ ಪತ್ತೆ

udayavani youtube

ಎಲ್ಲಿದ್ದೀರಾ ಸ್ವಾಮಿ ಕಾಂಗ್ರೆಸ್ ನವರು..? ಕೈ ನಾಯಕರ ವಿರುದ್ಧ ಮುಸ್ಲಿಂ ಮುಖಂಡನ ಆಕ್ರೋಶ

udayavani youtube

ಕೊಡಗಿನಲ್ಲಿ ಸಿದ್ದರಾಮಯ್ಯಗೆ ಘೇರಾವ್ ಹಾಕಿದ ಬಿಜೆಪಿ ಯುವಮೋರ್ಚಾ ; ಕಪ್ಪುಪಟ್ಟಿ ಪ್ರದರ್ಶನ

udayavani youtube

udayavani youtube

ಸಂಸದೀಯ ಮಂಡಳಿ, ಚುನಾವಣಾ ಸಮತಿಯಲ್ಲಿ BSYಗೆ ಮಹತ್ವದ ಸ್ಥಾನ

ಹೊಸ ಸೇರ್ಪಡೆ

7-telengana

ತೆಲಂಗಾಣಕ್ಕೆ ರಾಯಚೂರು ವಿಲೀನ ಹೇಳಿಕೆಗೆ ಆಕ್ರೋಶ

6award

ಛಾಯಾಗ್ರಹಣ ದಿನಾಚರಣೆ; ಪುರಸ್ಕೃತರಿಗೆ ಸನ್ಮಾನ

4-letter-1

ಸತ್ತ 9 ವರ್ಷದ ಬಳಿಕ ತಂದೆ ಬರೆದ ಪತ್ರ ಪತ್ತೆ:ಮಕ್ಕಳಿಗೆ ಹೇಳಿದ ಸಂದೇಶವೇನು?; ಪೋಸ್ಟ್ ವೈರಲ್‌

5photo-‘

ಛಾಯಾಗ್ರಾಹಕರಿಗೆ ಭದ್ರತೆ ಒದಗಿಸಿ: ತೇಗಲತಿಪ್ಪಿ

ಚಿತ್ರ ವಿಮರ್ಶೆ: ಕೆಂಪು ಹಾದಿಯಲ್ಲಿ ಜಾನಕಿರಾಮ್‌ ಪ್ರೇಮ ಪ್ರಸಂಗ

ಚಿತ್ರ ವಿಮರ್ಶೆ: ಕೆಂಪು ಹಾದಿಯಲ್ಲಿ ಜಾನಕಿರಾಮ್‌ ಪ್ರೇಮ ಪ್ರಸಂಗ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.