ಮದ್ಯದಂಗಡಿ ಸ್ಥಳಾಂತರಕ್ಕೆ ಆಗ್ರಹ

Team Udayavani, May 7, 2020, 4:16 PM IST

ಹರಪನಹಳ್ಳಿ: ಮದ್ಯದಂಗಡಿ ಪಟ್ಟಣದ ಹೊರಗಡೆ ಸ್ಥಳಾಂತರಿಸಲು ಮನವಿ ಸಲ್ಲಿಸಿದರು.

ಹರಪನಹಳ್ಳಿ: ಕೊಟ್ಟೂರು ರಸ್ತೆಯಲ್ಲಿರುವ ಎಂಎಸ್‌ ಐಎಲ್‌ ಮದ್ಯದಂಗಡಿಯನ್ನು ಪಟ್ಟಣದ ಹೊರಗಡೆಗೆ ಸ್ಥಳಾಂತರಿಸುವಂತೆ ಪುರಸಭೆ ಸದಸ್ಯರು ಹಾಗೂ ಸಾರ್ವಜನಿಕರು ಅಬಕಾರಿ ಅಧಿಕಾರಿಗಳಿಗೆ ಮನವಿ ಸಲ್ಲಿಸಿದರು.

ಕೊಟ್ಟೂರು ರಸ್ತೆಯಲ್ಲಿರುವ ಎಂಎಸ್‌ಐಎಲ್‌ ಮದ್ಯದಂಗಡಿ ತೆರೆದಿರುವುದರಿಂದ ಅಕ್ಕ-ಪಕ್ಕದ ಮನೆಯವರಿಗೆ, ಮಹಿಳೆಯರಿಗೆ, ವಿದ್ಯಾರ್ಥಿಗಳಿಗೆ ತೀವ್ರ ತೊಂದರೆ ಆಗುತ್ತದೆ. ಮದ್ಯದಂಗಡಿ ಮುಂದೆಯೇ ಅನಾದಿ ಕಾಲದಿಂದಲೂ ಪೂಜಿಸಿಕೊಂಡು ಬಂದಿರುವ ಅಮ್ಮನ ಆಲದ ಮರವಿದೆ. ಹೀಗಾಗಿ ಧಾರ್ಮಿಕ ಭಾವನೆಗಳಿಗೆ ಧಕ್ಕೆಯಾಗುತ್ತದೆ. ಕುಡುಕರ ಹಾವಳಿಯಿಂದ ವಿಪರೀತ ತೊಂದರೆ ಉಂಟಾಗುತ್ತಿದೆ. ಆದ್ದರಿಂದ ಮದ್ಯದಂಗಡಿ ಪಟ್ಟಣದ ಹೊರಗೆ ಪ್ರಾರಂಭಿಸುವಂತೆ ಒತ್ತಾಯಿಸಿದರು.

ಪುರಸಭೆ ಸದಸ್ಯರಾದ ಇಂಜತರಿ ಮಂಜುನಾಥ, ಕೌಟಿ ವಾಗೀಶ್‌, ಜಾವೀದ್‌, ಶಾನಭೋಗರ ಕಿರಣ್‌, ಎಚ್‌. ಎಂ. ಜಗದೀಶ್‌, ವಿನಯಕ ಭಜಂತ್ರಿ, ನಿವೃತ್ತ ಶಿಕ್ಷಕ ಶಂಕ್ರಪ್ಪ, ಚಂದ್ರಪ್ಪ ಗಾಂದಿ, ಗೊಂಗಡಿ ಅನಿಲ್‌, ಕೌಟಿ ಸುರೇಶ್‌, ನಾಗರಾಜ್‌ ಇತರರಿದ್ದರು.