ಮೆಕ್ಕೆ ಜೋಳ ಖರೀದಿಗೆ ಅವಕಾಶ
Team Udayavani, May 17, 2020, 4:37 PM IST
ಸಾಂದರ್ಭಿಕ ಚಿತ್ರ
ಶಿಕಾರಿಪುರ: ಸಂಡ ಪಶು ಆಹಾರ ಘಟಕ ಮೆಕ್ಕೆಜೋಳ ಖರೀದಿ ಕುರಿತು ಅಧಿಕಾರಿಗಳ ಜೊತೆ ಸಂಸದ ಬಿ.ವೈ. ರಾಘವೇಂದ್ರ ಚರ್ಚಿಸಿದ್ದು, ಕೆಎಂಎಫ್ ಇಡೀ ರಾಜ್ಯದಲ್ಲಿ ಒಟ್ಟು 5 ಘಟಕಗಳು ಕಾರ್ಯ ನಿರ್ವಹಿಸುತ್ತೀವೆ. ಇದರಲ್ಲಿ ಜಿಲ್ಲೆಯ ಶಿಕಾರಿಪುರ ಸಂಡ ಕೂಡ ಒಂದಾಗಿದೆ ಎಂದರು.
ರಾಜ್ಯದಲ್ಲಿ ಮೆಕ್ಕೆಜೋಳ ಖರೀದಿ ಕೆಎಂಎಫ್ ನಿಂದ 9 ಮೆಕ್ಕೆಜೋಳ ಖರೀದಿ ಕೇಂದ್ರ ತೆರೆಯಲಾಗಿದ್ದು, ಕೇಂದ್ರ ಮತ್ತು ರಾಜ್ಯ ಸರ್ಕಾರ ಸೇರಿ ಕ್ವಿಂಟಲ್ ಗೆ ಒಟ್ಟು,1750 ರೂ ಬೆಂಬಲ ಬೆಲೆ ಘೋಷಣೆ ಮಾಡಿದೆ. ಸೊಸೈಟಿಗಳ ಮೂಲಕ ರೈತರಿಗೆ ಮಾಹಿತಿ ನೀಡಿ ಇಂದಿನಿಂದ ಅಧಿಕೃತವಾಗಿ ಖರೀದಿ ಆರಂಭವಾಗಿದೆ. ಸಣ್ಣ ಅತೀ ಸಣ್ಣ ರೈತ ಶಿವಮೊಗ್ಗ ದಾವಣಗೆರೆ, ಚಿತ್ರದುರ್ಗ, ಮೂರು ಜಿಲ್ಲೆಯ ರೈತರಿಗೆ ಅನುಕೂಲವಾಗುವ ನಿಟ್ಟಿನಲ್ಲಿ ಖರೀದಿ ಕೇಂದ್ರ ತೆರೆಯಲಾಗಿದೆ. ಕೃಷಿ ಇಲಾಖೆಯ ವೆಬ್ಸೈಟ್ ಮೂಲಕ ರೈತನ ಜಮೀನಿನ ಎಲ್ಲ ದಾಖಲೆಗಳು ಸಿಗುತ್ತದೆ. ಈಗಾಗಲೇ ಶಿವಮೊಗ್ಗ ಜಿಲ್ಲೆಯಲ್ಲಿ ಬೆಳೆಗಳನ್ನು 5105 ಹೇಕ್ಟೆರ್ ಭೂಮಿಯಲ್ಲಿ 2ಕ್ಕೂ ಹೆಚ್ಚು ಮೆಟ್ರಿಕ್ ಟನ್ ಜೋಳ ಬೆಳೆದಿದ್ದಾರೆ. 2,75,500 ಮೆಕ್ಕೆಜೋಳ ಇರಬಹುದು ಎಂದು ಅಂದಾಜಿಸಲಾಗಿದ್ದು, ಅದರಲ್ಲಿ ಅರ್ಧ ಮಾತ್ರ ಮಾರಕಟ್ಟೆಗೆ ಸಿಗಬಹುದು. ರೈತರಿಗೆ ಅನುಕೂಲವಾಗುವ ನಿಟ್ಟಿನಲ್ಲಿ ಕೆಎಂಎಫ್ ಶಿವಮೊಗ್ಗ ಎಲ್ಲ ಕೇಂದ್ರಗಳಲ್ಲಿ 8000 ಮೆಟ್ರಿಕ್ ಟನ್ ಖರೀದಿಗೆ ಅನೂಕೂಲ ಮಾಡಿಕೊಟ್ಟಿದ್ದಾರೆ ಅವರಿಗೆ ಅಭಿನಂದನೆ ತಿಳಿಸಿದ್ದರು.
ಅತೀ ಸಣ್ಣ ಸಣ್ಣ ರೈತರಿಗೆ ಅನುಕೂಲ ವಾಗುವಂತೆ ಈ ವ್ಯವಸ್ಥೆ ಮಾಡಲಾಗಿದೆ. ಅಧಿ ಕೃತವಾಗಿ ಇಂದಿನಿಂದ ಖರೀದಿ ಆರಂಭವಾಗಿದೆ. ತಹಶೀಲ್ದಾರ್ ಕೃಷಿ ನಿರ್ದೇಶಕರು, ಅಧಿಕಾರಿಗಳು ರೈತರು ಗೊಂದಲ ಪಡುವ ಅಗತ್ಯವಿಲ್ಲ ಎಂದರು. ಕೆಎಂಎಫ್ ನೋಡಲ್ ಅಧಿಕಾರಿ ಹೇಮಶೇಖರ್, ಕೆಎಂಎಫ್ ವ್ಯವಸ್ಥಾಪಕ ಶಿವಾನಂದ, ಗುರುಮೂರ್ತಿ, ಸಿದ್ದಲಿಂಗಪ್ಪ, ಟಿ.ಎಸ್ ಮೋಹನ್, ಸುಕೇಂದ್ರಪ್ಪ ಇತರರಿದ್ದರು.