ಬೈಂದೂರು: ಮುಗಿದ ಮತದಾನ, ಲೆಕ್ಕಾಚಾರ ಶುರು

ಜಿಲ್ಲೆಯಲ್ಲಿ ಬೈಂದೂರು ಕನಿಷ್ಠ, ಉಡುಪಿಯಲ್ಲಿ ಗರಿಷ್ಠ ಮತದಾನ

Team Udayavani, Apr 27, 2019, 2:31 PM IST

ಕುಂದಾಪುರ, ಎ. 26: ಶಿವಮೊಗ್ಗ ಲೋಕಸಭಾ ಕ್ಷೇತ್ರದ ಬೈಂದೂರಲ್ಲಿ ಮತದಾನ ಮುಗಿದಿದ್ದು, ಈಗ ಅಭ್ಯರ್ಥಿಗಳು, ಪಕ್ಷಗಳಲ್ಲಿ ಮಾತ್ರವಲ್ಲದೆ ಜನರಲ್ಲಿಯೂ ಲೆಕ್ಕಾಚಾರ ಶುರುವಾಗಿದೆ. ಎ. 23 ರಂದು ಬೈಂದೂರು ವಿಧಾನಸಭಾ ಕ್ಷೇತ್ರ ವ್ಯಾಪ್ತಿಯಲ್ಲಿ ಶೇ. 75.30 ಮತದಾನವಾಗಿದೆ. ಫಲಿತಾಂಶಕ್ಕಾಗಿ ಮಾತ್ರ ಮೇ 23 ರವರೆಗೆ ಕಾಯಲೇಬೇಕು.

ಬೈಂದೂರು ಕ್ಷೇತ್ರದಲ್ಲಿ 2,26,587 ಮತದಾರರಿದ್ದು, ಆ ಪೈಕಿ 1,70,531 ಮಂದಿ ಮತದಾನ ಮಾಡಿದ್ದಾರೆ. ಇದರಲ್ಲಿ 78,687 ಮಂದಿ ಪುರುಷರು, 91,436 ಮಂದಿ ಮಹಿಳೆಯರು ತಮ್ಮ ಹಕ್ಕು ಚಲಾಯಿಸಿದ್ದಾರೆ.

ಗರಿಷ್ಠ – 91.09, ಕನಿಷ್ಠ – 46.24:

ಕ್ಷೇತ್ರದಲ್ಲಿರುವ 246 ಮತಗಟ್ಟೆಗಳ ಪೈಕಿ ನಕ್ಸಲ್ ಪೀಡಿತ ಪ್ರದೇಶವಾದ ಹಳ್ಳಿಹೊಳೆಯ ಇರಿಗೆ ಹಿ.ಪ್ರಾ. ಶಾಲೆಯ ಮತಗಟ್ಟೆಯಲ್ಲಿ ಗರಿಷ್ಠ ಶೇ.91.09 ಮತದಾನವಾದರೆ, ಕಳಿನಜೆಡ್ಡುವಿನ ಕಿ.ಪ್ರಾ. ಶಾಲೆಯಲ್ಲಿ ಕನಿಷ್ಠ ಶೇ. 46.24 ಮತದಾನವಾಗಿದೆ. 39 ಮತಗಟ್ಟೆಗಳಲ್ಲಿ ಶೇ.80 ಕ್ಕಿಂತ ಅಧಿಕ ಪ್ರಮಾಣದ ಮತದಾನವಾಗಿದ್ದರೆ, 6 ಮತಗಟ್ಟೆಗಳಲ್ಲಿ ಮಾತ್ರ ಶೇ. 60 ಕ್ಕಿಂತ ಕಡಿಮೆ ಮತ ಚಲಾವಣೆಯಾಗಿದೆ.

ಅತ್ಯಧಿಕ ಮತದಾನ:

ಕಳೆದ ವರ್ಷ ನವೆಂಬರ್‌ನಲ್ಲಿ ನಡೆದ ಲೋಕಸಭಾ ಉಪ ಚುನಾವಣೆಯಲ್ಲಿ ಬೈಂದೂರಲ್ಲಿ ಶೇ. 59.05ರಷ್ಟು ಮತದಾನವಾಗಿತ್ತು. 2014 ರ ಲೋಕಸಭಾ ಚುನಾವಣೆಯಲ್ಲಿ ಶೇ.72.92, 2108 ರ ವಿಧಾನಸಭಾ ಚುನಾವಣೆಯಲ್ಲಿ ಶೇ.79.08 ಹಾಗೂ 2013 ರ ವಿಧಾನಸಭಾ ಚುನಾವಣೆಯಲ್ಲಿ ಶೇ.66 ರಷ್ಟು ಮತದಾನವಾಗಿತ್ತು. ಈ ಬಾರಿಯ ಮತದಾನ ಕಳೆದ 3 ಅವಧಿಗಳಲ್ಲಿ ಲೋಕಸಭೆ ಚುನಾವಣೆಯಲ್ಲಿ ಬೈಂದೂರು ಕ್ಷೇತ್ರದಲ್ಲಿ ನಡೆದ ಗರಿಷ್ಠ ಮತದಾನವಾಗಿದೆ.

ಇಲ್ಲೂ ಮಹಿಳೆಯರೇ ಮುಂದು:

ಕುಂದಾಪುರ ವಿಧಾನಸಭಾ ಕ್ಷೇತ್ರದಲ್ಲಿ ಮಹಿಳೆಯರೇ ಮತದಾನದಲ್ಲಿ ಮುಂಚೂಣಿಯಲ್ಲಿದ್ದರೆ, ಈಗ ಬೈಂದೂರು ವಿಧಾನಸಭಾ ಕ್ಷೇತ್ರದಲ್ಲೂ ಕೂಡ ತಾವೇ ಮುಂದು ಎಂದು ಮತ್ತೂಮ್ಮೆ ಮಹಿಳಾ ಮತದಾರರು ಸಾಬೀತುಪಡಿಸಿದ್ದಾರೆ.

1,16,349 ಮಹಿಳೆಯರ ಪೈಕಿ 91,436 (ಶೇ.78.58) ಮಂದಿ ಮತದಾನ ಮಾಡಿದ್ದರೆ, 1,10,237 ಪುರುಷರ ಪೈಕಿ 78,687 (ಶೇ. 71.37) ಮಂದಿ ಮತ ಚಲಾಯಿಸಿದ್ದಾರೆ.

ಬೈಂದೂರು: ಕಡಿಮೆ ಮತದಾನ!

ಉಡುಪಿ ಜಿಲ್ಲೆಯಲ್ಲಿರುವ 5 ವಿಧಾನಸಭಾ ಕ್ಷೇತ್ರಗಳ ಪೈಕಿ ಬೈಂದೂರಲ್ಲಿ ಶೇ. 75.30 ಮತದಾನವಾಗಿದ್ದರೂ ಉಳಿದ 4 ಕ್ಷೇತ್ರಗಳಿಗೆ ಹೋಲಿಸಿದರೆ, ಇದುವೇ ಕನಿಷ್ಠ ಮತದಾನವಾಗಿದೆ. ಉಡುಪಿಯಲ್ಲಿ ಗರಿಷ್ಠ – ಶೇ. 78.77, ಕಾರ್ಕಳದಲ್ಲಿ – ಶೇ. 78.39, ಕಾಪು – ಶೇ. 77.89 ಹಾಗೂ ಕುಂದಾಪುರ – ಶೇ. 77.66 ಪ್ರತಿಶತ ಮತದಾನವಾಗಿದೆ.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ

  • ಬೆಂಗಳೂರು: ಮಾಜಿ ಉಪ ಮುಖ್ಯಮಂತ್ರಿ ಡಾ.ಜಿ.ಪರಮೇಶ್ವರ್‌ ಹಾಗೂ ಮಾಜಿ ಸಚಿವ ಡಿ.ಕೆ.ಶಿವಕುಮಾರ್‌ ಅವರ ಮೇಲಿನ ಆದಾಯ ತೆರಿಗೆ ದಾಳಿ ಬಗ್ಗೆ ಸಾಕಷ್ಟು ಅನುಮಾನ ಮೂಡಿದೆ...

  • ಸಿಲಿಕಾನ್‌ ಸಿಟಿ ಬೆಂಗಳೂರು ವಾಹನಗಳು, ಅದರಲ್ಲೂ ದ್ವಿಚಕ್ರ ವಾಹನ ಕಳ್ಳರ ಪರಮಾಪ್ತ ತಾಣವಾಗಿ ಮಾರ್ಪಟ್ಟಿದೆ. ಪಕ್ಕದ ತಮಿಳುನಾಡು, ಆಂಧ್ರ, ಮಹಾರಾಷ್ಟ್ರಗಳಿಂದ...

  • ಬೆಂಗಳೂರು: ಜನಸಂಖ್ಯೆಗೆ ಅನುಗುಣವಾಗಿ ಮೀಸಲಾತಿ ಹೆಚ್ಚಿಸುವ ಬಗ್ಗೆ ಎಚ್‌.ಎನ್‌. ನಾಗಮೋಹನದಾಸ್‌ ನೇತೃತ್ವದ ಸಮಿತಿ ವರದಿ ಸಲ್ಲಿಸಿದ ನಂತರ ಅದನ್ನು ಆಧರಿಸಿ ಸೂಕ್ತ...

  • ಬೆಂಗಳೂರು: ನಗರದಲ್ಲಿ ಉತ್ಪತ್ತಿಯಾಗುವ ಪ್ರಾಣಿ ಮಾಂಸ ತ್ಯಾಜ್ಯವನ್ನು ವೈಜ್ಞಾನಿಕವಾಗಿ ವಿಲೇವಾರಿ ಮಾಡುವ ಉದ್ದೇಶದಿಂದ ನಗರದ ಹೊರವಲಯದಲ್ಲಿ ಮಾಂಸ ತ್ಯಾಜ್ಯ...

  • ಧಾರವಾಡ: ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯನವರು ಮುಕ್ತ ಸವಾಲು ಮಾಡುವುದಾದರೆ ಮಾಡಲಿ. ನನ್ನದು ಕೂಡ ಮುಕ್ತ ಸವಾಲು ಆಗಿದ್ದು, ಯಾವ ಸರ್ಕಾರ ಹೆಚ್ಚಿನ ಅನುದಾನ ನೀಡಿದೆ...