ಚುನಾವಣೆ: ಕೆಲವು ಫ‌ಲಕ ಹಾಗೇ; ಕೆಲವಕ್ಕೆ ಕಿರಿಕ್‌!

Team Udayavani, Apr 11, 2019, 6:00 AM IST

2018ರ ಚುನಾವಣೆ ವೇಳೆ ಹಾಕಿದ ಪ್ರಚಾರ ಫ‌ಲಕ.

ಉಡುಪಿ: ಚುನಾವಣೆ ಸಮೀಪಿಸುವಾಗ ಚುನಾವಣಾ ಆಯೋಗ ರಾಯಭಾರಿಗಳ ಚಿತ್ರಗಳನ್ನು ಹಾಕಿ ಮತದಾನ ಜಾಗೃತಿ ರೂಪಿಸುತ್ತದೆ. ಮಣಿಪಾಲದ ಸಿಂಡಿಕೇಟ್‌ ಸರ್ಕಲ್‌ನಿಂದ ಜಿಲ್ಲಾಧಿಕಾರಿ ಕಚೇರಿಗೆ ತಿರುಗುವ ಮಾರ್ಗದಲ್ಲಿರುವ ಈ ಫ‌ಲಕ ಇನ್ನೂ 2018ರ ಚುನಾವಣೆಯಲ್ಲಿಯೇ ಇದೆ.

ಚುನಾವಣೆ ನಡೆಯುವ ಸಂದರ್ಭ ಒಂದು ತಿಂಗಳ ಮುಂಚಿತವಾಗಿ ಜಿಲ್ಲಾಡಳಿತ ಪೂರ್ವ ತಯಾರಿಯಲ್ಲಿ ರುತ್ತದೆ.ನೀತಿಸಂಹಿತೆ ಜಾರಿ ಬಂದ ಕ್ಷಣಾರ್ಧದಲ್ಲಿಯೇ ಎಲ್ಲ ರಾಜಕೀಯ ಪಕ್ಷಗಳ ಬೋರ್ಡ್‌ಗಳನ್ನು ತೆಗೆದು ಚುನಾವಣಾ ಇಲಾಖೆ ಕಾರ್ಯಪ್ರವೃತ್ತರಾದರೂ ರಾಹುಲ್‌ ದ್ರಾವಿಡ್‌ ಚಿತ್ರ ಹೊತ್ತ ಈ ಫ‌ಲಕ ಇನ್ನೂ ಹಾಗೇ ಇದೆ. ವಿಧಾನಸಭಾ ಚುನಾವಣೆ ಬಳಿಕ ವಿಧಾನ ಪರಿಷತ್‌, ನಗರಸಭೆ ಚುನಾವಣೆ ನಡೆದು ಈಗ 2019ರ ಲೋಕಸಭಾ ಚುನಾವಣೆ ಸಮೀಪಿಸುತ್ತಿದೆ. ಕೆಲವರು ಈ ಬಗ್ಗೆ ದೂರವಾಣಿ ಮೂಲಕ ತಿಳಿಸಿ ತಿಂಗಳು ಕಳೆದರೂ ಫ‌ಲಕದಲ್ಲೇನೂ ಬದಲಾವಣೆ ಕಂಡುಬರಲಿಲ್ಲ.

ಅಧಿಕಾರಿಗಳು ಕಾರುಗಳಿಗೆ ಹಾಕಿದ ಸ್ಟಿಕ್ಕರ್‌ತೆಗೆಯುತ್ತಿದ್ದಾರೆ. ಜನರ ಕಣ್ಣಿಗೆ ಢಾಳಾಗಿ ಕಾಣುವ ಈ ಫ‌ಲಕ ಮಾತ್ರ ಹಾಗೇ ತೋರುತ್ತಿದೆ.