ಸಾಲಿಗ್ರಾಮ ಮುಖ್ಯಪೇಟೆ ಲಾಕ್ಡೌನ್ ಇನ್ನಷ್ಟು ಬಿಗಿ
Team Udayavani, Apr 13, 2020, 6:16 AM IST
ಕೋಟ: ಜನದಟ್ಟನೆ ಹೆಚ್ಚಿದ ಕಾರಣಕ್ಕೆ ಸಾಲಿಗ್ರಾಮ ಮುಖ್ಯಪೇಟೆಯನ್ನು ಶನಿವಾರ ಸಂಜೆಯಿಂದ ಭಾಗಶಃ ಸೀಲ್ಡೌನ್ ಮಾಡಲಾಗಿದ್ದು ವಾಹನ ಸಂಚಾರ ಸಂಪೂರ್ಣ ನಿರ್ಬಂಧಿಸಲಾಗಿದೆ.
ವಾಹನಗಳ ಸಂಚಾರ ಹಾಗೂ ಸಾಮಾಜಿಕ ಅಂತರ ಕಾಯ್ದುಕೊಳ್ಳುವಲ್ಲಿ ವಿಫಲವಾಗುತ್ತಿರುವ ಕುರಿತು ದೂರುಗಳು ಕೇಳಿಬಂದ ಮೇರೆಗೆ ಸ್ಥಳೀಯಾಡಳಿತ ನೆರವಿನೊಂದಿಗೆ ಕೋಟ ಪೊಲೀಸರು ಕಾರಂತಬೀದಿಯ ಎರಡು ಕಡೆ ಹಾಗೂ ಆಂಜನೇಯ ದೇವಸ್ಥಾನದ ಎದುರು ರಸ್ತೆಗೆ ಅಡ್ಡವಾಗಿ ಬ್ಯಾರಿಕೇಡ್ ಅಳವಡಿಸಿ ವಾಹನಗಳು ಒಳಪ್ರವೇಶಿಸದಂತೆ ನಿರ್ಬಂಧಿಸಿದರು. ಅಗತ್ಯ ವಸ್ತುಗಳ ಖರೀದಿ ಹೊರತುಪಡಿಸಿ ಅನವಶ್ಯವಾಗಿ ಪೇಟೆ ಪ್ರವೇಶಕ್ಕೆ ಅನುಮತಿ ನಿರಾಕರಿಸಲಾಯಿತು.
ಹೀಗಾಗಿ ಬೆಳಗ್ಗೆ 11ರ ಅನಂತರ ಮುಖ್ಯಪೇಟೆ ಸಂಪೂರ್ಣ ಬಿಕೋ ಎನ್ನುತಿತ್ತು.