Udayavni Special

ಅಪರೂಪದ ಅಪ್ಪೆ ಮಾವಿಗೆ ಕಸಿ ಕಾಯಕಲ್ಪ

ಮೂಲ ಸಸ್ಯದ ಗುಣ ವಿಶೇಷ ಉಳಿಸಿಕೊಳ್ಳಲು ವಿನೂತನ ಪ್ರಯತ್ನ: ಗಣಪತಿ ಹೆಗಡೆ

Team Udayavani, Oct 25, 2020, 4:14 PM IST

UK-TDY-1

ಸಿದ್ದಾಪುರ: ಅಳಿದು ಹೋಗುತ್ತಿರುವ ಸಸ್ಯ ಸಂಪತ್ತನ್ನು ಉಳಿಸಿಕೊಳ್ಳುವ ನಿಟ್ಟಿನಲ್ಲಿ ನಾಡಿನಾದ್ಯಂತ ಆಸಕ್ತರು ಹಲವು ರೀತಿಯಲ್ಲಿ ಕಾಯಕಲ್ಪ ನಡೆಸುತ್ತಿದ್ದು ಅವುಗಳಲ್ಲಿ ಕಸಿ ಮಾಡುವ ಮೂಲಕ ಮೂಲ ಸಸ್ಯದ ಗುಣ ವಿಶೇಷಗಳನ್ನು ಉಳಿಸಿಕೊಳ್ಳುವ ಪ್ರಯತ್ನವೂ ಒಂದು.

ಎಲ್ಲೆಡೆ ಪ್ರಸಿದ್ಧವಾದ ತಾಲೂಕಿನ ಹೇರೂರು ಭಾಗದ ಅನಂತಭಟ್ಟನ ಅಪ್ಪೆ ಎನ್ನುವ ಮಾವಿನ ವೈಶಿಷ್ಟಯವನ್ನು ಕೇಳಿ ದೂರದ ದಕ್ಷಿಣ ಕನ್ನಡದಿಂದ ಹೆಸರಾಂತ ತೋಟಗಾರಿಕಾ ತಜ್ಞ ಕೋ.ಲ. ಕಾರಂತರು ( ಶಿವರಾಮ ಕಾರಂತರ ಅಣ್ಣ) ಸ್ವತಃ ಬಂದು ಅದಕ್ಕೆ ಕಸಿ ಮಾಡಿ ಇಂದಿಗೂ ಅದರ ಸಂತತಿ ಉಳಿಸಿರುವುದು ಐತಿಹಾಸಿಕ ಸಂಗತಿ. ಆ ನಿಟ್ಟಿನಲ್ಲಿ ವಡ್ಡನಗದ್ದೆ ಗಣಪತಿ ಹೆಗಡೆಯವರ ಪ್ರಯತ್ನವೂ ಶ್ಲಾಘನೀಯವಾದದ್ದೇ. ಕಳೆದ ಒಂದು ದಶಕಕ್ಕೂ ಹೆಚ್ಚು ಕಾಲದಿಂದ ಕಾಡಿನ ಬೀಜಗಳ ಸಂಗ್ರಹ, ಅವುಗಳ ನಾಟಿ, ಔಷಧೀಯ ಸಸ್ಯಗಳ ಸಂಗ್ರಹ, ಅವುಗಳ ಪಾಲನೆ ಮುಂತಾಗಿ ತಮ್ಮ ಬಹುತೇಕ ಸಮಯವನ್ನು ಈ ನಿಟ್ಟಿನಲ್ಲಿ ಮೀಸಲಿಡುತ್ತ ಬಂದಿರುವ ಗಣಪತಿ ಹೆಗಡೆ ಆಸಕ್ತಿಯಿಂದ ಕರಗತಮಾಡಿಕೊಂಡ ಕಸಿ ಕಟ್ಟುವ ವಿಧಾನವನ್ನು ವಿನೂತನ ರೀತಿಯಲ್ಲಿ ಮುಂದುವರೆಸಿಕೊಂಡು ಬಂದಿದ್ದಾರೆ.

ಭಾರತೀ ಸಂಪದ ಹಾಗೂ ಬಹುಕಾಲದಿಂದ ಅವರ ಕಾರ್ಯಗಳಿಗೆ ಬೆಂಬಲವಾಗಿರುವ ಪ್ರಯೋಗ ಸ್ವಯಂ ಸೇವಾ ಸಂಸ್ಥೆಗಳ ಸಹಯೋಗದಲ್ಲಿ ಸ್ಥಳೀಯ ಅರಣ್ಯ ಇಲಾಖೆ ಸಹಕಾರದಲ್ಲಿ ಕೈಗೊಂಡ ಕಾರ್ಯ. ವಿನಾಶದಂಚಿನಲ್ಲಿರುವ ಕಣಸೆ ಅಪ್ಪೆ ಎಂದು ಸ್ಥಳಿಯರು ಕರೆಯುವ ಅಪ್ಪೆ ಮಾವಿನ ತಳಿಯೊಂದನ್ನು ಕಸಿ ಕಟ್ಟಿ ಅದನ್ನು ಉಳಿಸಿಕೊಳ್ಳಲು ಮುಂದಾದ ಗಣಪತಿ ಹೆಗಡೆ ಅದಕ್ಕೆ ಅರಣ್ಯ ಇಲಾಖೆಯ ಸಹಕಾರ ಕೋರಿದರು.

ಗಡಿಭಾಗ ಸಾಗರ ತಾಲೂಕಿನ ಕಣಸೆ ಗ್ರಾಮದಲ್ಲಿನ ರುಚಿ, ಸುವಾಸನೆಗಳಿಂದ ಪ್ರಸಿದ್ಧವಾದ ಈಗ ಶಿಥಿಲವಾಗುತ್ತಿರುವ ಸುಮಾರು 300 ವರ್ಷಗಳಿಗೂ ಹೆಚ್ಚು ವಯಸ್ಸಾಗಿರಬಹುದಾದ ಅಪ್ಪೆ ಮಾವಿನ ಮರದ ಆಯ್ದ ಸಣ್ಣ ಗೆಲ್ಲುಗಳಿಗೆ ಅರಣ್ಯ ಇಲಾಖೆ ನರ್ಸರಿಯಲ್ಲಿ ಬೆಳೆಸಿದ ಕಾಡು ಮಾವಿನ ಮರದಸಸಿಯ ಜೊತೆ ಮೂರು ತಿಂಗಳ ಹಿಂದೆ ಕಸಿ ಕಟ್ಟಿದರು. ಆಗಿನ ಸೆಕ್ಷನ್‌ ಫಾರೆಸ್ಟರ್‌ ಮಂಜುನಾಥ ಸ್ವಾಮಿ ಹಾಗೂ ಇನ್ನಿತರರು ಸಹಕರಿಸಿದ್ದರು.

ಹಳೆಯ ಮರದ ಉದ್ದನೆಯ ರೆಂಬೆಗಳ ತುದಿಯಲ್ಲಿನ ಗೆಲ್ಲುಗಳಿಗೆ ಪ್ರಯಾಸಪಟ್ಟು 16  ಕಾಡುಮಾವಿನ ಸಸಿ ಜೊತೆ ಕಸಿ ಕಟ್ಟಿದ್ದು ನಂತರದಲ್ಲಿ ಪರೀಕ್ಷಿಸಿದಾಗ ಅವೆಲ್ಲ ಯಶಸ್ವಿಯಾಗಿವೆ. ನಂತರದಲ್ಲಿ ಶನಿವಾರ ಅರಣ್ಯ ಇಲಾಖೆ ಸೆಕ್ಷನ್‌ ಫಾರೆಸ್ಟರ್‌ ಮಂಜುನಾಥ ಚಿಕ್ಕಣ್ಣನವರ್‌, ಗಾರ್ಡ್‌ ಅಶೋಕ ರಾಥೋಡ್‌ ಹಾಗೂ ರಾಜು ದ್ಯಾಮಣ್ಣನವರ್‌ ಮತ್ತು ಪ್ರಯೋಗ ಸ್ವಯಂ ಸೇವಾ ಸಂಸ್ಥೆಯ ಗಂಗಾಧರ ಕೊಳಗಿಯವರ ಜೊತೆಗೂಡಿ ಆ ಕಸಿ ಗೆಲ್ಲುಗಳನ್ನು ರೆಂಬೆಗಳಿಂದ ಕತ್ತರಿಸಿ ಸುರಕ್ಷಿತವಾಗಿ ಮರದಿಂದ ಇಳಿಸಿ, ಅರಣ್ಯ ಇಲಾಖೆಗೆ ನೀಡಲಾಯಿತು. ಮೇಲ್ನೋಟಕ್ಕೆ ಇದು ಸುಲಭವಾಗಿ ಕಂಡರೂ ಕೊಂಚ ವ್ಯತ್ಯಾಸವಾದರೂ ಕಟ್ಟಿದ ಕಸಿಯೇ ವ್ಯರ್ಥವಾಗುವ ಸಾಧ್ಯತೆಯೇ ಹೆಚ್ಚಿರುತ್ತದೆ. ತಾಳ್ಮೆ, ನೈಪುಣ್ಯತೆ, ಆಸಕ್ತಿಯ ಫಲವಾಗಿ ಕಟ್ಟಿದ ಎಲ್ಲ ಕಸಿಯೂ ಯಶಸ್ವಿಯಾಗಿದೆ.

ಒಂದು ವಿಶಿಷ್ಠ ತಳಿ ಮತ್ತು ಅಳಿದು ಹೋಗುತ್ತಿರುವ ಕಣಸೆ ಅಪ್ಪೆ ಮಾವಿನ ಸಂತತಿ ಉಳಿಸಿಕೊಳ್ಳುವ ದೃಷ್ಟಿಯಿಂದ ಕಣಸೆ ಅಪ್ಪೆಮಾವಿನ ಮರಕ್ಕೆ ಕಸಿ ಕಟ್ಟಿ ಅದರ ಸಸಿಗಳನ್ನು ಬೆಳೆಸುವ ನಿರ್ಧಾರ ಮಾಡಿದೆ. ಅದಕ್ಕೆ ಇಲ್ಲಿನ ಅರಣ್ಯ ಇಲಾಖೆ ಸಿಬ್ಬಂದಿ, ಮೊದಲಿನಿಂದ ನನ್ನ ಚಟುವಟಿಕೆಗಳಿಗೆ ಸಹಕರಿಸುತ್ತ ಬಂದ ಗಂಗಾಧರ ಕೊಳಗಿ ಅವರ ಸಹಕಾರ ಹೆಚ್ಚಿನದು. ಈ ಕಸಿ ಗಿಡಗಳನ್ನು ಅರಣ್ಯ ಇಲಾಖೆ ನರ್ಸರಿಯ ಉಸ್ತುವಾರಿಗೆ ನೀಡಲಾಗುತ್ತಿದೆ. ಗಣಪತಿ ಹೆಗಡೆ, ವಡ್ಡಿನಗದ್ದೆ

ವಿನಾಶದ ಅಂಚಿನಲ್ಲಿರುವ ಸಸ್ಯಗಳನ್ನು ಉಳಿಸಿಕೊಳ್ಳುವ ಪ್ರಯತ್ನ ಶ್ಲಾಘನೀಯವಾದದ್ದು. ಇಂಥ ಕಾರ್ಯಗಳಿಗೆ ಅರಣ್ಯ ಇಲಾಖೆ ಯಾವತ್ತೂ ಸಹಕರಿಸುತ್ತದೆ. ಈ ರೀತಿಯ ಚಟುವಟಿಕೆ ನಿರಂತರವಾಗಿರಬೇಕು. ಗಣಪತಿ ಹೆಗಡೆ ಹಾಗೂ ಪ್ರಯೋಗ ಸಂಸ್ಥೆಗೆ ಅಭಿನಂದನೆಗಳು. ಮಂಜುನಾಥ ಚಿಕ್ಕಣ್ಣನವರ್‌, ಸೆಕ್ಷನ್‌ ಫಾರೆಸ್ಟರ್‌

 

Ad

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ, ಜಯನಗರ ಬೆಂಗಳೂರು, ಮೋ- 8884889444

ಟಾಪ್ ನ್ಯೂಸ್

ಭಯ ಬೇಡ, ದೂರುದಾರರ ಹೆಸರನ್ನು ಗೌಪ್ಯವಾಗಿಡುವೆವು…

ಭಯ ಬೇಡ, ದೂರುದಾರರ ಹೆಸರನ್ನು ಗೌಪ್ಯವಾಗಿಡುವೆವು…

ಕುತೂಹಲ ಕೆರಳಿಸಿದ ಬಿ.ಎಲ್‌. ಸಂತೋಷ್‌ ಮಂಗಳೂರು ಭೇಟಿ

ಕುತೂಹಲ ಕೆರಳಿಸಿದ ಬಿ.ಎಲ್‌. ಸಂತೋಷ್‌ ಮಂಗಳೂರು ಭೇಟಿ

ವಿದ್ಯಾಗಮ ಪುನರಾರಂಭಿಸಿ: ಶಿಕ್ಷಕರ ಆಗ್ರಹ

ವಿದ್ಯಾಗಮ ಪುನರಾರಂಭಿಸಿ: ಶಿಕ್ಷಕರ ಆಗ್ರಹ

ದತ್ತು ಪರಿಕಲ್ಪನೆ ದೇಶಕ್ಕೆ ಪ್ರೇರಣೆ: ಯಡಿಯೂರಪ್ಪ

ದತ್ತು ಪರಿಕಲ್ಪನೆ ದೇಶಕ್ಕೆ ಪ್ರೇರಣೆ: ಯಡಿಯೂರಪ್ಪ

bsy

ಯಡಿಯೂರಪ್ಪ , ವಿಜಯೇಂದ್ರ ಆಪ್ತರಿಗೇ ನಿಗಮ, ಮಂಡಳಿ ಮಣೆ

ದಶಕದ ಶ್ರೇಷ್ಠ ಕ್ರಿಕೆಟಿಗ ಸ್ಪರ್ಧೆಯಲ್ಲಿ ಕೊಹ್ಲಿ, ಅಶ್ವಿ‌ನ್‌

ದಶಕದ ಶ್ರೇಷ್ಠ ಕ್ರಿಕೆಟಿಗ ಸ್ಪರ್ಧೆಯಲ್ಲಿ ಕೊಹ್ಲಿ, ಅಶ್ವಿ‌ನ್‌

ಎಸ್‌ಟಿಗೆ ಕುರುಬ ಸಮುದಾಯ ಸೇರ್ಪಡೆ; ಕೇಂದ್ರ ಸಚಿವರ ಭೇಟಿ ಮಾಡಿದ ಈಶ್ವರಪ್ಪ ನೇತೃತ್ವದ ನಿಯೋಗ

ಎಸ್‌ಟಿಗೆ ಕುರುಬ ಸಮುದಾಯ ಸೇರ್ಪಡೆ; ಕೇಂದ್ರ ಸಚಿವರ ಭೇಟಿ ಮಾಡಿದ ಈಶ್ವರಪ್ಪ ನೇತೃತ್ವದ ನಿಯೋಗ





ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

ಇಂದಿರಾ ಕ್ಯಾಂಟೀನ್‌ಗಿಲ್ಲ ಉದ್ಘಾಟನೆ ಭಾಗ್ಯ

ಇಂದಿರಾ ಕ್ಯಾಂಟೀನ್‌ಗಿಲ್ಲ ಉದ್ಘಾಟನೆ ಭಾಗ್ಯ

uk-tdy-1

ಟ್ರೋಮಾ ಸೆಂಟರ್‌ ಕನಸು ನನಸಾದೀತೆ?

ಜನರ ಗಮನಕ್ಕೆ ಬಾರದ ಖಾತ್ರಿ ಯೋಜನೆ

ಜನರ ಗಮನಕ್ಕೆ ಬಾರದ ಖಾತ್ರಿ ಯೋಜನೆ

ಹೆಚ್ಚುತ್ತಿದೆ ಮಾಸ್ಕ್ ಕಳಚಿ ಓಡಾಡುವವರ ಸಂಖ್ಯೆ

ಹೆಚ್ಚುತ್ತಿದೆ ಮಾಸ್ಕ್ ಕಳಚಿ ಓಡಾಡುವವರ ಸಂಖ್ಯೆ

ಯಕ್ಷಗಾನ ಶ್ರೇಷ್ಠ ಕಲೆ: ಬಾಳೇಸರ

ಯಕ್ಷಗಾನ ಶ್ರೇಷ್ಠ ಕಲೆ: ಬಾಳೇಸರ

MUST WATCH

udayavani youtube

ಮಂಗಳೂರು: ಉಪ್ಪುನೀರು ತಡೆ ಅಣೆಕಟ್ಟು ಕಾಮಗಾರಿ ವೀಕ್ಷಿಸಿದ ಸಚಿವ ಮಾಧುಸ್ವಾಮಿ

udayavani youtube

ಕರಾವಳಿಯಲ್ಲೂ ಪರಿಚಯವಾಯಿತು ಜಪಾನಿನ ಕೊಕೆಡಾಮ ಕಲೆ

udayavani youtube

ಕೊರೊನಾ ಪರಿಣಾಮ ಅಧ್ಯಯನಕ್ಕಾಗಿ ರೋಡ್ ಆಶ್ರಮ್ ಅಭಿಯಾನ

udayavani youtube

Auto Rickshaw driver feeds stray dogs in Surathkal | Umesh Devadiga | Udayavani

udayavani youtube

ಸುರತ್ಕಲ್ ನ ಪ್ರಥಮ ರಿಕ್ಷಾ ಚಾಲಕಿ

ಹೊಸ ಸೇರ್ಪಡೆ

ಭಯ ಬೇಡ, ದೂರುದಾರರ ಹೆಸರನ್ನು ಗೌಪ್ಯವಾಗಿಡುವೆವು…

ಭಯ ಬೇಡ, ದೂರುದಾರರ ಹೆಸರನ್ನು ಗೌಪ್ಯವಾಗಿಡುವೆವು…

ಕಚ್ಚಾ ತೈಲಾಗಾರದ 210 ಎಕರೆ ಭೂಸ್ವಾಧೀನಕ್ಕೆ “ಕ್ಯಾಡಸ್ಟ್ರಲ್‌ ಸರ್ವೇ’

ಕಚ್ಚಾ ತೈಲಾಗಾರದ 210 ಎಕರೆ ಭೂಸ್ವಾಧೀನಕ್ಕೆ “ಕ್ಯಾಡಸ್ಟ್ರಲ್‌ ಸರ್ವೇ’

ಮಂಗಳೂರಿನ 20 ಕಡೆ ಬೃಹತ್‌ ಜಲ ಸಂಗ್ರಹಾಗಾರ ಸ್ಥಾವರ

ಮಂಗಳೂರಿನ 20 ಕಡೆ ಬೃಹತ್‌ ಜಲ ಸಂಗ್ರಹಾಗಾರ ಸ್ಥಾವರ

ಪ್ರತಿದಿನ ಗೊಬ್ಬರವಾಗುತ್ತಿದೆ 8 ಸಾವಿರ ಮನೆಗಳ ಹಸಿಕಸ

ಪ್ರತಿದಿನ ಗೊಬ್ಬರವಾಗುತ್ತಿದೆ 8 ಸಾವಿರ ಮನೆಗಳ ಹಸಿಕಸ

ಬೈಂದೂರು ಕ್ಷೇತ್ರದ 59,000 ಮನೆಗಳಿಗೆ ಗಂಗೆ: ರಾಘವೇಂದ್ರ

ಬೈಂದೂರು ಕ್ಷೇತ್ರದ 59,000 ಮನೆಗಳಿಗೆ ಗಂಗೆ: ರಾಘವೇಂದ್ರ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.