ಬೀಜಿಂಗ್ನ 600 ವರ್ಷ ಹಳೆಯ ದೇಗುಲ ಈಗ ವಿಶ್ವದ ಅತ್ಯುತ್ತಮ ಹೋಟೆಲ್!
Team Udayavani, Nov 2, 2019, 6:45 PM IST
ವಾಷಿಂಗ್ಟನ್: ದೇಗುಲ ಎಂದರೆ ಸಾಕು, ನಮಗೆ ಭಕ್ತಿ ಬರುತ್ತದೆ. ಕೈ ಮುಗಿಯುತ್ತೇವೆ. ಆದರೆ ಚೀನದ ಬೀಜಿಂಗ್ನ ಈ ದೇಗುಲ ಎಂದರೆ ಬಾಯಿ ಚಪ್ಪರಿಸುತ್ತಾರೆ. ಅಂದರೇನು ಮಧ್ಯಾಹ್ನ ಅಲ್ಲಿ ಊಟ ಹಾಕುತ್ತಾರಾ ಎಂದು ಕೇಳಬೇಡಿ. ಇಲ್ಲಿ ಊಟ ಹಾಕುತ್ತಾರೆ. ಆದರೆ ದೇಗುಲವಾಗಿಯಲ್ಲ, ಹೋಟೆಲ್ ಆಗಿ!
ಸುಮಾರು 600 ವರ್ಷಗಳಷ್ಟು ಹಳೆಯ ಟಿಆರ್ಬಿ ಹ್ಯುಟೊಂಗ್ ದೇಗುಲ ಈಗ ರೆಸ್ಟೋರೆಂಟ್ ಆಗಿದೆ. ಅಷ್ಟೇ ಅಲ್ಲ, ಜಗತ್ತಿನ ಅತಿ ಪ್ರಸಿದ್ಧ ರೆಸ್ಟೋರೆಂಟ್ ಆಗಿ ಬದಲಾಗಿದೆ. ಒಂದು ವರ್ಷದ ಹಿಂದೆ ಈ ದೇಗುಲವನ್ನು ಹೋಟೆಲ್ ಆಗಿ ಪರಿವರ್ತಿಸಲಾಗಿತ್ತು. ಯುರೋಪಿಯನ್, ಮೆಕ್ಸಿಕನ್, ಚೈನೀಸ್, ಇಟಾಲಿಯನ್ ಹೀಗೆ ವಿವಿಧ ಪ್ರದೇಶವಾರು ಖಾದ್ಯಗಳನ್ನು ಇಲ್ಲಿ ಗ್ರಾಹಕರಿಗಾಗಿ ಮಾಡಿ ಬಡಿಸಲಾಗುತ್ತದೆ. ಸುಮಾರು 950 ಮಾದರಿಯ ಮದ್ಯದ ಮಾದರಿಗಳು ಇಲ್ಲಿ ಲಭ್ಯ. ಅತ್ಯಂತ ಹಳೆಯ ದೇಗುಲವಾದ್ದರಿಂದ ಇಲ್ಲಿನ ವಾಸ್ತು ಆಕರ್ಷಕವಾಗಿದ್ದು, ವಿಶಾಲವಾದ ಜಾಗವನ್ನು ಹೊಂದಿದೆ. ಗ್ರಾಹಕರನ್ನು ಸೆಳೆಯಲು ಇದೂ ಒಂದು ಕಾರಣವಾಗಿದೆ.
ಈ ದೇಗುಲ ಹೋಟೆಲ್ ಟ್ರಿಪ್ ಅಡ್ವೆ„ಸರ್ನ ಗ್ರಾಹಕರ ರೇಟಿಂಗ್ಸ್ನಲ್ಲಿ ಅಗ್ರಸ್ಥಾನಿಯಾಗಿದೆ. ಲಕ್ಷಗಟ್ಟಲೆ ಮಂದಿ ಗ್ರಾಹಕರು ಈ ಹೋಟೆಲ್ ಬಗ್ಗೆ ರಿವ್ಯೂ ಬರೆದಿದ್ದು, ದೇಗುಲ ಹೋಟೆಲ್ ಚೆನ್ನಾಗಿದೆ ಎಂದು ಹೇಳಿದ್ದಾರಂತೆ.