ಐಪಿಎಲ್‌ ಬೇಕೋ, ನಾನು ಬೇಕೋ? ಗರ್ಲ್ ಫ್ರೆಂಡ್‌ ಪ್ರಶ್ನೆ

Team Udayavani, Apr 17, 2022, 6:50 AM IST

ಮುಂಬಯಿ: ಐಪಿಎಲ್‌ ಆರಂಭವಾಗಿ ಕೆಲವು ವಾರಗಳು ಕಳೆದಿವೆ. ತಮ್ಮ ನೆಚ್ಚಿನ ಆಟಗಾರರ ಆಟವನ್ನು ಕಣ್ಣಾರೆ ನೋಡುವ ಸಲುವಾಗಿ ಹಲವಾರು ಅಭಿಮಾನಿಗಳು ಟಿಕೆಟ್‌ ಖರೀದಿಸಿ ಕ್ರೀಡಾಂಗಣಕ್ಕೆ ಬರುತ್ತಾರೆ. ಈ ವೇಳೆ ಆಟಗಾರರನ್ನು ಪ್ರೋತ್ಸಾಹಿಸುವ ಅಥವಾ ಬೇರೆ ಯಾವುದೋ ಕಾರಣ ಇರುವ ಪೋಸ್ಟರ್‌ ಹಿಡಿದು ಅಭಿಮಾನಿಗಳು ಸಂಭ್ರಮಪಡುತ್ತಾರೆ.

ಇಲ್ಬೊಬ್ಬ ಅಭಿಮಾನಿ ಐಪಿಎಲ್‌ ಮೇಲಿನ ಪ್ರೀತಿ ಎಷ್ಟಿದೆ ಎಂಬುದನ್ನು ಪೋಸ್ಟರ್‌ ಮೂಲಕ ತೋರಿಸಿದ್ದಾರೆ. ಕೋಲ್ಕತಾ-ಹೈದರಾಬಾದ್‌ ಪಂದ್ಯದ ವೇಳೆ ಅಭಿಮಾನಿಯೊಬ್ಬರು ಹಿಡಿದ ಈ ಪೋಸ್ಟರ್‌ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿದೆ. ಈ ಪೋಸ್ಟರ್‌ನಲ್ಲಿ ಹೀಗೆ ಬರೆಯಲಾಗಿದೆ-“ಮೈ ಗರ್ಲ್
ಫ್ರೆಂಡ್‌ ಸೇಸ್‌ ಮಿ ಆರ್‌ ಐಪಿಎಲ್‌- ಸೋ ಐ ಆ್ಯಮ್‌ ಹಿಯರ್‌!’.

ಇದನ್ನೂ ಓದಿ:ಆರ್‌ಸಿಬಿಗೆ ಸರ್ವಾಂಗೀಣ ಯಶಸ್ಸು, ಡೆಲ್ಲಿಗೆ ಮತ್ತೆ ಸೋಲು

ಈ ಪೋಸ್ಟರ್‌ ಅನ್ನು ತಮಾಷೆಗಾಗಿ ಬರೆದಿರಬಹುದು. ಆದರೆ ಅಭಿಮಾ ನಿಗಳು ಐಪಿಎಲ್‌ ಪಂದ್ಯದ ಮೇಲೆ ಎಷ್ಟರಮಟ್ಟಿಗೆ ಪ್ರೀತಿ ಇರಿಸಿಕೊಂಡಿ ದ್ದಾರೆ ಎಂಬುದು ಇಲ್ಲಿ ತಿಳಿಯುತ್ತದೆ. ವೈಯಕ್ತಿಕ ಬದ್ಧತೆ ಮತ್ತು ಪಂದ್ಯದ ಮೇಲಿನ ಪ್ರೀತಿಯಲ್ಲಿ ಕ್ರಿಕೆಟ್‌ ಅಭಿ ಮಾನಿ ಐಪಿಎಲ್‌ ಆಯ್ಕೆ ಮಾಡಿದ್ದು, ದೇಶದಲ್ಲಿ ಐಪಿಎಲ್‌ ಹುಚ್ಚು ಎಷ್ಟೆಂಬುದು ಅರಿವಾಗುತ್ತದೆ. ಕಳೆದ ವಾರ ವನಿತಾ ಕ್ರಿಕೆಟ್‌ ಅಭಿಮಾನಿ ಯೊಬ್ಬರು ಆರ್‌ಸಿಬಿ ಐಪಿಎಲ್‌ ಪ್ರಶಸ್ತಿ ಗೆಲ್ಲುವ ತನಕ ಮದುವೆಯಾಗುವುದಿಲ್ಲ ಎಂಬ ಪೋಸ್ಟರ್‌ ಹಿಡಿದಿದ್ದರು. ಇದನ್ನು ನೋಡಿದ ಲೆಗ್‌ ಸ್ಪಿನ್ನರ್‌ ಅಮಿತ್‌ ಮಿಶ್ರಾ, ಇದೀಗ ನಿಜ ವಾಗಿಯೂ ಆಕೆಯ ಹೆತ್ತವರ ಬಗ್ಗೆ ಚಿಂತೆಯಾಗುತ್ತಿದೆ ಎಂಬ ಪ್ರತಿಕ್ರಿಯೆ ನೀಡಿದ್ದರು. ಇದಕ್ಕೆ ಅನೇಕರು ಮಿಶ್ರಾ ಕಾಲೆಲೆದಿದ್ದರು!