UP Viral Video: ರಂಜಾನ್‌ ಆರಂಭಕ್ಕೂ ಮುನ್ನ ಮುಸ್ಲಿಂ ವ್ಯಕ್ತಿ ಹಿಂದೂ ಧರ್ಮಕ್ಕೆ ಮತಾಂತರ!

Team Udayavani, Mar 12, 2024, 2:53 PM IST

ಲಕ್ನೋ: ರಂಜಾನ್‌ ಉಪವಾಸ ಆರಂಭಕ್ಕೂ ಮುನ್ನ ಉತ್ತರಪ್ರದೇಶದ ಸಹರಾನ್‌ ಪುರದಲ್ಲೊಂದು ಅಪರೂಪದ ಘಟನೆ ನಡೆದಿದ್ದು, ಇಲ್ಲಿನ ಮೊಹಮ್ಮದ್‌ ಸಾಜಿದ್‌ ಎಂಬಾತ ತನ್ನ ಹಿಂದೂ ಧರ್ಮದ ಪತ್ನಿಗೆ ಮುಸ್ಲಿಂ ಯುವಕರು ಕಿರುಕುಳ ನೀಡುತ್ತಿದ್ದಾರೆಂದು ಆರೋಪಿಸಿ ಹಿಂದೂ ಧರ್ಮಕ್ಕೆ ಮತಾಂತರಗೊಂಡ ಪ್ರಕರಣ ನಡೆದಿರುವುದಾಗಿ ವರದಿಯಾಗಿದೆ.

ಇದನ್ನೂ ಓದಿ:ಟ್ರಕ್ ಡಿಕ್ಕಿ ಹೊಡೆದು ಬಸ್ಸಿನ ಫುಟ್‌ಬೋರ್ಡ್ ಮೇಲೆ ನಿಂತಿದ್ದ 3 ವಿದ್ಯಾರ್ಥಿಗಳ ದಾರುಣ ಅಂತ್ಯ

ಮೊಹಮ್ಮದ್‌ ಸಾಜಿದ್‌ ಇದೀಗ ತನ್ನ ಹೆಸರನ್ನು ಸತ್ಬೀರ್‌ ರಾಣಾ ಎಂದು ಬದಲಾಯಿಸಿಕೊಂಡಿದ್ದು, ಈ ಬೆಳವಣಿಗೆಯ ನಂತರ ಸತ್ಬೀರ್‌ ಮತ್ತು ಪತ್ನಿ ಅನಿತಾ ಜತೆಯಾಗಿ ಹಿಂದೂ ಧಾರ್ಮಿಕ ವಿಧಿ ವಿಧಾನ ನೆರವೇರಿಸುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿದೆ.

ನನ್ನ ಪತ್ನಿ ಹಿಂದೂ ಎಂಬ ಕಾರಣಕ್ಕಾಗಿಯೇ ಕೆಲವು ವರ್ಷಗಳಿಂದ ಸ್ಥಳೀಯ ಜನರು ನಮಗೆ ಕಿರುಕುಳ ನೀಡುತ್ತಿದ್ದು, ಈ ಕಾರಣದಿಂದಾಗಿಯೇ ಹಿಂದೂ ಧರ್ಮಕ್ಕೆ ಮತಾಂತರಗೊಳ್ಳುವ ನಿರ್ಧಾರ ತೆಗೆದುಕೊಂಡಿರುವುದಾಗಿ ಸಾಜಿದ್‌ ಅಲಿಯಾಸ್‌ ರಾಣಾ ತಿಳಿಸಿರುವುದಾಗಿ ಮಾಧ್ಯಮ ವರದಿ ತಿಳಿಸಿದೆ.

#सहारनपुर:रमजान से पहले मुस्लिम युवक साजिद ने हिंदू सनातन धर्म में घर की वापसी,साजिद से बना सतवीर राणा

मुस्लिम युवक साजिद हरि मंदिर में पूजा कर बना सतबीर राणा, हिंदू युक्ति से शादी करने के बाद मुस्लिम युवक साजिद के परिजन साजिद को करते थे परेशान, मानसिक तनाव और रोज-रोज की… pic.twitter.com/VPa7GITR4q

— NEWSNOWLIVE (@newsnowlivee) March 12, 2024

ಸಹರಾನ್‌ ಪುರದ ನಕುಲ್‌ ಪೊಲೀಸ್‌ ಠಾಣಾ ವ್ಯಾಪ್ತಿಯ ನಿವಾಸಿ ಮೊಹಮ್ಮದ್‌ ಸಾಜಿದ್‌ (36ವರ್ಷ) ಸುಮಾರು ನಾಲ್ಕು ವರ್ಷದ ಹಿಂದೆ ಹಿಂದೂ ಮಹಿಳೆ ಅನಿತಾ ಎಂಬಾಕೆಯನ್ನು ವಿವಾಹವಾಗಿದ್ದ. ಮದುವೆಯ ನಂತರ ಮುಸ್ಲಿಮ್‌ ಸಮುದಾಯ ಹಾಗೂ ತನ್ನ ಕುಟುಂಬ ಸದಸ್ಯರು ತಾನು ಹಿಂದೂವಾಗುತ್ತೇನೆ ಎಂದು ಆರೋಪಿಸಿ, ಕಿರುಕುಳ ಕೊಡಲು ಆರಂಭಿಸಿರುವುದಾಗಿ ಸಾಜಿದ್‌ ಆರೋಪಿಸಿದ್ದಾನೆ.

ಹಿಂದೂ ಮಹಿಳೆಯನ್ನು ವಿವಾಹವಾಗಿದ್ದಕ್ಕೆ ಮನೆಯನ್ನು ಬಿಡುವಂತೆ ಮಾಡಿದ್ದು, ನಂತರ ಬಾಡಿಗೆ ಮನೆಯಲ್ಲಿ ವಾಸ ಮಾಡಲು ಆರಂಭಿಸಿರುವುದಾಗಿ ಸಾಜಿದ್‌ ತಿಳಿಸಿದ್ದು, ಕಿರುಕುಳದಿಂದ ಬೇಸತ್ತು ಹಿಂದೂ ಧಾರ್ಮಿಕ ಸಂಘಟನೆಗಳ ಜತೆ ತನ್ನ ಸಮಸ್ಯೆಯನ್ನು ಹೇಳಿಕೊಂಡಿದ್ದ. ಅದರಂತೆ ಸಹರಾನ್‌ ಪುರದ ಅವಾಸ್‌ ವಿಕಾಸ್‌ ಹರಿ ಮಂದಿರದಲ್ಲಿ ಹಿಂದೂ ಧರ್ಮಕ್ಕೆ ಮತಾಂತರಗೊಂಡಿರುವುದಾಗಿ ಸಾಜಿದ್‌ ಅಲಿಯಾಸ್‌ ರಾಣಾ ತಿಳಿಸಿರುವುದಾಗಿ ವರದಿ ವಿವರಿಸಿದೆ.