ಐರ್ಲೆಂಡ್‌ ವನಿತಾ ಟಿ20 ಸರಣಿ: ವೆಸ್ಟ್‌ ಇಂಡೀಸ್‌ 3-0 ವಿಕ್ರಮ

Team Udayavani, Jul 10, 2023, 6:33 AM IST

ಗ್ರಾಸ್‌ ಐಲೆಟ್‌ (ಸೇಂಟ್‌ ಲೂಸಿಯಾ) : ಪ್ರವಾಸಿ ಐರ್ಲೆಂಡ್‌ ಎದುರಿನ 3 ಪಂದ್ಯಗಳ ವನಿತಾ ಟಿ20 ಸರಣಿಯನ್ನು ವೆಸ್ಟ್‌ ಇಂಡೀಸ್‌ ಕ್ಲೀನ್‌ಸ್ವೀಪ್‌ ಆಗಿ ವಶಪಡಿಸಿಕೊಂಡಿದೆ.

ಇಲ್ಲಿನ “ಡ್ಯಾರನ್‌ ಸಮ್ಮಿ ನ್ಯಾಶನಲ್‌ ಕ್ರಿಕೆಟ್‌ ಸ್ಟೇಡಿಯಂ’ನಲ್ಲಿ ನಡೆದ ಅಂತಿಮ ಪಂದ್ಯವನ್ನು ವಿಂಡೀಸ್‌ 8 ವಿಕೆಟ್‌ಗಳಿಂದ ಜಯಿಸಿತು. ಐರ್ಲೆಂಡ್‌ 9ಕ್ಕೆ 116 ರನ್‌ ಮಾಡಿದರೆ, ವೆಸ್ಟ್‌ ಇಂಡೀಸ್‌ 18.1 ಓವರ್‌ಗಳಲ್ಲಿ 2 ವಿಕೆಟಿಗೆ 117 ರನ್‌ ಬಾರಿಸಿತು. ಮೊದಲೆರಡು ಪಂದ್ಯಗಳನ್ನು ಕೆರಿಬಿಯನ್‌ ಪಡೆ ಕ್ರಮವಾಗಿ 2 ವಿಕೆಟ್‌ ಹಾಗೂ 8 ವಿಕೆಟ್‌ಗಳಿಂದ ಗೆದ್ದಿತ್ತು.
ಮೂರೂ ಪಂದ್ಯಗಳಲ್ಲಿ ವೆಸ್ಟ್‌ ಇಂಡೀಸ್‌ ತಂಡದ ನಾಯಕಿ ಹ್ಯಾಲಿ ಮ್ಯಾಥ್ಯೂಸ್‌ ಪಂದ್ಯಶ್ರೇಷ್ಠ ಗೌರವಕ್ಕೆ ಪಾತ್ರರಾದದ್ದು ವಿಶೇಷ. ಜತೆಗೆ ಸರಣಿಶ್ರೇಷ್ಠ ಪ್ರಶಸ್ತಿಗೂ ಭಾಜನರಾದರು.

ಅಂತಿಮ ಪಂದ್ಯದಲ್ಲಿ ಹ್ಯಾಲಿ ಸಾಧನೆ 14ಕ್ಕೆ 4 ವಿಕೆಟ್‌ ಹಾಗೂ 48 ರನ್‌. ಆಲಿಯಾ ಅಲೇಯ್ನ ಅಜೇಯ 49 ರನ್‌ ಮಾಡಿದರು. ದ್ವಿತೀಯ ವಿಕೆಟಿಗೆ ಹ್ಯಾಲಿ-ಆಲಿಯಾ 80 ರನ್‌ ಒಟ್ಟುಗೂಡಿಸಿದರು.