ಮೈಸೂರು ಓಪನ್ ಟೆನಿಸ್: ಶಶಿಕುಮಾರ್, ಪ್ರಜ್ವಲ್, ಕರಣ್ ಕ್ವಾರ್ಟರ್ಗೆ
Team Udayavani, Mar 31, 2023, 5:13 AM IST
ಮೈಸೂರು: ಗುರುವಾರ ಮೈಸೂರು ಟೆನಿಸ್ ಕ್ಲಬ್ನಲ್ಲಿ ನಡೆದ ಮೈಸೂರು ಓಪನ್ ಟೆನಿಸ್ ಕೂಟದಲ್ಲಿ ಭಾರತೀಯ ಆಟಗಾರರು ಉತ್ತಮ ಪ್ರದರ್ಶನ ನೀಡಿದರು. ಸಿಂಗಲ್ಸ್ನಲ್ಲಿ ಎಂ.ಶಶಿಕುಮಾರ್, ಕರಣ್ ಸಿಂಗ್, ಎಸ್.ಡಿ.ಪ್ರಜ್ವಲ್ ದೇವ್ ತಂತಮ್ಮ ಪಂದ್ಯಗಳಲ್ಲಿ ಗೆಲುವು ಸಾಧಿಸಿ ಕ್ವಾರ್ಟರ್ ಫೈನಲ್ಗೇರಿದ್ದಾರೆ.
ಶಶಿಕುಮಾರ್ ಗುರುವಾರ ಎರಡು ಪಂದ್ಯಗಳಲ್ಲಿ ಆಡಬೇಕಾಯಿತು. ಮೊದಲ ಪಂದ್ಯ ಬುಧವಾರ ಸಂಜೆ ಮಳೆ ಕಾರಣಕ್ಕೆ ನಿಂತು ಹೋಗಿತ್ತು. ಆಗವರು 2-1ರಿಂದ ಮುನ್ನಡೆಯಲ್ಲಿದ್ದರು. ಗುರುವಾರ 6-3, 3-6, 6-3 ಸೆಟ್ಗಳಿಂದ ಗೆಲುವು ಸಾಧಿಸಿದರು. ನಂತರ ಪ್ರೀಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ಸೆರ್ಬಿಯದ ಬೋರಿಸ್ ಬುಟುಲಿಜರನ್ನು 6-1, 6-2ರಿಂದ ಸೋಲಿಸಿದರು.
ಶ್ರೇಯಾಂಕರಹಿತ ಆಟಗಾರ ಕರಣ್ ಸಿಂಗ್, 7ನೇ ಶ್ರೇಯಾಂಕಿತ ಸಿದ್ಧಾರ್ಥ್ ರಾವತ್ರನ್ನು 7-6, 3-6, 6-4ರಿಂದ ಸೋಲಿಸಿ ಕ್ವಾರ್ಟರ್ಗೆ ಜಿಗಿದರು. ಮೈಸೂರಿನ ಪ್ರಜ್ವಲ್ ದೇವ್ ಅವರು ಸಹ ಆಟಗಾರ ವಿಷ್ಣುವರ್ಧನ್ರನ್ನು 6-4, 7-6ರಿಂದ ಸೋಲಿಸಿದರು. ಇವರೂ 8ರ ಘಟ್ಟಕ್ಕೆ ನುಗ್ಗಿದರು.
ಡಬಲ್ಸ್ನಲ್ಲಿ ಭಾರತದ ಬಿ.ರಿಥ್ವಿಕ್ ಚೌಧರಿ-ನಿಕಿ ಪೂಣಚ್ಚ ಸೆಮಿಫೈನಲ್ಗೇರಿದರು. ಈ ಜೋಡಿ ಭಾರತೀಯ-ಫ್ರೆಂಚ್ ಜೋಡಿಯಾದ ನಿತಿನ್ ಕುಮಾರ್ ಸಿನ್ಹಾ-ಫ್ಲಾರೆಂಟ್ ಬ್ಯಾಕ್ಸ್ರನ್ನು 6-3, 7-6ರಿಂದ ಮಣಿಸಿತು. ಇನ್ನೊಂದು ಪಂದ್ಯದಲ್ಲಿ ಪರೀಕ್ಷಿತ್ ಸೊಮಾನಿ-ಮನೀಷ್ ಸುರೇಶ್ ಕುಮಾರ್ ಗೆದ್ದು ಉಪಾಂತ್ಯಕ್ಕೇರಿದ್ದರು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Shivamogga: ಬಸ್ ನಿಲ್ದಾಣದ ಬಳಿಯ ಮೊಬೈಲ್ ಅಂಗಡಿಯಲ್ಲಿ ಅಗ್ನಿ ಅವಘಡ… ಅಪಾರ ಸೊತ್ತು ನಾಶ
Tragedy: ತನ್ನ ಅಪಾರ್ಟ್ಮೆಂಟ್ನಲ್ಲೇ ನೇಣಿಗೆ ಶರಣಾದ ಭೋಜ್ಪುರಿ ನಟಿ… ಕಾರಣ ನಿಗೂಢ
B.Y. Raghavendra: ಕಾಂಗ್ರೆಸ್ನವರ ಬಳಿ ಗ್ಯಾರಂಟಿ ಅಡ್ವಾನ್ಸ್ ಹಣ ಕೇಳಿ: ಬಿವೈಆರ್
Gayatri Siddeshwar: ಕೈ ಸರ್ಕಾರದ ಗ್ಯಾರಂಟಿ ತಾತ್ಕಾಲಿಕ; ಗಾಯಿತ್ರಿ
Kannur: ಕಾರು – ಲಾರಿ ನಡುವೆ ಭೀಕರ ಅಪಘಾತ; ಒಂದೇ ಕುಟುಂಬದ ಐವರು ದುರ್ಮರಣ