World Cup ಆಸ್ಟ್ರೇಲಿಯದ ಆಲ್ರೌಂಡರ್ ಮ್ಯಾಕ್ಸ್ವೆಲ್ ಬಿದ್ದು ಗಾಯ
Team Udayavani, Nov 2, 2023, 12:36 AM IST
ಅಹ್ಮದಾಬಾದ್: ಆಸ್ಟ್ರೇಲಿಯದ ಆಲ್ರೌಂಡರ್ ಗ್ಲೆನ್ ಮ್ಯಾಕ್ಸ್ವೆಲ್ ಅವರು ಗಾಲ್ಫ್ ಕಾರ್ಟ್ನಿಂದ ಬಿದ್ದು ಮುಖ ಮತ್ತು ಕಾಲಿಗೆ ಗಾಯ ಮಾಡಿ ಕೊಂಡಿದ್ದಾರೆ. ಇದರಿಂದ ಅವರು ನ. 4ರಂದು ಇಂಗ್ಲೆಂಡ್ ವಿರುದ್ಧ ನಡೆಯಲಿರುವ ಅತೀ ಮುಖ್ಯ ವಾದ ಪಂದ್ಯದಲ್ಲಿ ಆಡುವುದಿಲ್ಲ.
ಕ್ಲಬ್ ಹೌಸ್ನಿಂದ ತಂಡದ ಬಸ್ ಇರುವಲ್ಲಿಗೆ ಗಾಲ್ಫ್ ಕಾರ್ಟ್ನಲ್ಲಿ ಹೋಗುತ್ತಿರುವ ವೇಳೆ ಮ್ಯಾಕ್ಸ್ ವೆಲ್ ಬಿದ್ದರು. ಮುಖ ಮತ್ತು ಕಾಲಿಗೆ ಗಾಯವಾಗಿದ್ದರಿಂದ ಅವರು ವೈದ್ಯಕೀಯ ಪರೀಕ್ಷೆಗೆ ಒಳಗಾಗ ಬೇಕಾಗುತ್ತದೆ. ಹಾಗಾಗಿ ಇಂಗ್ಲೆಂಡ್ ವಿರುದ್ಧದ ಪಂದ್ಯವನ್ನು ಕಳೆದುಕೊಳ್ಳಲಿದ್ದಾರೆ.
ಆಲ್ರೌಂಡರ್ ಆಗಿರುವ ಮ್ಯಾಕ್ಸ್ವೆಲ್ ತಂಡದ ಪ್ರಮುಖ ಸದಸ್ಯರಾಗಿದ್ದರು. ಮಧ್ಯಮ ಕ್ರಮಾಂಕದಲ್ಲಿ ತಂಡದ ಬ್ಯಾಟಿಂಗ್ ಶಕ್ತಿಗೆ ಬಲ ತುಂಬಲಿರುವ ಅವರು ಆ್ಯಡಂ ಝಂಪ ಅವರೊಂದಿಗೆ ಸ್ಪಿನ್ ದಾಳಿಯನ್ನು ಹಂಚಿಕೊಳ್ಳುತ್ತಾರೆ.