ರಾಷ್ಟ್ರೀಯ ಉದ್ಯಾನವನಗಳಲ್ಲಿ ಪ್ರಾಣಿಗಳದ್ದೇ ಕಾರುಬಾರು
Team Udayavani, May 2, 2020, 3:25 PM IST
ಕ್ರುಗರ್ (ದ. ಆಫ್ರಿಕಾ): ಕೋವಿಡ್-19 ಬಂದ ಬಳಿಕ ಎಲ್ಲರ ದಿನಚರಿಯಲ್ಲಿ ಬದಲಾವಣೆಗಳು ಆಗುತ್ತಿವೆ. ವಾಹನ ದಟ್ಟಣೆಯಿಂದ ಕೂಡಿರುತ್ತಿದ್ದ ನಗರಗಳು ಖಾಲಿಯಾಗಿವೆ. ಪ್ರವಾಸಿಗರಿಂದ ತುಂಬಿರುತ್ತಿದ್ದ ತಾಣಗಳು ಬರಿದಾಗಿವೆ. ಧಾರ್ಮಿಕ ಶ್ರದ್ಧಾಕೇಂದ್ರಗಳತ್ತ ಜನರು ಮುಖಮಾಡುತ್ತಿಲ್ಲ. ಇದು ಪ್ರಾಕೃತಿಕವಾಗಿ ಜಗತ್ತು ಒಳ್ಳೆಯ ದಿನಗಳನ್ನು ಅನುಭವಿಸುತ್ತಿವೆಯಾದರೂ ವ್ಯವಹಾರ ಮತ್ತು ಜನಜೀವನಕ್ಕೆ ಪೂರಕವಾಗಿಲ್ಲ. ಸದಾ ಓಡಾಡುತ್ತಿದ್ದ ಜನರು ಮನೆಯೊಳಗೆ ಇರಬೇಕಾದರೆ ಉದ್ಯಾನದಲ್ಲಿದ್ದ ವನ್ಯಜೀವಿಗಳು ತುಂಬಾ ಬಿಂದಾಸ್ ಆಗಿ ಗುರುತಿಸಿಕೊಳ್ಳುತ್ತಿವೆಯಂತೆ.
ತನ್ನಯ ಗೂಡಲ್ಲಿ ಕೂಡಿ ಹಾಕಿ ಸದಾ ಸಾಲುಗಟ್ಟಿ ನಿಲ್ಲುತ್ತಿದ್ದ ಜನರನ್ನು ಕಂಡು ಬೇಸತ್ತಿದ್ದ ಪ್ರಾಣಿಗಳಿಗೆ ಈಗ ತುಸು ಆರಾಮ. ದಿನಕ್ಕೆ 3 ಬಾರಿ ಆಹಾರ ಮತ್ತು ನೀರು ನೀಡುವವರು ಮಾತ್ರ ಒಳಗೆ ಬಂದು ಹೋಗುತ್ತಿದ್ದು, ಪ್ರವಾಸಿಗರ ಸುಳಿವಿಲ್ಲ. ಇನ್ನು ಸಫಾರಿ ಲಭ್ಯವಿರುವ ಅರಣ್ಯಗಳಲ್ಲಿ ಪ್ರಾಣಿಗಳು ತುಂಬಾ ಶಾಂತವಾಗಿವೆ.
ಇದು ದಕ್ಷಿಣ ಆಫ್ರಿಕಾದ ಕ್ರುಗರ್ ರಾಷ್ಟ್ರೀಯ ಉದ್ಯಾನವನವೂ ಸಹಿತ ಎಲ್ಲ ಉದ್ಯಾನವನಗಳ ವಾತಾವರಣ.
ಉದ್ಯಾನವನಗಳಲ್ಲಿ ಸಾಮಾನ್ಯವಾಗಿ ಮನುಷ್ಯರು ಮತ್ತು ವಾಹನಗಳು ಚಲಿಸುತ್ತಿದ್ದ ಸ್ಥಳಗಳಲ್ಲಿ ಪ್ರಾಣಿಗಳು ಖುಷಿಯಿಂದ ಓಡಾಡುತ್ತಿವೆ. ಸಾಮಾನ್ಯವಾಗಿ ಸಿಂಹಗಳು ರಸ್ತೆಯಲ್ಲಿ ಕಂಡು ಬರುವುದಿದೆ. ಆದರೆ ಕರಡಿಗಳು ರಸ್ತೆಯಲ್ಲಿ ಓಡಾಡುವುದು ತುಂಬಾ ವಿರಳ.
ಆದರೆ ಆಫ್ರಿಕಾದಲ್ಲಿನ ಬಹುತೇಕ ವನ್ಯಜೀವಿಗಳು ಸ್ವಾತಂತ್ರ್ಯವನ್ನು ಅನುಭವಿಸುತ್ತಿವೆ. ಕೆಲವು ದಿನಗಳ ಹಿಂದೆ ಇದೇ ಅರಣ್ಯದ ರಸ್ತೆಯಲ್ಲೇ ಸಿಂಹಗಳ ಗುಂಪು ನಿದ್ದೆಯಲ್ಲಿ ಇರುವ ಚಿತ್ರಗಳು ಲಭ್ಯವಾಗಿದ್ದವು. ಈ ರಸ್ತೆಗಳು ಸಾಮಾನ್ಯ ದಿನಗಳಲ್ಲಿ ಪ್ರವಾಸಿಗರಿಂದ ತುಂಬಿ ತುಳುಕುತ್ತಿತ್ತು. ಈಗ ಲಾಕ್ಡೌನ್ ಘೋಷಣೆಯ ಬಳಿಕ ಉದ್ಯಾನವನಕ್ಕೆ ಜನರು ಬರುತ್ತಿಲ್ಲ. ವನ್ಯಜೀವಿಗಳು ಸ್ವತ್ಛಂದವಾಗಿ ಓಡಾಡುತ್ತಿವೆ.
ಕ್ರುಗರ್ ರಾಷ್ಟ್ರೀಯ ಉದ್ಯಾನದ ಮಾರ್ಚ್ 25ರಿಂದ ಮುಚ್ಚಲಾಗಿದೆ. ಲಾಕ್ಡೌನ್ ತೆರವಾಗುವ ತನಕ ಇದೇ ಪರಿಸ್ಥಿತಿ ಇರಲಿದೆ. ಕೆಲವು ವರ್ಷಗಳಲ್ಲಿ ರಾಷ್ಟ್ರೀಯ ಉದ್ಯಾನವನಗಳಿಗೆ ಭೇಟಿ ನೀಡುವ ಪ್ರವಾಸಿಗರ ಸಂಖ್ಯೆ ಹೆಚ್ಚಾಗಿದೆ. 2016ರಲ್ಲಿ ಸುಮಾರು 331 ಮಿಲಿಯನ್ ಜನರು ಈ ರಾಷ್ಟ್ರೀಯ ಉದ್ಯಾನವನ್ನು ವೀಕ್ಷಿಸಿದ್ದಾರೆ.
ಲಾಕ್ಡೌನ್ ತೆರವಾದ ಬಳಿಕ ಜನರು ಮತ್ತೆ ವನ್ಯಧಾಮಗಳನ್ನು ಸಂದರ್ಶಿಸಬಹುದಾಗಿದೆ. ಜನರು ಹಿಂತಿರುಗಿದ ಬಳಿಕ ವನ್ಯಜೀವಿಗಳು ತಾವು ಹಿಂದೆ ಓಡಾಡಿದ ಸ್ಥಳಗಳಿಂದ ಏಕಾಏಕಿ ಹೊರಹೋಗದೇ ಇರಬಹುದು ಎನ್ನುತ್ತಾರೆ ತಜ್ಞರು. ಲಾಕ್ಡೌನ್ ತೆರವಾದ ಬಳಿಕವೂ ವಾಹನಗಳ ಓಡಾಟಗಳಿಗೆ ಇವುಗಳು ಅಡ್ಡಿಪಡಿಸುವ ಸಾಧ್ಯತೆಯನ್ನೂ
ತಳ್ಳಿ ಹಾಕುವಂತಿಲ್ಲ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Anti Israel ಪ್ರತಿಭಟನೆ-ಭಾರತೀಯ ಮೂಲದ ಪ್ರಿನ್ಸ್ ಟನ್ ವಿವಿ ವಿದ್ಯಾರ್ಥಿನಿ ಬಂಧನ
Jamie Dimon: ಮೋದಿ ಆರ್ಥಿಕ ನೀತಿ ಅದ್ಭುತ, ಅಮೆರಿಕದಲ್ಲೂ ಜಾರಿ ಮಾಡಿ: ಜೇಮಿ
Sunita Williams: ಮೇ 6ರಂದು 3ನೇ ಬಾರಿಗೆ ಸುನಿತಾ ವಿಲಿಯಮ್ಸ್ ಗಗನ ಯಾತ್ರೆ
Thailandನಲ್ಲಿ ಗುಜರಿ ಮಾಫಿಯಾದ ಕಿಂಗ್ ಪಿನ್ ರವಿ ಕಾನಾ, ಪ್ರಿಯತಮೆ ಕಾಜಲ್ ಜಾ ಬಂಧನ
ತಂಗಿಯ ಸಮಾಧಿ ಸ್ಥಳಕ್ಕೆ ಭೇಟಿ ನೀಡುವುದನ್ನು ವ್ಲಾಗ್ ವಿಡಿಯೋ ಮಾಡಿದ ಯೂಟ್ಯೂಬರ್: ಆಕ್ರೋಶ