ಬ್ರಿಟನ್ನಲ್ಲಿ ತೈಲ ಬಿಕ್ಕಟ್ಟು; ಸರಕಾರಕ್ಕೆ ಇಕ್ಕಟ್ಟು
ಬಂಕ್ನಲ್ಲಿ ಪೆಟ್ರೋಲ್ ಇಲ್ಲ ಟ್ರಕ್ನಲ್ಲಿ ಚಾಲಕರಿಲ್ಲ !
Team Udayavani, Sep 28, 2021, 7:00 AM IST
ಲಂಡನ್: ಬ್ರಿಟನ್ನ ರಸ್ತೆಗಳಲ್ಲಿ ವಾಹನಗಳು ಸಾಲುಗಟ್ಟಿ ನಿಂತಿದ್ದವು. ಕೆಲವು ಕಡೆ ನಾಲ್ಕೈದು ತಾಸುಗಳ ಕಾಲ ಮೈಲುಗಟ್ಟಲೆ ಸರದಿಯಲ್ಲಿ ಕಾಯಬೇಕಾದ ಸ್ಥಿತಿ. ಕಾರುಗಳಿಗೆ ಇಂಧನವಿಲ್ಲದೆ ಬಹುತೇಕ ಮಂದಿ ವರ್ಕ್ ಫ್ರಂ ಹೋಂ ಮೊರೆಹೋಗಿದ್ದಾರೆ. ಶಾಲೆಗಳೂ ಮತ್ತೆ ಆನ್ಲೈನ್ ತರಗತಿಯತ್ತ ಮುಖ ಮಾಡಿವೆ!
ಇದಕ್ಕೆಲ್ಲ ಕಾರಣ “ಪೆಟ್ರೋಲ್ ಬಿಕ್ಕಟ್ಟು’!
ಬ್ರಿಟನ್ ಹಿಂದೆಂದೂ ಕಂಡರಿಯದ ತೈಲ ಬಿಕ್ಕಟ್ಟನ್ನು ಎದುರಿಸುತ್ತಿದೆ. ಈ ಬಿಕ್ಕಟ್ಟಿಗೆ ಕಾರಣ ಟ್ರಕ್ ಚಾಲಕರ ಕೊರತೆ. ತೈಲವನ್ನು ಪೆಟ್ರೋಲ್ ಪಂಪ್ಗಳಿಗೆ ಕೊಂಡೊಯ್ಯಲು ಟ್ರಕ್ ಚಾಲಕರೇ ಸಿಗುತ್ತಿಲ್ಲ. ಈ ಸುದ್ದಿ ಹೊರಬೀಳುತ್ತಲೇ ಜನರು ಗಾಬರಿಗೊಳಗಾಗಿ ಪಂಪ್ಗಳಿಗೆ ಮುತ್ತಿಗೆ ಹಾಕತೊಡಗಿದ್ದಾರೆ. ಪರಿಸ್ಥಿತಿ ಕೈಮೀರುತ್ತಿರುವ ಹಿನ್ನೆಲೆಯಲ್ಲಿ ಅಲ್ಲಿನ ಸರಕಾರವು ಯೋಧರನ್ನು ಚಾಲಕರನ್ನಾಗಿ ನಿಯೋಜಿಸಲು ಮುಂದಾಗಿದೆ.
ಬಿಕ್ಕಟ್ಟಿಗೇನು ಕಾರಣ?
ಐರೋಪ್ಯ ಒಕ್ಕೂಟದಿಂದ ಬ್ರಿಟನ್ ಹೊರಬಂದ ಬಳಿಕ 13 ಲಕ್ಷಕ್ಕೂ ಅಧಿಕ ವಿದೇಶಿ ಕಾರ್ಮಿಕರು ದೇಶ ತೊರೆದಿದ್ದಾರೆ. 2019ರ 2ನೇ ತ್ತೈಮಾಸಿಕದಿಂದ 2021ರ 2ನೇ ತ್ತೈಮಾಸಿಕದಅವಧಿಯಲ್ಲಿ ಬ್ರಿಟನ್ 72 ಸಾವಿರ ಟ್ರಕ್ ಚಾಲಕರನ್ನು ಕಳೆದುಕೊಂಡಿದೆ. ಅಲ್ಲದೆ ಕೊರೊನಾದಿಂದಾಗಿ ಹಲವರು ಕೆಲಸಕ್ಕೆ ಮರಳುತ್ತಿಲ್ಲ. ಪರವಾನಿಗೆ ವಿತರಣೆಯೂ ನನೆಗುದಿಗೆ ಬಿದ್ದಿದೆ.
ಇದನ್ನೂ ಓದಿ:ರಾಷ್ಟ್ರೀಯ ಶಿಕ್ಷಣ ನೀತಿ ಅನುಷ್ಠಾನಕ್ಕೆ ಸಂಬಂಧಿಸಿ ವಿಟಿಯು ಜತೆ ಚರ್ಚೆ
ಸರಕಾರ ಕೈಗೊಂಡಿರುವ ಕ್ರಮಗಳೇನು?
-ವಿದೇಶಿ ಟ್ರಕ್ ಚಾಲಕರನ್ನು ಕರೆತರಲು ಸಾವಿರಾರು ತುರ್ತು ವೀಸಾ ವಿತರಣೆಗೆ ನಿರ್ಧಾರ.
-ಟ್ರಕ್ ಚಾಲಕರಿಗೆ 5 ಸಾವಿರ ವೀಸಾ, ಪೌಲಿó ಕಾರ್ಮಿಕರಿಗೆ 5,500 ವೀಸಾ ವಿತರಿಸುವ ಗುರಿ
-ಕಾಂಪಿಟೀಶನ್ ಆ್ಯಕ್ಟ್ 1998 ವ್ಯಾಪ್ತಿಯಿಂದ ತೈಲೋದ್ಯಮಕ್ಕೆ ವಿನಾಯಿತಿ ನೀಡಲು ಚಿಂತನೆ
-ಘನ ವಾಹನ ಚಾಲನೆ ಪರವಾನಿಗೆ ಇರುವವರಿಗೆ ಪತ್ರ ಬರೆದು ಕೆಲಸಕ್ಕೆ ಮರಳುವಂತೆ ವಿನಂತಿ
-ನಾಲ್ಕು ಸಾವಿರ ಮಂದಿಗೆ ಘನ ವಾಹನ ಚಾಲನೆ ತರಬೇತಿ ನೀಡಿ ಕರ್ತವ್ಯಕ್ಕೆ ನಿಯೋಜನೆ
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Anti Israel ಪ್ರತಿಭಟನೆ-ಭಾರತೀಯ ಮೂಲದ ಪ್ರಿನ್ಸ್ ಟನ್ ವಿವಿ ವಿದ್ಯಾರ್ಥಿನಿ ಬಂಧನ
Jamie Dimon: ಮೋದಿ ಆರ್ಥಿಕ ನೀತಿ ಅದ್ಭುತ, ಅಮೆರಿಕದಲ್ಲೂ ಜಾರಿ ಮಾಡಿ: ಜೇಮಿ
Sunita Williams: ಮೇ 6ರಂದು 3ನೇ ಬಾರಿಗೆ ಸುನಿತಾ ವಿಲಿಯಮ್ಸ್ ಗಗನ ಯಾತ್ರೆ
Thailandನಲ್ಲಿ ಗುಜರಿ ಮಾಫಿಯಾದ ಕಿಂಗ್ ಪಿನ್ ರವಿ ಕಾನಾ, ಪ್ರಿಯತಮೆ ಕಾಜಲ್ ಜಾ ಬಂಧನ
ತಂಗಿಯ ಸಮಾಧಿ ಸ್ಥಳಕ್ಕೆ ಭೇಟಿ ನೀಡುವುದನ್ನು ವ್ಲಾಗ್ ವಿಡಿಯೋ ಮಾಡಿದ ಯೂಟ್ಯೂಬರ್: ಆಕ್ರೋಶ