Iran: ಇರಾನ್ನಿಂದ ಸೊರಯ ಉಪಗ್ರಹ ಉಡಾವಣೆ: ಅಮೆರಿಕಕ್ಕೆ ಆತಂಕ
-ಉಡಾವಣೆಯ ಉದ್ದೇಶವೇ ಅಸ್ಪಷ್ಟ: ಪಾಶ್ಚಿಮಾತ್ಯ ರಾಷ್ಟ್ರಗಳಿಗೆ ಆತಂಕ
Team Udayavani, Jan 20, 2024, 8:50 PM IST
ಜೆರುಸಲೇಮ್: ತನ್ನ ಇತಿಹಾಸದಲ್ಲೇ ಅತಿ ಎತ್ತರದ ಕಕ್ಷೆಗೆ ಉಪಗ್ರಹವನ್ನು ಕಳುಹಿಸಿದ್ದಾಗಿ ಇರಾನ್ ಹೇಳಿಕೊಂಡಿದೆ. ಮಧ್ಯಪ್ರಾಚ್ಯ ದೇಶಗಳಲ್ಲಿ ಬಿಗುವಿನ ಪರಿಸ್ಥಿತಿ ಇರುವಂತೆಯೇ ಈ ಹೇಳಿಕೆ ಹೊರಬಿದ್ದಿದೆ. ಆದರೆ ಅಮೆರಿಕ ಸೇರಿದಂತೆ ಪಾಶ್ಚಿಮಾತ್ಯ ರಾಷ್ಟ್ರಗಳು ಈ ಬೆಳವಣಿಗೆ ಬಗ್ಗೆ ಆತಂಕ ಹೊಂದಿವೆ. ಅಣ್ವಸ್ತ್ರ ಹೊತ್ತೂಯ್ಯಬಲ್ಲ ಇರಾನಿನ ಖಂಡಾಂತರ ಕ್ಷಿಪಣಿ ಸಾಮರ್ಥ್ಯ ಇದರಿಂದ ಹೆಚ್ಚಾಗಲಿದೆ ಎಂಬುದು ಅವುಗಳಿಗಿರುವ ಆತಂಕ.
ಇತ್ತೀಚೆಗಷ್ಟೇ ಪಾಕ್ ಮತ್ತು ಇರಾನ್ ಪರಸ್ಪರ ದಾಳಿ ನಡೆಸಿ, ಈಗಷ್ಟೇ ಶಾಂತಿ ಮಾತುಕತೆಗೆ ಸಿದ್ಧವಾಗಿವೆ. ಇನ್ನು ಇಸ್ರೇಲ್-ಹಮಾಸ್ ನಡುವೆ ತೀವ್ರ ಘರ್ಷಣೆ ನಡೆಯುತ್ತಲೇ ಇದೆ. ಅದೇ ಹೊತ್ತಿನಲ್ಲಿ ಇರಾನ್, 750 ಕಿ.ಮೀ.ಗೂ ಅಧಿಕ ಎತ್ತರದ ಕಕ್ಷೆಯಲ್ಲಿ ಸೊರಯ ಉಪಗ್ರಹ ನಿಲ್ಲಿಸಿದ್ದೇವೆ. 3 ಹಂತದ ಖಾಯೆಮ್-100 ರಾಕೆಟ್ ಮೂಲಕ ಉಡಾವಣೆ ಮಾಡಿದ್ದೇವೆಂದು ಹೇಳಿದೆ. ಉಪಗ್ರಹದಲ್ಲಿ 50 ಕೆಜಿ ತೂಕದ ಪೇಲೋಡ್ ಇದೆ ಎಂದು ಇರಾನ್ ಹೇಳಿದೆ. ಆದರೆ ಉಪಗ್ರಹದ ಕೆಲಸವೇನೆಂದು ಗೊತ್ತಾಗಿಲ್ಲ.
ಪಾಕ್-ಇರಾನ್ ನಡುವೆ ಶಾಂತಿ ಮಾತುಕತೆ
ಯುದ್ಧಸನ್ನದ್ಧ ಸ್ಥಿತಿಗೆ ಪಾಕಿಸ್ತಾನ-ಇರಾನ್ ಸಂಬಂಧ ಮತ್ತೆ ಹಳಿಗೆ ಬಂದಿದೆ. ಪಾಕಿಸ್ತಾನ ಇಸ್ರೇಲ್ನೊಂದಿಗೆ ಎಲ್ಲ ರೀತಿಯ ರಾಜತಾಂತ್ರಿಕ ಸಂಬಂಧ ಮುಂದುವರಿಸಲು ತಾನು ಸಿದ್ಧ ಎಂದರೆ, ಇರಾನ್ ಕೂಡ ಪರೋಕ್ಷವಾಗಿ ಅದಕ್ಕೆ ಸಮ್ಮತಿಸಿದೆ.ಜ.16ರಂದು ಇರಾನ್, ಪಾಕಿಸ್ತಾನದ ಗಡಿಯಲ್ಲಿ ದಾಳಿ ಮಾಡಿ 2 ಮಕ್ಕಳ ಸಾವಿಗೆ ಕಾರಣವಾಗಿತ್ತು. ಜ.18ರಂದು ಇರಾನ್ ಗಡಿಯಲ್ಲಿ ಪಾಕ್ ಪ್ರತಿದಾಳಿ ಮಾಡಿ, ಇರಾನ್ 9 ಮಂದಿಯ ಸಾವಿಗೆ ಕಾರಣವಾಗಿತ್ತು. ಇದರಿಂದ ಎರಡೂ ದೇಶಗಳು ಪರಸ್ಪರ ರಾಯಭಾರಿಗಳನ್ನು ವಾಪಸ್ ಕರೆಸಿಕೊಂಡಿದ್ದವು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
T20 World Cup; ರಿಷಭ್ ಪಂತ್ ಮೊದಲ ಆಯ್ಕೆಯ ವಿಕೆಟ್ ಕೀಪರ್ ಅಲ್ಲ: ವರದಿ
ಕಾಂಗ್ರೆಸ್ಗೆ ಶಾಕ್: ನಾಮಪತ್ರ ಹಿಂಪಡೆದು ಬಿಜೆಪಿ ಸೇರ್ಪಡೆಗೊಂಡ ಅಕ್ಷಯ್ ಕಾಂತಿ ಬಾಮ್
Haveri; ರಾಜ್ಯದಲ್ಲಿ ಬಿಜೆಪಿ-ಜೆಡಿಎಸ್ ಅಭ್ಯರ್ಥಿಗಳಿಗೆ ಸುಲಭ ಗೆಲುವು: ಪ್ರತಾಪ್ ಸಿಂಹ
Davanagere; ಸಮಾವೇಶ ನಡೆದ ಮೈದಾನ ಸ್ವಚ್ಛಗೊಳಿಸಿದ ಗಾಯಿತ್ರಿ ಸಿದ್ದೇಶ್ವರ
Belagavi; ಪ್ರಧಾನಿ ಮೋದಿ ಯಾಕೆ ಪ್ರಜ್ವಲ್ ವರ್ತನೆ ಖಂಡಿಸಲಿಲ್ಲ…: ಲಕ್ಷ್ಮೀ ಹೆಬ್ಬಾಳ್ಕರ್