ಲಾಕ್ಡೌನ್ ಇದು ಸಿಂಗಲ್ ಆ್ಯಕ್ಟರ್ ಸಿನಿಮಾ
Team Udayavani, May 27, 2020, 3:55 AM IST
ಲಾಕ್ಡೌನ್ ಹಿನ್ನೆಲೆಯಲ್ಲಿ ಬಹುತೇಕರು ಒಂದಿಲ್ಲೊಂದು ಕೆಲಸ ಕಾರ್ಯಗಳ ಮೂಲಕ ಗುರುತಿಸಿಕೊಂಡಿದ್ದು ಗೊತ್ತೇ ಇದೆ. ಹಲವರು ಹಾಡು ಬರೆದರು, ಹಾಡಿದರು, ಕಿರುಚಿತ್ರವನ್ನೂ ಮಾಡಿದರು.
ಈಗ ಇದೇ ಮೊದಲ ಬಾರಿಗೆ ಕನ್ನಡ ಚಿತ್ರರಂಗದಲ್ಲಿ ನಿರ್ದೇಶಕ ಕಮ್ ನಟ ನಾಗೇಂದ್ರ ಅರಸ್ ಅವರು, ಹೊಸ ಪ್ರಯೋಗಾತ್ಮಕ ಸಿನಿಮಾ ಮಾಡುವ ಮೂಲಕ ಸೈ ಎನಿಸಿಕೊಂಡಿದ್ದಾರೆ.
ಹೌದು, “ಲಾಕ್ಡೌನ್ ‘ ಒಂದು ಪ್ರಯೋಗಾತ್ಮಕ ಚಿತ್ರ. ಇದರ ವಿಶೇಷತೆ ಅಂದರೆ, ಸಿಂಗಲ್ ಆರ್ಟಿಸ್ಟ್ ಸಿನಿಮಾ ಇದು. ಒಬ್ಬ ನಟ ಇಡೀ ಚಿತ್ರದಲ್ಲಿ ಕಾಣಿಸಿಕೊಂಡಿರೋದು. ತಮಿಳಿನ ಪಾರ್ತಿಬನ್ ಅಭಿನಯದ ಚಿತ್ರವೊಂದು ಇಂತಹ ಪ್ರಯೋಗ ಮಾಡಿತ್ತಾದರೂ, ಕನ್ನಡದ ಮಟ್ಟಿಗೆ ಇದು ಹೊಸತು.