ಕೋವಿಡ್ 19ದಿಂದ ಐಪಿಎಲ್ ನಿಂತರೆ ವಿಮೆ ಸಿಗಲ್ಲ !
ಕೋವಿಡ್ 19 ಹಾವಳಿ ನಿರೀಕ್ಷೆಯನ್ನೇ ಮಾಡದ ಬಿಸಿಸಿಐ ಇದೀಗ ತಾಪತ್ರಯದಲ್ಲಿ
Team Udayavani, Apr 10, 2020, 6:42 AM IST
ಮುಂಬಯಿ: ಈ ಬಾರಿ ಐಪಿಎಲ್ ನಡೆಸಲು ಭಾರತೀಯ ಕ್ರಿಕೆಟ್ ಮಂಡಳಿ (ಬಿಸಿಸಿಐ) ಒಳಗೊಳಗೇ ಸರ್ವಶಕ್ತಿಯನ್ನು ವಿನಿಯೋಗಿಸುತ್ತಿರುವುದು ಎಲ್ಲರಿಗೂ ಗೊತ್ತಿರುವ ವಿಚಾರ. ಏನೇ ಮಾಡಿದರೂ ಐಪಿಎಲ್ ನಡೆಸುವುದು ಬಹುತೇಕ ಸಾಧ್ಯವಿಲ್ಲ ಎನ್ನುವುದೂ ಸತ್ಯ.
ಇಷ್ಟರ ಮಧ್ಯೆ ಎಲ್ಲರಿಗೂ ಗೊತ್ತಿಲ್ಲದ ಅಚ್ಚರಿಯ ಸಂಗತಿಯೊಂದಿದೆ. ಒಂದು ವೇಳೆ ಕೋವಿಡ್ 19ದಿಂದ ಈ ಬಾರಿ ನಿಂತು ಹೋದರೆ, ಬೇರೆ ರೀತಿಯಲ್ಲಿ ಹಾನಿಯಾದರೆ ಬಿಸಿಸಿಐಗೆ ವಿಮಾ ಪರಿಹಾರ ಸಿಗುವುದಿಲ್ಲ. ಕಾರಣ ಕೋವಿಡ್ 19 ಬಂದು ಅಪ್ಪಳಿಸಬಹುದು ಎಂಬ ಅಂದಾಜು ಕೂಡ ಹೊಂದಿರದಿದ್ದ ಬಿಸಿಸಿಐ, ಆ ರೀತಿಯ ಒಂದು ವಿಮೆ ಮಾಡಿಸದಿರುವುದು! ಹೀಗೆಂದು ಆಂಗ್ಲ ಪತ್ರಿಕೆಯೊಂದು ವರದಿ ಮಾಡಿದೆ.
ಬಿಸಿಸಿಐ ವಿಮೆ ಮಾಡಿಸಿಲ್ಲವೆಂದು ಇದರರ್ಥವಲ್ಲ. ಈ ರೀತಿಯ ಒಂದು ಸಮಸ್ಯೆಯನ್ನು ಅದು ನಿರೀಕ್ಷೆಯನ್ನೇ ಮಾಡಿರಲಿಲ್ಲ. ಅದರ ಪರಿಣಾಮ ಈಗ ಗೊತ್ತಾಗಿದೆ. ಸದ್ಯದ ಮಟ್ಟಿಗೆ ಐಪಿಎಲ್ನಲ್ಲಿ ಇರುವ ವಿಮೆಗಳು ಹೀಗಿವೆ: ಕೂಟದ ವಿಮೆ, ವೃತ್ತಿಪರ ನಷ್ಟ ಪರಿಹಾರ ಅಥವಾ ಭದ್ರತೆ, ವಾಣಿಜ್ಯ ಸಾಲಗಳು, ಅಪಹರಣ-ವಿಮೋಚನೆ ಹಣ, ಐಪಿಎಲ್ ಮಾಲಿಕರ ಸಾಲಗಳು, ಔದ್ಯಮಿಕ ತೊಂದರೆಗಳು, ವೈದ್ಯಕೀಯ ಮತ್ತು ಅಪಘಾತ ವಿಮೆಗಳೆಲ್ಲ ಪರಿಹಾರದಲ್ಲಿ ಸೇರಿವೆ ಎಂದು ಸರ್ವೋಚ್ಚ ನ್ಯಾಯಾಲಯದ ವಕೀಲ ರಜತ್ ಮಿಶ್ರಾ ಹೇಳಿದ್ದಾರೆ.
ಬಹುಶಃ ವೈದ್ಯಕೀಯ ಕಾರಣದಿಂದ ತೊಂದರೆಯಾಗ ಬಹುದೆಂದು ಬಿಸಿಸಿಐ ನಿರೀಕ್ಷಿಸಿದ್ದರೂ, ಈ ಕಾರಣದಿಂದ ಐಪಿಎಲ್ ಕೂಟವೇ ನಿಂತುಹೋಗುತ್ತದೆ ಎಂದು ಭಾವಿಸಿರಲಿಲ್ಲ. ಅದರಲ್ಲೂ ಕೋವಿಡ್ 19 ಎಂಬ ವೈರಸ್ ಅನ್ನು ಅದು ನಿರೀಕ್ಷಿಸಿರಲಿಲ್ಲ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
RCB ವೆಂಟಿಲೇಟರ್ ಆಫ್ ಮಾಡಲಾಗಿದೆ, ಆದರೂ ಐಸಿಯುನಲ್ಲಿದೆ: ಅಜಯ್ ಜಡೇಜಾ
ICC ಚಾಂಪಿಯನ್ಸ್ ಟ್ರೋಫಿ ಆಡದಿದ್ದರೆ ಭಾರತ ತಂಡದ ಮೇಲೆ ಪರಿಣಾಮ: ಪಾಕ್ನ ರಶೀದ್ ಲತೀಫ್
NADA; ಕುಸ್ತಿಪಟು ಬಜರಂಗ್ ಅನಿರ್ದಿಷ್ಟಾವಧಿಗೆ ಅಮಾನತು: ಒಲಿಂಪಿಕ್ಸ್ ಭಾಗಿ ಅನುಮಾನ
AI ತಂತ್ರಜ್ಞಾನ ಬಳಸಿ ಇಂಗ್ಲೆಂಡ್ ಮಹಿಳಾ ಕ್ರಿಕೆಟ್ ತಂಡದ ಆಯ್ಕೆ
IPL 2024: 8 ಅಂಕ ಹೊಂದಿರುವ ಆರ್ ಸಿಬಿಗೆ ಇನ್ನೂ ಇದೆ ಪ್ಲೇ ಆಫ್ ಅವಕಾಶ: ಇಲ್ಲಿದೆ ಲೆಕ್ಕಾಚಾರ