Prajwal Revanna Case ಕಾರ್ತಿಕ್‌ ನಿರೀಕ್ಷಣ ಜಾಮೀನು ಅರ್ಜಿ ವಜಾ

Team Udayavani, May 8, 2024, 11:23 PM IST

ಹಾಸನ: ಸಂಸದ ಪ್ರಜ್ವಲ್‌ ರೇವಣ್ಣ ಅವರದ್ದು ಎನ್ನಲಾದ ಅಶ್ಲೀಲ ಚಿತ್ರಗಳಿರುವ ಪೆನ್‌ಡ್ರೈವ್‌ ಹಂಚಿದ ಆರೋಪದಲ್ಲಿ ಪ್ರಜ್ವಲ್‌ ಮಾಜಿ ಕಾರು ಚಾಲಕ ಕಾರ್ತಿಕ್‌ ಸಹಿತ ನಾಲ್ವರ ನಿರೀಕ್ಷಣ ಜಾಮೀನು ಅರ್ಜಿಯನ್ನು ಹಾಸನದ 3ನೇ ಅಧಿಕ ಜಿಲ್ಲಾ ಸತ್ರ ನ್ಯಾಯಾಲಯ ವಜಾ ಮಾಡಿದೆ.

ಕಾರ್ತಿಕ್‌, ಹೊಳೆನರಸೀಪುರ ಪುರಸಭೆ ಮಾಜಿ ಅಧ್ಯಕ್ಷ ಪುಟ್ಟರಾಜ್‌ ಅಲಿಯಾಸ್‌ ಪುಟ್ಟಿ, ಅಶ್ಲೀಲ ವೀಡಿಯೋಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹರಿಬಿಟ್ಟಿದ್ದನೆನ್ನಲಾದ ನವೀನ್‌ ಗೌಡ, ಮತ್ತೊಬ್ಬ ಆರೋಪಿ ಚೇತನ್‌, ಹಾಸನದ ಬಿಜೆಪಿ ಮುಖಂಡ ಶರತ್‌ ಸಹಿತ ಐವರ ವಿರುದ್ಧ ಎ.23ರಂದು ಹಾಸನದ ಸೈಬರ್‌ಕ್ರೈಂ ಠಾಣೆಯಲ್ಲಿ ಜೆಡಿಎಸ್‌ ದೂರು ನೀಡಿತ್ತು.

ಎಫ್ಐಆರ್‌ ದಾಖಲಾದ ಬಳಿಕ ಕಾರ್ತಿಕ್‌, ನವೀನ್‌, ಪುಟ್ಟರಾಜ್‌ ಹಾಗೂ ಚೇತನ್‌ ನಿರೀಕ್ಷಣ ಜಾಮೀನಿಗಾಗಿ ಸಲ್ಲಿಸಿದ್ದ ಅರ್ಜಿ ವಜಾ ಹಿನ್ನೆಲೆಯಲ್ಲಿ ಆರೋಪಿಗಳಿಗೆ ಬಂಧನದ ಭೀತಿ ಎದುರಾಗಿದೆ.