ಪುನೀತ್ ಬ್ಯಾನರ್ಗೆ ಶಶಾಂಕ್ ಸಿನಿಮಾ
Team Udayavani, Aug 6, 2017, 10:25 AM IST
ಶಶಾಂಕ್ ನಿರ್ದೇಶಿಸಿದ ಕೊನೆಯ ಸಿನಿಮಾ “ಮುಂಗಾರು ಮಳೆ-2′. ಆ ಸಿನಿಮಾ ಬಂದು ಒಂದು ವರ್ಷವಾಗುತ್ತಾ ಬಂದಿದೆ. ಇಷ್ಟು ಸಮಯವಾದರೂ ಶಶಾಂಕ್ ಕಡೆಯಿಂದ ಯಾವುದೇ ಹೊಸ ಸಿನಿಮಾದ ಸುದ್ದಿ ಬಂದಿರಲಿಲ್ಲ. ಸಹಜವಾಗಿಯೇ ಅನೇಕರಿಗೆ ಒಂದು ಕುತೂಹಲವಿತ್ತು. ಶಶಾಂಕ್ ಮುಂದಿನ ಸಿನಿಮಾ ಯಾವುದು, ಯಾರು ಹೀರೋ ಎಂಬುದು. ಆದರೆ, ಶಶಾಂಕ್ ಮಾತ್ರ ಏನೂ ಮಾತನಾಡದೇ ತಮ್ಮ ಪಾಡಿಗೆ ಸ್ಕ್ರಿಪ್ಟ್ ಕೆಲಸದಲ್ಲಿ ಬಿಝಿಯಾಗಿದ್ದರು. ಈಗ ಶಶಾಂಕ್ ಮುಂದಿನ ಸಿನಿಮಾ ಯಾರ ಜೊತೆ ಎಂಬುದಕ್ಕೆ ಉತ್ತರ ಸಿಕ್ಕಿದೆ.
ಹೌದು, ಶಶಾಂಕ್ ಮುಂದಿನ ಸಿನಿಮಾದಲ್ಲಿ ಪುನೀತ್ ರಾಜಕುಮಾರ್ ನಾಯಕರಾಗಿ ನಟಿಸುತ್ತಿದ್ದು, ಈ ಮೂಲಕ ಶಶಾಂಕ್ ಮತ್ತೂಬ್ಬ ಸ್ಟಾರ್ ನಟನ ಸಿನಿಮಾ ಮಾಡಿದಂತಾಗುತ್ತದೆ. ಸದ್ಯ ಶಶಾಂಕ್ ಕಥೆಯಲ್ಲಿ ತೊಡಗಿದ್ದು, ಚಿತ್ರ ಜನವರಿಯಲ್ಲಿ ಆರಂಭವಾಗಲಿದೆ. ಪುನೀತ್ ರಾಜಕುಮಾರ್ ಸದ್ಯ “ಅಂಜನಿಪುತ್ರ’ ಚಿತ್ರೀಕರಣದಲ್ಲಿ ಬಿಝಿ. ಆ ಸಿನಿಮಾ ಮುಗಿಸಿಕೊಂಡು ಪುನೀತ್ ಬೇರೊಂದು ಸಿನಿಮಾದಲ್ಲಿ ನಟಿಸಲಿದ್ದಾರೆ. ಅದು ಮುಗಿದ ನಂತರ ಶಶಾಂಕ್ ಸಿನಿಮಾ. ಹಾಗಾಗಿ, ಶಶಾಂಕ್ ಹಾಗೂ ಪುನೀತ್ ಕಾಂಬಿನೇಶನ್ನ ಸಿನಿಮಾ ಜನವರಿಗೆ ಸೆಟ್ಟೇರಲಿದೆ.
ಈ ಚಿತ್ರದ ನಿರ್ಮಾಪಕರು ಯಾರು ಎಂಬ ಪ್ರಶ್ನೆ ಬರಬಹುದು. ಅದಕ್ಕೆ ಉತ್ತರ ಪುನೀತ್. ಹೌದು, ಈಗಾಗಲೇ ಪುನೀತ್ ರಾಜಕುಮಾರ್ ಅವರು “ಪಿಆರ್ಕೆ’ ಎಂಬ ಬ್ಯಾನರ್ ಹುಟ್ಟುಹಾಕಿದ್ದು ನಿಮಗೆ ಗೊತ್ತೇ ಇದೆ. ಈ ಸಂಸ್ಥೆಯ ಮೊದಲ ಚಿತ್ರವಾಗಿ “ಕವಲು ದಾರಿ’ ಬಿಡುಗಡೆಯಾಗಲಿದೆ ಎಂದು ಹೇಳಲಾಗುತ್ತಿದೆ. ಎರಡನೆಯ ಚಿತ್ರವಾಗಿ, ಈ ಬ್ಯಾನರ್ನಡಿ ಶಶಾಂಕ್ ನಿರ್ದೇಶನದ ಸಿನಿಮಾವನ್ನು ನಿರ್ಮಿಸುತ್ತಿದ್ದಾರೆ ಪುನೀತ್.
ಈ ಮೂಲಕ ಪುನೀತ್ ಬ್ಯಾನರ್ನಲ್ಲಿ ಪುನೀತ್ ಅವರಿಗೆ ಸಿನಿಮಾ ಮಾಡುವ ಮೊದಲ ಅವಕಾಶ ಶಶಾಂಕ್ಗೆ ಸಿಕ್ಕಿದೆ. ಇದೊಂದು ಫ್ಯಾಮಿಲಿ ಡ್ರಾಮಾ ಆಗಿದ್ದು, ಸದ್ಯ ಶೀರ್ಷಿಕೆ, ನಾಯಕಿ, ತಾಂತ್ರಿಕ ವರ್ಗ ಯಾವುದೂ ಅಂತಿಮವಾಗಿಲ್ಲ. ಈ ಹಿಂದೆ ಶಶಾಂಕ್, ಉಪೇಂದ್ರ ಅವರಿಗೆ ಸಿನಿಮಾ ಮಾಡುತ್ತಾರೆನ್ನಲಾಗಿತ್ತು. ಹಾಗಾದರೆ ಆ ಪ್ರಾಜೆಕ್ಟ್ ಏನಾಯಿತು ಎಂದು ನೀವು ಕೇಳಬಹುದು. ಪುನೀತ್ ಸಿನಿಮಾ ಮುಗಿದ ನಂತರ ಶಶಾಂಕ್, ಉಪೇಂದ್ರ ಅವರ ಜೊತೆ ಸಿನಿಮಾ ಮಾಡಲಿದ್ದಾರೆ. ಈ ಸಿನಿಮಾ ಶಶಾಂಕ್ ಅವರ ಬ್ಯಾನರ್ನಲ್ಲೇ ತಯಾರಾಗಲಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Lok Sabha Election: ಉಡುಪಿ ಚಿಕ್ಕಮಗಳೂರಿನಲ್ಲಿ 29.03 % ಮತದಾನ…
Anti Israel ಪ್ರತಿಭಟನೆ-ಭಾರತೀಯ ಮೂಲದ ಪ್ರಿನ್ಸ್ ಟನ್ ವಿವಿ ವಿದ್ಯಾರ್ಥಿನಿ ಬಂಧನ
ಸುಳ್ಳು ಹೇಳುವುದರಲ್ಲಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ನಿಸ್ಸಿಮರು: ಸಚಿವ ಪ್ರಹ್ಲಾದ್ ಜೋಶಿ
Kalaburagi: ಸೋಲುವ ಭೀತಿಯಿಂದ ಪ್ರಧಾನಿಯಿಂದ ಕೀಳು ಮಟ್ಟದ ಹೇಳಿಕೆ: ಡಾ. ಅಜಯಸಿಂಗ್
Dakshina kannada: ದ.ಕ.: 18,18,127 ಮತದಾರರ ಕೈಯಲ್ಲಿ 9 ಅಭ್ಯರ್ಥಿಗಳ ಭವಿಷ್ಯ