ಅಂಜನಿಪುತ್ರ ದೊಡ್ಡದಾಯ್ತು!
Team Udayavani, Jan 14, 2018, 10:47 AM IST
ಸಾಮಾನ್ಯವಾಗಿ ಒಂದು ಚಿತ್ರ ಉದ್ದವಾಯಿತು ಎಂದು ಪ್ರೇಕ್ಷಕರು ಬೇಸರಿಸಿಕೊಂಡರೆ, ಚಿತ್ರದವರು ತಕ್ಷಣವೇ ಎಚ್ಚೆತ್ತುಕೊಂಡು ಚಿತ್ರವನ್ನು ಟ್ರಿಮ್ ಮಾಡುವುದು ವಾಡಿಕೆ. ಆದರೆ, ಪುನೀತ್ ರಾಜಕುಮಾರ್ ಮತ್ತು ರಶ್ಮಿಕಾ ಮಂದಣ್ಣ ಅಭಿನುಯದ “ಅಂಜನಿಪುತ್ರ’ದ ವಿಷಯದಲ್ಲಿ ಮಾತ್ರ ಅದು ಉಲ್ಟಾ ಆಗುತ್ತದೆ. ಚಿತ್ರವು ಯಶಸ್ವಿಯಾಗಿ 25 ದಿನಗಳನ್ನು ಪೂರೈಸಿದೆ.
ಈ ಸಂದರ್ಭದಲ್ಲಿ ಚಿತ್ರತಂಡದವರು ಇನ್ನೂ ಎಂಟು ನಿಮಿಷಗಳ ದೃಶ್ಯಗಳನ್ನು ಚಿತ್ರಕ್ಕೆ ಸೇರಿಸಲಿದೆ. ಈಗಾಗಲೇ ಚಿತ್ರದಲ್ಲಿ ಬದಲಾವಣೆಯಾಗಿದ್ದು, ಇಂದಿನಿಂದ ಅದು ಕಾರ್ಯರೂಪಕ್ಕೆ ಬರಲಿದೆ. ಹೌದು, “ಅಂಜನಿಪುತ್ರ’ ಇವತ್ತಿನಿಂದಲೇ ಇನ್ನಷ್ಟು ದೊಡ್ಡದಾಗಿದೆ. ಚಿತ್ರ 25 ದಿನಗಳನ್ನು ಪೂರೈಸಿದ ಖುಷಿಯಲ್ಲಿ ಮತ್ತು ಸಂಕ್ರಾಂತಿ ಬೋನಸ್ ಆಗಿ ಇನ್ನೂ ಎಂಟು ನಿಮಿಷಗಳಷ್ಟು ದೃಶ್ಯಗಳನ್ನು ಚಿತ್ರಕ್ಕೆ ಸೇರಿಸಲಾಗಿದೆ.
ಅದರ ಪೈಕಿ ಒಂದು ಫೈಟು ಮತ್ತು ಎರಡು ದೃಶ್ಯಗಳೂ ಇವೆಯಂತೆ. ಅದನ್ನು ಈಗ ಹೊಸದಾಗಿ ಸೇರಿಸಲಾಗುತ್ತಿದೆ. “ಇದಕ್ಕೂ ಮುಂಚೆಯೇ ಆ ಫೈಟು ಮತ್ತು ದೃಶ್ಯಗಳನ್ನು ಚಿತ್ರೀಕರಿಸಲಾಗಿತ್ತು. ಆದರೆ, ಲ್ಯಾಗ್ ಆಗಬಹುದು ಎಂಬ ಕಾರಣಕ್ಕೆ ಬಿಟ್ಟಿದ್ದೆವು. ಈಗ ಮತ್ತೆ ಸೇರಿಸಿದ್ದು, ಭಾನುವಾರದಿಂದ ಚಿತ್ರದ ಹೊಸ ವರ್ಷನ್ನ ನೋಡಬಹುದು’ ಎನ್ನುತ್ತಾರೆ ನಿರ್ದೇಶಕ ಎ. ಹರ್ಷ.
ಹಾಕಿದ್ದು ಬಂದಿದೆ; ಬರುವುದೆಲ್ಲಾ ಬೋನಸ್: ಇನ್ನು “ಅಂಜನಿಪುತ್ರ’ ಚಿತ್ರದಿಂದ ಎಷ್ಟು ಲಾಭವಾಯಿತು ಎಂಬ ಪ್ರಶ್ನೆಯನ್ನು ನಿರ್ಮಾಪಕ ಎಂ.ಎನ್. ಕುಮಾರ್ ಅವರ ಮುಂದಿಟ್ಟರೆ, “ಕನ್ನಡಿಗರ ಆಶೀರ್ವಾದದಿಂದ ಚಿತ್ರಕ್ಕೆ ಹಾಕಿದ ದುಡ್ಡು ಬಂದಿದೆ, ಬರುವುದೆಲ್ಲಾ ಬೋನಸ್’ ಎಂದು ಹೇಳುತ್ತಾರೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Lok Sabha Election: ಮೋದಿಗೆ ಪರ್ಯಾಯ ನಾಯಕ ಮತ್ತೊಬ್ಬರಿಲ್ಲ… ಗಾಯಿತ್ರಿ ಸಿದ್ದೇಶ್ವರ
Chitradurga: ಚುನಾವಣಾ ಕರ್ತವ್ಯದಲ್ಲಿದ್ದಾಗಲೇ ಹೃದಯಾಘಾತಗೊಂಡು ಶಿಕ್ಷಕಿ ಮೃತ್ಯು…
Lok Sabha Polls: ಉಡುಪಿ: ಕುಟುಂಬ ಸಮೇತರಾಗಿ ಬಂದು ಮತದಾನ ಮಾಡಿದ ನಟ ರಕ್ಷಿತ್ ಶೆಟ್ಟಿ
Kadaba: ಬಿಳಿನೆಲೆ ಮತದಾನ ಕೇಂದ್ರದಲ್ಲಿ ಕಾಂಗ್ರೆಸ್-ಬಿಜೆಪಿ ಕಾರ್ಯಕರ್ತರ ಮಾತಿನ ಚಕಮಕಿ
EVM, VVPAT ಮತಗಳ ಹೋಲಿಕೆ- ಎಲ್ಲಾ ಅರ್ಜಿ ವಜಾಗೊಳಿಸಿದ ಸುಪ್ರೀಂಕೋರ್ಟ್…ಆದರೆ…