ರೌದ್ರ ಭಯಂಕರ ರಾಧಿಕಾ
Team Udayavani, Oct 19, 2018, 12:05 PM IST
ನಟಿ ರಾಧಿಕಾ ಅವರು “ಭೈರಾದೇವಿ’ ಹಾಗೂ “ದಮಯಂತಿ’ ಚಿತ್ರಗಳಲ್ಲಿ ನಟಿಸುತ್ತಿರುವ ವಿಚಾರ ನಿಮಗೆ ಗೊತ್ತೇ ಇದೆ. ಎರಡೂ ಚಿತ್ರಗಳ ಪಾತ್ರಗಳು ತುಂಬಾ ಭಿನ್ನವಾಗಿದ್ದರಿಂದ ಖುಷಿಯಿಂದ ನಟಿಸುತ್ತಿರುವುದಾಗಿ ರಾಧಿಕಾ ಈ ಹಿಂದೆಯೇ ಹೇಳಿಕೊಂಡಿದ್ದರು. ಸಹಜವಾಗಿಯೇ ಅಭಿಮಾನಿಗಳಲ್ಲೊಂದು ಕುತೂಹಲವಿತ್ತು, ರಾಧಿಕಾ ಹೇಗೆ ಕಾಣಬಹುದು ಎಂದು. ಈಗ ಕುತೂಹಲಕ್ಕೆ ಉತ್ತರ ಸಿಕ್ಕಿದೆ. “ಭೈರಾದೇವಿ’ ಹಾಗೂ “ದಮಯಂತಿ’ ಚಿತ್ರಗಳ ಫಸ್ಟ್ಲುಕ್ ಬಿಡುಗಡೆಯಾಗಿದೆ.
ಎರಡೂ ಚಿತ್ರಗಳಲ್ಲೂ ರಾಧಿಕಾ ರೌದ್ರ ಅವತಾರದಲ್ಲಿ ಮಿಂಚಿದ್ದಾರೆ. “ಭೈರಾದೇವಿ’ ಚಿತ್ರದ ಟೈಟಲ್ಗೆ ತಕ್ಕಂತೆ ಭೈರಾದೇವಿಯಾಗಿ ಅಬ್ಬರಿಸಿರುವ ರಾಧಿಕಾ, ದಮಯಂತಿಯಲ್ಲಿ ಹಾರರ್ ಗೆಟಪ್ನಲ್ಲಿ ಕಾಣಿಸಿಕೊಂಡಿದ್ದಾರೆ. “ಭೈರಾದೇವಿ’ ಚಿತ್ರ ರಾಧಿಕಾ ಅವರ ಹೋಂಬ್ಯಾನರ್ನಲ್ಲಿ ತಯಾರಾಗುತ್ತಿದ್ದು, ಶ್ರೀಜಯ್ ಈ ಸಿನಿಮಾದ ನಿರ್ದೇಶಕರು. ಚಿತ್ರದಲ್ಲಿ ರಮೇಶ್ ಅರವಿಂದ್ ಸೇರಿದಂತೆ ಅನೇಕರು ನಟಿಸುತ್ತಿದ್ದಾರೆ. “ದಮಯಂತಿ’ ಚಿತ್ರವನ್ನು ನವರಸನ್ ನಿರ್ದೇಶಿಸುತ್ತಿದ್ದಾರೆ.
ಸವಾಲಿನ ಪಾತ್ರ: ರಾಧಿಕಾ ಈ ಸಿನಿಮಾಗಳನ್ನು ಒಪ್ಪಿಕೊಳ್ಳಲು ಕಾರಣ, ಅದರಲ್ಲಿನ ಪಾತ್ರವಂತೆ. ಎರಡೂ ಚಿತ್ರಗಳಲ್ಲೂ ಸವಾಲಿನ ಪಾತ್ರ ಸಿಕ್ಕಿದ್ದು ಅವರಿಗೆ ಖುಷಿಕೊಟ್ಟಿದೆಯಂತೆ. “ಎರಡೂ ಕಥೆಗಳನ್ನು ನಾನು ತುಂಬಾ ಇಷ್ಟಪಟ್ಟು ಒಪ್ಪಿದ್ದೇನೆ. ನಟಿಯಾಗಿ ನನಗೆ ಸವಾಲಿನ ಪಾತ್ರ. ಎರಡೂ ಪಾತ್ರಗಳು ಬೇರೆ ಬೇರೆ ಶೇಡ್ನಿಂದ ಕೂಡಿವೆ. ಜನ ಈ ಸಿನಿಮಾಗಳನ್ನು ಹೇಗೆ ಸ್ವೀಕರಿಸುತ್ತಾರೆಂಬ ಕುತೂಹಲ ನನಗಿದೆ’ ಎಂದು ತಮ್ಮ ಎರಡು ಸಿನಿಮಾಗಳ ಬಗ್ಗೆ ಮಾತನಾಡುತ್ತಾರೆ ರಾಧಿಕಾ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Daily Horoscope: ಹಿತವಾದುದನ್ನು ಮಾತ್ರ ಆರಿಸಿಕೊಳ್ಳುವುದು ವಿವೇಕಿಗಳ ಲಕ್ಷಣ
Lok Sabha Election 2024; ಬಿಜೆಪಿ 2ನೇ ಪಟ್ಟಿ ಇನ್ನೆರಡು ದಿನ ವಿಳಂಬ?
21 ಕಾಂಗ್ರೆಸ್ ಅಭ್ಯರ್ಥಿ ಪಟ್ಟಿ ಇಂದು?ದಿಲ್ಲಿಯಲ್ಲಿ ಮಂಗಳವಾರ ಪಕ್ಷದ ಚುನಾವಣ ಸಮಿತಿ ಸಭೆ
AI; ನಿಮ್ಮ ಮಕ್ಕಳ ‘ಧ್ವನಿ’ ಕೇಳಿ ಮೋಸ ಹೋಗದಿರಿ ಜೋಕೆ!
Kerala-ಕರ್ನಾಟಕ-ತಮಿಳುನಾಡು ತ್ರಿಜಂಕ್ಷನ್: ಮತ್ತೆ ನಕ್ಸಲರ ಸದ್ದು?