ಮಾಲ್ಗುಡಿ ಡೇಸ್ನಲ್ಲಿ ಬಿಗ್ಬಾಸ್ ಧನರಾಜ್
Team Udayavani, Mar 23, 2019, 6:03 AM IST
ವಿಜಯ ರಾಘವೇಂದ್ರ ಅಭಿನಯಿಸುತ್ತಿರುವ “ಮಾಲ್ಗುಡಿ ಡೇಸ್’ ಚಿತ್ರ ಚಿತ್ರೀಕರಣಕ್ಕೂ ಮುನ್ನವೇ ಒಂದಷ್ಟು ಜೋರಾದ ಸದ್ದು ಮಾಡುತ್ತಲೇ ಇದೆ. ಸದ್ಯಕ್ಕೆ ಚಿತ್ರತಂಡ ತೀರ್ಥಹಳ್ಳಿ, ಶಿವಮೊಗ್ಗ ಸುತ್ತಮುತ್ತ ಚಿತ್ರೀಕರಣ ನೆಡೆಸುತ್ತಿದ್ದು, ಇದೀಗ ಚಿತ್ರತಂಡದಿಂದ ಹೊಸದೊಂದು ಸುದ್ದಿ ಹೊರಬಂದಿದೆ. ಅದೇನೆಂದರೆ, “ಬಿಗ್ ಬಾಸ್’ 6ರ ಸ್ಪರ್ಧಿಯಾದ ಧನರಾಜ್ ಇದೀಗ “ಮಾಲ್ಗುಡಿ ಡೇಸ್’ ಚಿತ್ರದಲ್ಲಿ ನಟಿಸುತ್ತಿದ್ದಾರೆ.
“ಬಿಗ್ಬಾಸ್’ ಮನೆಯಲ್ಲಿ ವೀಕ್ಷಕರ ಮನ ಗೆದ್ದಿದ್ದ, ಧನರಾಜ್, “ಬಿಗ್ಬಾಸ್’ ಬಳಿಕ ಈ ಚಿತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.”ಮಾಲ್ಗುಡಿ ಡೇಸ್’ ಅವರ ಮೊದಲ ಅಭಿನಯದ ಚಿತ್ರ ಎಂಬುದು ವಿಶೇಷ. ಧನರಾಜ್ ಅವರಿಗೆ ಸಿನಿಮಾ ಹೊದಲ್ಲ. ಯಾಕೆಂದರೆ, ಅವರು ಮೂಲತಃ ಡಬ್ಬಿಂಗ್ ಕಲಾವಿದರಾಗಿದ್ದಾರೆ. ಒಳ್ಳೆಯ ಅವಕಾಶ ಸಿಕ್ಕಿದ್ದೇ ತಡ, ಧನರಾಜ್ ಹಿಂದೆ ಮುಂದೆ ನೋಡದೆ ಪಾತ್ರ ಮಾಡಲು ಒಪ್ಪಿದ್ದಾರೆ.
ಅಂದಹಾಗೆ, ನಿರ್ದೇಶಕ ಕಿಶೋರ್ ಮೂಡಬಿದ್ರೆ ಅವರು ಧನರಾಜ್ ಅವರಿಗೆ ಪ್ರಮುಖ ಪಾತ್ರವನ್ನೇ ನೀಡಿದ್ದಾರಂತೆ. ಚಿತ್ರದ ಕಥೆಯಲ್ಲಿ ಧನರಾಜ್ ಅವರ ಪಾತ್ರ ಹೈಲೈಟ್ ಆಗಿರಲಿದೆ ಎನ್ನುವ ಅವರು, ಪಾತ್ರ ಏನು, ಹೇಗೆಲ್ಲಾ ಮೂಡಿಬರಲಿದೆ ಎಂಬುದಕ್ಕೆ ಸಿನಿಮಾದಲ್ಲೇ ನೋಡಬೇಕು ಎಂದಷ್ಟೇ ಹೇಳುತ್ತಾರೆ.
ಈಗಾಗಲೇ ಹತ್ತು ದಿನಗಳ ಕಾಲ ವಿಜಯ ರಾಘವೇಂದ್ರ ಸೇರಿದಂತೆ ಇತರೆ ಕಲಾವಿದರೊಂದಿಗೆ ಧನರಾಜ್ ತೀರ್ಥಹಳ್ಳಿ ಸುತ್ತ ಮುತ್ತ ಚಿತ್ರೀಕರಣದಲ್ಲಿ ತೊಡಗಿಕೊಂಡಿದ್ದಾರೆ. ಚಿತ್ರವನ್ನು ಕೆ.ರತ್ನಾಕರ್ ಕಾಮತ್ ನಿರ್ಮಾಣ ಮಾಡುತ್ತಿದ್ದಾರೆ.”ಮಾಲ್ಗುಡಿ ಡೇಸ್’ ಶೀರ್ಷಿಕೆಯಿಂದಲೇ ಒಂದಷ್ಟು ಸುದ್ದಿಯಾಗಿತ್ತು. ಈಗ ವಿಶೇಷ ಸ್ಥಳಗಳಲ್ಲೂ ಚಿತ್ರೀಕರಣ ನಡೆಸುವ ಮೂಲಕ ತಕ್ಕಮಟ್ಟಿಗೆ ವಿಶೇಷ ಚಿತ್ರ ಎಂದೆನಿಸಿಕೊಳ್ಳಲು ಹೊರಟಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
WhatsApp ಭಾರತದಲ್ಲಿ ಸ್ಥಗಿತಗೊಳಿಸ್ತೇವೆ; ಹೈಕೋರ್ಟ್ ಮೆಟ್ಟಿಲೇರಿದ ಪ್ರಕರಣ, ಏನಿದು?
ಏ.26ರಂದು 2ನೇ ಹಂತದ ಚುನಾವಣೆ;ರಾಹುಲ್, ತರೂರ್, ಹೇಮಾ ಮಾಲಿನಿ ಹಲವು ಘಟಾನುಘಟಿಗಳು ಕಣದಲ್ಲಿ
Eletion: ತೀರ್ಥಹಳ್ಳಿಯಲ್ಲಿ ಪ್ರಚಾರದ ವೇಳೆ ತಮಿಳಿನಲ್ಲೆ ಮಾತನಾಡಿದ ನಟ ಶಿವರಾಜ್ ಕುಮಾರ್
LS Polls: ರಾಜ್ಯದಲ್ಲಿ ಕಾಂಗ್ರೆಸ್ ವಿರೋಧಿ ಅಲೆ: ರಾಘವೇಂದ್ರ
Lok Sabha Election: ಮೋದಿಗೆ ಪರ್ಯಾಯ ನಾಯಕ ಮತ್ತೊಬ್ಬರಿಲ್ಲ… ಗಾಯಿತ್ರಿ ಸಿದ್ದೇಶ್ವರ