ಪೊಲೀಸರ ಗುಂಡೇಟಿನಿಂದ ಶಸ್ತ್ರಧಾರಿ ಬೆಕ್ಕು ಪಾರು!
Team Udayavani, May 2, 2017, 4:22 AM IST
ಶಸ್ತ್ರಧಾರಿ ಬೆಕ್ಕೊಂದು ಪೊಲೀಸರ ಗುಂಡಿಗೆ ಬಲಿಯಾಗುವುದು ಸ್ವಲ್ಪದರಲ್ಲೇ ತಪ್ಪಿದೆ. ಅಷ್ಟಕ್ಕೂ ಬೆಕ್ಕು ಏಕೆ ಶಸ್ತ್ರ ಹಿಡಿದಿತ್ತು ಎಂದು ಆಶ್ಚರ್ಯವೇ? ಅಮೆರಿಕದ ನ್ಯೂಪೋರ್ಟ್ನಲ್ಲಿ ಬೆಕ್ಕು ಮರ ಏರಿ ಕುಳಿತಿತ್ತು. ಅದರ ಕೈಯಲ್ಲಿ ಬಂದೂಕು ಇತ್ತು. ಇದನ್ನು ನೋಡಿ ಬೆದರಿದ ಸ್ಥಳೀಯರು ಪೊಲೀಸರನ್ನು ಕರೆಸಿದರು.
ಪೊಲೀಸರೂ ಬಂದೂಕು ಹಿಡಿದ ಬೆಕ್ಕನ್ನು ನೋಡಿ, ಇನ್ನೇನು ಅದನ್ನು ಹೊಡೆದುರುಳಿಸಬೇಕು ಅನ್ನುವಷ್ಟರಲ್ಲಿ ಯಾರೋ ಒಬ್ಬರು ಫೋಟೊ ತೆಗೆದು ನೋಡಿದರು. ಬೆಕ್ಕಿನ ಬಳಿಯಿದ್ದದ್ದು ಬಂದೂಕಲ್ಲ. ಬೆಕ್ಕು ಕುಳಿತ ಭಂಗಿ, ಅಲ್ಲಿದ್ದ ಟೊಂಗೆಯ ಬಣ್ಣದಿಂದ ಅದು ಬಂದೂಕಿನಂತೆ ಕಾಣುತ್ತಿತ್ತು. ಫೋಟೊ ತೆಗೆದವನ ದೆಸೆಯಿಂದ ಬೆಕ್ಕು ಬಚಾವಾಯಿತು.