ಮುಖಕ್ಕೆ ಅಂಡರ್ವೇರ್ ಧರಿಸಿ ಕನ್ನ ಹಾಕಿದ!!
Team Udayavani, Jul 15, 2018, 7:46 AM IST
ಕಳ್ಳರು ತಮ್ಮ ಗುರುತು ಮರೆಮಾಚಲು ಮುಖವಾಡಗಳನ್ನು, ಹೆಲ್ಮೆಟ್ಗಳನ್ನು ಬಳಸುತ್ತಾರೆ. ಆದರೆ ಮುಖಕ್ಕೆ ಅಂಡರ್ವೇರ್ ಧರಿಸಿ ಬಂದು ಕಳ್ಳತನ ಮಾಡಲು ಪ್ರಯತ್ನಿಸಿದ ಕಳ್ಳನಿಗಾಗಿ ಅಮೆರಿಕದ ಟೆಕ್ಸಾಸ್ನ ಪೊಲೀಸರು ಹುಡುಕಾಡುತ್ತಿದ್ದಾರೆ. ಆಫೀಸ್ವೊಂದರ ಕಿಟಕಿಯಿಂದ ಕಚೇರಿಯೊಂದರ ಒಳಗೆ ತುಂಬಾ ಜಾಗರೂಕತೆ ಯಿಂದ ಪ್ರವೇಶಿಸುವ ಕಳ್ಳ ತನ್ನ ಗುರುತು ಮರೆ ಮಾಚಲು ಆತನ ಅರ್ಧಮುಖ ಮುಚ್ಚುವಂತೆ ಅಂಡರ್ವೇರನ್ನು ಹಾಕಿಕೊಂಡಿರುತ್ತಾನೆ.
ಈ ಕಳ್ಳತನ ಜೂ.6ರಂದು ನಡೆದಿದೆ. ಕಳ್ಳ ಈವರೆಗೂ ಪತ್ತೆಯಾಗದ ಕಾರಣ ಪೊಲೀಸರು, ಆತ ಕಚೇರಿ ಪ್ರವೇಶಿಸುವ ದೃಶ್ಯದ ವಿಡಿಯೋವನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹರಿಬಿಟ್ಟಿದ್ದಾರೆ. ಈ ತಮಾಷೆಯ ವಿಡಿಯೋಗೆ ಜನರು ತರಾವರಿ ಪ್ರತಿಕ್ರಿಯೆಯನ್ನು ನೀಡುತ್ತಿದ್ದಾರೆ.