CONNECT WITH US  

ಪಾದೂರು ತೈಲಾಗಾರ ಭರ್ತಿಗೂ ಪಿಪಿಪಿ

ಹೊಸದಿಲ್ಲಿ: ಉಡುಪಿ ಸಮೀಪದ ಪಾದೂರು ಬಳಿ ನೂತನವಾಗಿ ನಿರ್ಮಿಸಲಾಗಿರುವ ವ್ಯೂಹಾತ್ಮಕ ತೈಲ ಸಂಗ್ರಹಾಗಾರಕ್ಕೆ (ಎಸ್‌ಪಿಆರ್‌) ಇತರ ದೇಶಗಳ ಸರಕಾರಿ ತೈಲ ಕಂಪೆನಿಗಳು (ಎನ್‌ಒಸಿ) ನೇರವಾಗಿ ತೈಲ ತುಂಬಿಸಲು ಅವಕಾಶ ನೀಡುವ ಮತ್ತೂಂದು ಮಹತ್ವದ ನಿರ್ಧಾರವನ್ನು ಕೇಂದ್ರ ಸಚಿವ ಸಂಪುಟ ತೆಗೆದುಕೊಂಡಿದೆ. 
ಪಾದೂರಿನಲ್ಲಿ ಭೂಮಿಯೊಳಗೆ ನಿರ್ಮಿಸಲಾಗಿರುವ ತೈಲ ಸಂಗ್ರಹಾಗಾರ ಅತ್ಯಂತ ದೊಡ್ಡದಾಗಿದ್ದು, ನಾಲ್ಕು ವಿಭಾಗಗಳನ್ನು ಹೊಂದಿದೆ. ಇಲ್ಲಿನ ಪ್ರತಿಯೊಂದು ವಿಭಾಗದಲ್ಲಿ 6.25 ಲಕ್ಷ ಮೆಟ್ರಿಕ್‌ ಟನ್‌ನಷ್ಟು ತೈಲ ಸಂಗ್ರಹಿಸಬಹುದಾಗಿದ್ದು, ಒಟ್ಟಾರೆಯಾಗಿ ಇಲ್ಲಿ 25 ಲಕ್ಷ ಮೆಟ್ರಿಕ್‌ ಟನ್‌ ಕಚ್ಚಾ ತೈಲ ಸಂಗ್ರಹಿಸಬಹುದಾಗಿದೆ.

ತೈಲ ಸಂಗ್ರಹಕ್ಕೆ ಆಗುವ ಆರ್ಥಿಕ ಹೊರೆಯನ್ನು ಕಡಿಮೆ ಮಾಡಿಕೊಳ್ಳಲು ಸರಕಾರಿ ಹಾಗೂ ಖಾಸಗಿ ಸಂಸ್ಥೆಗಳ ಸಹಯೋಗದಡಿ (ಪಿಪಿಪಿ) ತೈಲ ಸರಬರಾಜು ಮಾಡಲು ಸರಕಾರ ತೀರ್ಮಾನಿಸಿದೆ.

Trending videos

Back to Top