ಕರ್ನಾಟಕ ಸಂಘ ಶಾರ್ಜಾದ ಅಧ್ಯಕ್ಷರಾಗಿ ಆನಂದ ಬೈಲೂರು ಆಯ್ಕೆ

Team Udayavani, Jul 10, 2018, 4:32 PM IST

ಮುಂಬಯಿ: ಯುಎಇಯ ಕನ್ನಡಿಗರ ಸಂಘಟನೆಗಳಲ್ಲಿ ಒಂದಾಗಿರುವ ಕರ್ನಾಟಕ ಸಂಘ ಶಾರ್ಜಾ ಕಳೆದ ಹದಿನೈದು ವರ್ಷಗಳಿಂದ ಕನ್ನಡ ಪರ ಚಟುವಟಿಕೆಗಳನ್ನು ನಡೆಸಿಕೊಂಡು ನಾಡಿನ ಭಾಷೆ ಹಾಗೂ ಸಂಸ್ಕೃತಿಯನ್ನು ಮರುಭೂಮಿಯಲ್ಲಿ ಉಳಿಸಿ ಬೆಳೆಸುವ ಕಾರ್ಯದಲ್ಲಿ ನಿರತವಾಗಿದೆ. ಪ್ರಸ್ತುತ 2018-2019ನೇ ಸಾಲಿನ ನೂತನ ಕಾರ್ಯಕಾರಿ ಸಮಿತಿಯನ್ನು ರಚಿಸಲಾಗಿದ್ದು, ಅಧ್ಯಕ್ಷರಾಗಿ ಜನಪ್ರಿಯ ಸಂಘಟಕ ಸ್ಥಳೀಯ ಬಿಲ್ಲವರ ಸಂಘಟನೆಗಳಲ್ಲಿ ಕ್ರಿಯಾಶೀಲರಾಗಿರುವ, ಸಂಘದ ಸ್ಥಾಪಕ ಸದಸ್ಯರು ಆಗಿರುವ ಆನಂದ ಬೈಲೂರು ಸರ್ವಾನುಮತದಿಂದ ಆಯ್ಕೆಯಾಗಿ¨ªಾರೆ.

ಉಪಾಧ್ಯಕ್ಷರಾಗಿ ಎಂ. ಇ. ಮೂಳೂರು ಮತ್ತು ಪ್ರಧಾನ ಕಾರ್ಯದರ್ಶಿಯಾಗಿ ನೋವೆಲ್‌ ಡಿ’ಅಲ್ಮೆಡಾ ಆಯ್ಕೆಯಾಗಿ¨ªಾರೆ. ಸಹ ಕಾರ್ಯದರ್ಶಿ ವಿಶ್ವನಾಥ್‌ ಶೆಟ್ಟಿ, ಕೋಶಾಧಿಕಾರಿಯಾಗಿ  ಶಶಿಕಾಂತ್‌ ಕಾನಂಗಿ,  ಸಾಂಸ್ಕೃತಿಕ ಕಾರ್ಯದರ್ಶಿಯಾಗಿ  ರಾಜೇಶ್‌ ಕುತ್ತಾರು, ಕ್ರೀಡಾ ಕಾರ್ಯದರ್ಶಿಯಾಗಿ  ಜೀವನ್‌ ಕುಕ್ಯಾನ್‌,  ಸಹ ಕ್ರೀಡಾಕಾರ್ಯದರ್ಶಿಯಾಗಿ  ಸಂದೀಪ್‌ ರಾವ್‌ ಅವರು ಆಯ್ಕೆಯಾಗಿ¨ªಾರೆ.

ಪೋಷಕರಾದ ಮಾರ್ಕ್‌ ಡೆನಿಸ್‌ ಡಿ’ಸೋಜಾ ಅವರು ಪ್ರಮಾಣವಚನ ಸ್ವೀಕಾರ ಪ್ರಕ್ರಿಯೆಯನ್ನು ನಡೆಸಿಕೊಟ್ಟರು. ಸಲಹೆಗಾರರು ಪ್ರವೀಣ್‌ ಕುಮಾರ್‌ ಶೆಟ್ಟಿ, ಹರೀಶ್‌ ಶೇರಿಗಾರ್‌, ಬಿ. ಕೆ. ಗಣೇಶ್‌ ರೈ, ಪ್ರಭಾಕರ ಅಂಬಲೆ¤ರೆ, ಸತೀಶ್‌ ಪೂಜಾರಿ, ನಿಕಟಪೂರ್ವ ಅಧ್ಯಕ್ಷರಾದ ಸುಗಂಧ ರಾಜ್‌ ಬೇಕಲ್‌ ಮತ್ತು ಅನಂತ್‌ ರಾಮನ್‌ ಉಪಸ್ಥಿತರಿದ್ದರು. ಕಾರ್ಯಕ್ರಮದ ಆರಂಭದಲ್ಲಿ ಕರ್ನಾಟಕ ಸಂಘದ ಸದಸ್ಯರಾಗಿ ಸೇವೆ ಸಲ್ಲಿಸಿ ಇತ್ತೀಚೆಗೆ ನಿಧನರಾಗಿದ್ದ ಬಸಂತ್‌ ಬೇಕಲ್‌ ಅವರಿಗೆ ಶದ್ಧಾಂಜಲಿಯನ್ನು ಸಲ್ಲಿಸಲಾಯಿತು.