ಜೊಕೋ ಆಟ ಮುಗಿಸಿದ ಸೆಶಿನಾಟೊ
Team Udayavani, Jun 7, 2018, 6:55 AM IST
ಪ್ಯಾರಿಸ್: ಮಾಜಿ ಚಾಂಪಿಯನ್, ಮಾಜಿ ನಂ.1 ಆಟಗಾರ, 12 ಗ್ರ್ಯಾನ್ಸ್ಲಾಮ್ ಪ್ರಶಸ್ತಿಗಳ ಸರದಾರ ಸರ್ಬಿಯಾದ ನೊವಾಕ್ ಜೊಕೋವಿಕ್ ಅವರ ಫ್ರೆಂಚ್ ಓಪನ್ ಅಭಿಯಾನ ಕ್ವಾರ್ಟರ್ ಫೈನಲ್ ಹಂತದಲ್ಲೇ ಮುಗಿದಿದೆ.
ಮಂಗಳವಾರ ರಾತ್ರಿಯ ಮುಖಾಮುಖೀಯಲ್ಲಿ ವಿಶ್ವದ 72ನೇ ರ್ಯಾಂಕಿಂಗ್ನ ಇಟೆಲಿ ಆಟಗಾರ ಮಾರ್ಕೊ ಸೆಶಿನಾಟೊ 6-3, 7-6 (7-4), 1-6, 7-6 (13-11) ಅಂತರದಿಂದ ಜೊಕೋವಿಕ್ಗೆ ಆಘಾತವಿಕ್ಕಿದರು.
ಸ್ವಾರಸ್ಯವೆಂದರೆ, ಈ ಸಲದ ಫ್ರೆಂಚ್ ಓಪನ್ ಪಂದ್ಯಾವಳಿಗೂ ಮುನ್ನ ಸೆಶಿನಾಟೊ ಯಾವುದೇ ಗ್ರ್ಯಾನ್ಸ್ಲಾಮ್ ಕೂಟಗಳಲ್ಲಿ ಒಂದೂ ಪಂದ್ಯ ಜಯಿಸಿದವರಲ್ಲ!
ಈವರೆಗೆ ಜೊಕೋವಿಕ್ ತನಗಿಂತ ಸಾಕಷ್ಟು ಕೆಳ ಕ್ರಮಾಂಕದ ಆಟಗಾರನ ವಿರುದ್ಧ ಅನುಭವಿಸಿದ 3ನೇ ದೊಡ್ಡ ಸೋಲು ಇದಾಗಿದೆ. ಇದಕ್ಕಿಂತ ಮೊದಲು 2008ರ ವಿಂಬಲ್ಟನ್ನಲ್ಲಿ 78ನೇ ರ್ಯಾಂಕಿಂಗ್ ಆಟಗಾರ ರಶ್ಯದ ಮರಾತ್ ಸಫಿನ್ ವಿರುದ್ಧ ಹಾಗೂ ಕಳೆದ ವರ್ಷದ ಆಸ್ಟ್ರೇಲಿಯನ್ ಓಪನ್ನಲ್ಲಿ 117ನೇ ರ್ಯಾಂಕಿಂಗ್ನ ಡೆನ್ನಿಸ್ ಇಸ್ತೋಮಿನ್ ವಿರುದ್ಧ ಜೊಕೋ ಆಘಾತ ಅನುಭವಿಸಿದ್ದರು.
ಈ ಸೋಲಿನಿಂದ ಕಂಗೆಟ್ಟಿರುವ ನೊವಾಕ್ ಜೊಕೋವಿಕ್ ಮುಂಬರುವ ವಿಂಬಲ್ಡನ್ ಪಂದ್ಯಾವಳಿಯಲ್ಲಿ ಆಡುವುದಿಲ್ಲ ಎಂಬ ಸೂಚನೆಯೊಂದನ್ನು ರವಾನಿಸಿದ್ದಾರೆ.
ಸೆಶಿನಾಟೊ ಸಾಧನೆ
25ರ ಹರೆಯದ ಸೆಶಿನಾಟೊ ಪಾಲಿಗೆ ಇದು ಮೊದಲ ಗ್ರ್ಯಾನ್ಸ್ಲಾಮ್ ಸೆಮಿಫೈನಲ್. ಅಷ್ಟೇ ಅಲ್ಲ, ಕಳೆದ 40 ವರ್ಷಗಳಲ್ಲಿ ಇಟೆಲಿ ಟೆನಿಸಿಗನೊಬ್ಬ ಗ್ರ್ಯಾನ್ಸ್ಲಾಮ್ ಸೆಮಿಫೈನಲ್ ಪ್ರವೇಶಿಸಿದ ಪ್ರಥಮ ನಿದರ್ಶನವೂ ಇದಾಗಿದೆ.. 1978ರ ಫ್ರೆಂಚ್ ಓಪನ್ ಪಂದ್ಯಾವಳಿಯಲ್ಲೇ ಇಟೆಲಿಯ ಕೊರಾಡೊ ಬರಝುಟ್ಟಿ ಸೆಮಿಫೈನಲ್ ಪ್ರವೇಶಿಸಿದ ಸಾಧನೆಗೈದಿದ್ದರು.
ಶ್ರೇಯಾಂಕ ರಹಿತ ಆಟಗಾರನಾಗಿರುವ ಸೆಶಿನಾಟೊ ಆನಂದಬಾಷ್ಪದೊಂದಿಗೆ ತನ್ನ ಗೆಲುವಿನ ಸಂಭ್ರಮ ಆಚರಿಸಿದ್ದು, ಸೆಮಿಫೈನಲ್ನಲ್ಲಿ ಆಸ್ಟ್ರಿಯಾದ ಡೊಮಿನಿಕ್ ಥೀಮ್ ಅವರನ್ನು ಎದುರಿಸಲಿದ್ದಾರೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
IPL 2024: ಗೆಲುವಿನ ವಿಶ್ವಾಸದಲ್ಲಿ ಕೆಕೆಆರ್
Team India: ಟಿ20 ವಿಶ್ವಕಪ್ ತಂಡ ರಾಹುಲ್ಗೆ ಚಾನ್ಸ್, ಹಾರ್ದಿಕ್ ಪಾಂಡ್ಯಗೆ ಕೊಕ್?
Chess: ವಿಶ್ವ ಚೆಸ್ ಚಾಂಪಿಯನ್ಶಿಪ್: ಆತಿಥ್ಯ ಹಕ್ಕಿಗಾಗಿ ಭಾರತ ಬಿಡ್
Archery World Cup: ಆರ್ಚರಿ ವಿಶ್ವಕಪ್ ರಿಕರ್ವ್ ವಿಭಾಗದಲ್ಲೂ ಭಾರತ ಫೈನಲ್ಗೆ
IPL; ಸನ್ರೈಸರ್ಸ್ ಹೈದರಾಬಾದ್ ವಿರುದ್ಧ ಜಯದ ನಗು ಬೀರಿದ ಆರ್ ಸಿಬಿ
MUST WATCH
ಹೊಸ ಸೇರ್ಪಡೆ
Election: ಮತದಾನ ಆರಂಭವಾದ 2 ಗಂಟೆಯಲ್ಲೇ ಉಡುಪಿ ಚಿಕ್ಕಮಗಳೂರು ಕ್ಷೇತ್ರದಲ್ಲಿ 12.82% ಮತದಾನ
Singapore ಏರ್ ಲೈನ್ಸ್ ಪೈಲಟ್ ನಂತೆ ಪೋಸ್ ಕೊಟ್ಟ ಉತ್ತರಪ್ರದೇಶ ಯುವಕನ ಬಂಧನ!
Lok Sabha 2ನೇ ಹಂತ; ದಾಖಲೆ ಸಂಖ್ಯೆಯಲ್ಲಿ ಭಾಗವಹಿಸಲು ಪ್ರಧಾನಿ ಮೋದಿ ಕನ್ನಡದಲ್ಲಿ ಮನವಿ
Mangaluru: ಕಪಿತಾನಿಯೋ ಮತದಾನ ಕೇಂದ್ರದ ಬಳಿ ಪೊಲೀಸರೊಂದಿಗೆ ಕಾರ್ಯಕರ್ತರ ಘರ್ಷಣೆ…
Congress ನಿಂದ ಸ್ಮಾರ್ಟ್ ಕಾರ್ಡ್ ಹಂಚಿಕೆ: ರೆಡ್ಹ್ಯಾಂಡ್ ಆಗಿ ಹಿಡಿದ ಮೈತ್ರಿ ಕಾರ್ಯಕರ್ತರು