ಕ್ವಾಡ್‌ಕಾಪ್ಟರ್‌ ಹೊಡೆದುರುಳಿಸಿದ ಪಾಕ್‌?

Team Udayavani, Mar 17, 2019, 12:30 AM IST

ಇಸ್ಲಾಮಾಬಾದ್‌: ಗಡಿನಿಯಂತ್ರಣಾ ರೇಖೆ ದಾಟಿದ ಭಾರತದ ಕ್ವಾಡ್‌ಕಾಪ್ಟರ್‌ ಒಂದನ್ನು ಹೊಡೆದುರುಳಿಸಿದ್ದೇವೆ ಎಂದು ಪಾಕಿಸ್ತಾನ ಶನಿವಾರ ಹೇಳಿಕೊಂಡಿದೆ. ಗಡಿಯಿಂದ 150 ಕಿ.ಮೀ ಒಳಗೆ ಪಾಕಿಸ್ತಾನದ ಕಡೆಗೆ ಈ ಕ್ವಾಡ್‌ಕಾಪ್ಟರ್‌ ಬಂದಿತ್ತು. ಗೂಢಚಾರಿಕೆ ನಡೆಸುವ ಉದ್ದೇಶದಿಂದ ಈ ಕಾಪ್ಟರ್‌ ಬಂದಿತ್ತು ಎಂದು ಸೇನೆ ವಕ್ತಾರ ಅಸಿಫ್ ಗಫ‌ೂರ್‌ ಹೇಳಿದ್ದಾರೆ. ರಖ್‌ಚಿಕ್ರಿ ವಲಯದಲ್ಲಿ ಘಟನೆ ನಡೆದಿದೆ ಎನ್ನಲಾಗಿದೆ. ಈ ಹಿಂದೆ ಭಾರತದ ಗಡಿ ಒಳಕ್ಕೆ ನುಗ್ಗಿದ್ದ ಮೂರು ಡ್ರೋನ್‌ಗಳನ್ನು ಭಾರತ ಹೊಡೆದುರುಳಿಸಿತ್ತು. ಗುಜರಾತ್‌ ಹಾಗೂ ಇತರ ಭಾಗಗಳಲ್ಲಿ ಈ ಡ್ರೋನ್‌ ಉರುಳಿದ್ದು ವರದಿಯಾಗಿತ್ತು. ಪುಲ್ವಾಮಾ ದಾಳಿಗೆ ಪ್ರತಿಯಾಗಿ ಬಾಲಕೋಟ್‌ನಲ್ಲಿ ಭಾರತ ಪ್ರತೀಕಾರ ದಾಳಿ ನಡೆಸಿದ ನಂತರದಲ್ಲಿ ಉಭಯ ದೇಶಗಳ ಮಧ್ಯೆ ಸೃಷ್ಟಿಯಾದ ಉದ್ವಿಗ್ನ ವಾತಾವರಣ ಈಗ ತಣ್ಣಗಾಗಿದೆ.