Lok Sabha Election: ಒಂದೇ ಒಂದು ಮತಕ್ಕಾಗಿ 40 ಕಿ.ಮೀ ನಡೆದು ಚುನಾವಣೆ ಕೇಂದ್ರ ಸ್ಥಾಪನೆ

Team Udayavani, Mar 27, 2024, 9:00 PM IST

ಇಟಾನಗರ: ಮತದಾನ ದೇಶವಾಸಿಗಳ ಮೂಲಭೂತ ಹಕ್ಕು!. ದೇಶದ ಪ್ರತಿಯೊಬ್ಬ ಪ್ರಜೆಯೂ ತನ್ನ ಈ ಹಕ್ಕನ್ನು ಚಲಾಯಿಸಲು ಅವಕಾಶ ನೀಡಲೇಬೇಕಿರುವುದು ಆಡಳಿತದ ಆದ್ಯ ಕರ್ತವ್ಯ. ಈ ಕರ್ತವ್ಯ ನಿರ್ವಹಣೆಗೆ ಬದ್ಧರಾಗಿ ಒಂದೇ ಒಂದು ಮತಕ್ಕಾಗಿ ಅರುಣಾಚಲ ಪ್ರದೇಶದ 40 ಕಿ.ಮೀ. ಗುಡ್ಡಗಾಡಿನ ಕಾಲ್ನಡಿಗೆಗೆ ಚುನಾವಣಾಧಿಕಾರಿಗಳು ಸಜ್ಜುಗೊಂಡಿದ್ದಾರೆ.

ಅರುಣಾಚಲ ಪ್ರದೇಶದ ಚೀನಾ ಗಡಿ ಭಾಗದ ಸಮೀಪದಲ್ಲಿರುವ ಮಲಗೋಮ್‌ ಗ್ರಾಮದ ನಿವಾಸಿ 44 ರ ವಯಸ್ಸಿನ ಶೋಕೆಲಾ ತಯಾಂಗ್‌ ಎಂಬ ಮಹಿಳೆಯ 1 ವೋಟಿಗಾಗಿ ಬೆಟ್ಟ ಗುಡ್ಡ ಹತ್ತಿ ಚುನಾವಣಾಧಿಕಾರಿಗಳು ಬೂತ್‌ ನಿರ್ಮಿಸಲಿದ್ದಾರೆ. ಅಲ್ಲಿ ಇರುವ ಕೆಲವು ಕುಟುಂಬಗಳು ಈಗಾಗಲೇ ಬೇರೆ ಬೂತ್‌ಗಳಲ್ಲಿ ನೋಂದಾಯಿಸಿಕೊಂಡಿದ್ದಾರೆ. ಆದರೆ, ಶೋಕೆಲಾ ಮಾತ್ರ ತಾನು ಬೇರೆಡೆ ತೆರಳಿ ಮತ ಚಲಾಯಿಸಲು ನಿರಾಕರಿಸಿದ್ದಾರೆ. ಈ ಕಾರಣಕ್ಕಾಗಿ ಅಲ್ಲಿಗೆ ಚುನಾವಣಾಧಿಕಾರಿಗಳು ಅಲ್ಲಿಗೆ ತೆರಳಲಿದ್ದಾರೆ. ಏ.19ರಂದು ಅಲ್ಲಿ ಲೋಕಸಭೆ, ವಿಧಾನಸಭೆಗೆ ಒಂದೇ ಹಂತದಲ್ಲಿ ಮತದಾನ ನಡೆಯಲಿದೆ
ಮತದಾರರು ಒಬ್ಬರೇ ಆಗಿದ್ದರೂ ಅವರು ಹಕ್ಕು ಚಲಾಯಿಸುವುದನ್ನು ಖಾತರಿಪಡಿಸಿಕೊಳ್ಳುವುದೇ ನಮ್ಮ ಕರ್ತವ್ಯ ಎಂದು ಮುಖ್ಯ ಚುನಾವಣೆ ಅಧಿಕಾರಿ ಪವನ್‌ ಕುಮಾರ್‌ ಸೈನ್‌ ಹೇಳಿದ್ದಾರೆ.