2020-21ನೇ ಸಾಲಿನ ಬಜೆಟ್‌ ಸಿದ್ಧತಾ ಸಭೆ 14ರಿಂದ ಶುರು

Team Udayavani, Oct 7, 2019, 5:33 AM IST

ಹೊಸದಿಲ್ಲಿ: ಮುಂದಿನ ವಿತ್ತೀಯ ವರ್ಷಕ್ಕಾಗಿನ ಮುಂಗಡ ಪತ್ರ ಸಿದ್ಧತೆ ನಡೆಸಲು ಕೇಂದ್ರ ಹಣಕಾಸು ಸಚಿವಾಲಯ ಅ. 21ರಿಂದ ಸಿದ್ಧತಾ ಸಭೆಗಳನ್ನು ಶುರು ಮಾಡಲಿದೆ. ಆರ್ಥಿಕ ಕ್ಷೇತ್ರದ ಹಲವು ವಿಭಾಗಗಳಿಗೆ ಸಂಬಂಧಿಸಿ ಹಿನ್ನಡೆಯ ಹಿನ್ನೆಲೆಯಲ್ಲಿ ಕಡಿಮೆ ಪ್ರಮಾಣದಲ್ಲಿ ಆದಾಯ ಸಂಗ್ರಹಣೆಯ ಬಗ್ಗೆ ಕೂಡ ಸಭೆಯ ವಿವಿಧ ಹಂತಗಳಲ್ಲಿ ಪ್ರಸ್ತಾಪವಾಗುವ ಸಾಧ್ಯತೆ ಇದೆ.

ಹೀಗಾಗಿ, ಎಲ್ಲ ಸಲಹೆಗಳೂ ಕೂಡ ಕೇಂದ್ರ ಬಜೆಟ್‌ ಮಾಹಿತಿ ವ್ಯವಸ್ಥೆಯಲ್ಲಿ ಸೇರಿಸಬೇಕು ಎಂದು ಆರ್ಥಿಕ ವ್ಯವಹಾರಗಳ ವಿಭಾಗ ಸೂಚನೆ ನೀಡಿದೆ.
2020-21ನೇ ಸಾಲಿಗಾಗಿ ಇರುವ ಬಜೆಟ್‌ಗೆ ಸಂಬಂಧಿಸಿದ ಪೂರ್ವಭಾವಿ ಅಂದಾಜು ವಿವರಗಳನ್ನು ವೆಚ್ಚಕ್ಕೆ ಸಂಬಂಧಿಸಿದ ಕಾರ್ಯದರ್ಶಿ ಇತರ ವಿಭಾಗಗಳ ಕಾರ್ಯದರ್ಶಿಗಳ ಜತೆಗೆ ಸಮಾಲೋಚನೆ ನಡೆಸಿ ಪೂರ್ಣಗೊಳಿಸುತ್ತಾರೆ. ಈ ಸಭೆ ಮುಂದಿನ ತಿಂಗಳ ಮೊದಲ ವಾರದವರೆಗೆ ನಡೆಯುತ್ತದೆ. ಪ್ರಧಾನಿ ಮೋದಿ ನೇತೃತ್ವದ ಸರಕಾರದ 2ನೇ ಬಜೆಟ್‌ 2020ರ ಫೆಬ್ರವರಿಯಲ್ಲಿ ಮಂಡಿಸಲಾಗುತ್ತದೆ. 2017ರಿಂದ ಫೆ.1ರಂದು ಬಜೆಟ್‌ ಮಂಡಿಸುವ ಹೊಸ ವ್ಯವಸ್ಥೆಗೆ ಮೋದಿ ಸರಕಾರ ಶ್ರೀಕಾರ ಹಾಕಿತ್ತು. ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್‌ಗೆ ಅದು ಎರಡನೇ ಬಜೆಟ್‌ ಆಗಿರಲಿದೆ.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ