ಸಿಸಿಟಿವಿಯಲ್ಲಿ ಸೆರೆ; 4ವರ್ಷದ ಹೆಣ್ಣು ಮಗುವನ್ನು ಅಪಹರಿಸಲು ಯತ್ನಿಸಿ ಸಿಕ್ಕಿಬಿದ್ದ!
Team Udayavani, Sep 18, 2019, 1:14 PM IST
ನವದೆಹಲಿ: ಪಂಜಾಬ್ ನ ಲುಧಿಯಾನಾದಲ್ಲಿ ತಂದೆ, ತಾಯಿ ಜತೆ ಮನೆಯ ಹೊರಗೆ ಮಲಗಿದ್ದ ನಾಲ್ಕು ವರ್ಷದ ಹೆಣ್ಣು ಮಗುವನ್ನು ವ್ಯಕ್ತಿಯೊಬ್ಬ ಅಪಹರಿಸಲು ಯತ್ನಿಸಿ ಸಿಕ್ಕಿಬಿದ್ದಿರುವ ಘಟನೆ ಸಿಸಿಟಿವಿಯಲ್ಲಿ ಸೆರೆಯಾಗಿದೆ.
ಮಂಗಳವಾರ ರಾತ್ರಿ ರಿಷಿ ನಗರ್ ಪ್ರದೇಶದಲ್ಲಿ ಮನೆಯ ಹೊರಗೆ ಮಗುವಿನ ಜತೆ ಪೋಷಕರು ಮಲಗಿದ್ದ ಪಂಜಾಬಿನ ಲುಧಿಯಾನದ ವ್ಯಕ್ತಿಯೊಬ್ಬ ಮಗುವನ್ನು ಅಪಹರಿಸಲು ಯತ್ನಿಸುತ್ತಿರುವ ಸಿಸಿಟಿವಿ ವಿಡಿಯೋ ತುಣುಕನ್ನು ಎಎನ್ ಐ ನ್ಯೂಸ್ ಏಜೆನ್ಸಿ ಟ್ವೀಟ್ ಮಾಡಿದೆ.
ವ್ಯಕ್ತಿಯೊಬ್ಬ ಮಗು ಮಲಗಿದ್ದ ಮಂಚದ ಬಳಿ ಬಂದು ನಿಧಾನಕ್ಕೆ ಎತ್ತಿಕೊಂಡಿದ್ದ. ಬಳಿಕ ತನ್ನ ಸೈಕಲ್ ಗಾಡಿ ಮೇಲೆ ಮಲಗಿಸಿದ್ದ. ಹೀಗೆ ಅಲ್ಲಿಂದ ಓಡಿಹೋಗಬೇಕು ಎಂಬಷ್ಟರಲ್ಲಿ ಮನೆಯವರಿಗೆ ಎಚ್ಚರವಾಗಿ ಮಗುವಿನ ಕಳ್ಳ ಸಿಕ್ಕಿಬಿದ್ದಿದ್ದ ಎಂದು ವರದಿ ತಿಳಿಸಿದೆ.
#WATCH Punjab: A man attempts to steal a 4-year-old child while she was sleeping with her family members outside her residence in Ludhiana’s Rishi Nagar area. However, the attempt was foiled as family members woke up and rescued the child. The accused has been arrested. (17.09) pic.twitter.com/DB6ZfXnSt7
— ANI (@ANI) September 18, 2019