UK ಜತೆ ವ್ಯಾಪಾರ ಮಾತುಕತೆ ಸ್ಥಗಿತ: ಸಂಪೂರ್ಣ ಆಧಾರ ರಹಿತ ಎಂದ MEA

Team Udayavani, Apr 10, 2023, 4:59 PM IST

ನವದೆಹಲಿ : ವ್ಯಾಪಾರ ಸೌಲಭ್ಯಗಳಿಗಾಗಿ ಇಂಗ್ಲೆಂಡ್ ಜತೆಗಿನ ವ್ಯಾಪಾರ ಮಾತುಕತೆಗಳನ್ನು ಸ್ಥಗಿತಗೊಳಿಸುವ ವರದಿಗಳನ್ನು ಭಾರತೀಯ ವಿದೇಶಾಂಗ ವ್ಯವಹಾರಗಳ ಸಚಿವಾಲಯದ ಅಧಿಕಾರಿಗಳು (MEA) ಸೋಮವಾರ ನಿರಾಕರಿಸಿದ್ದಾರೆ ಅವುಗಳನ್ನು ‘ಸಂಪೂರ್ಣವಾಗಿ ಆಧಾರರಹಿತ’ ಎಂದು ಕರೆದಿದ್ದಾರೆ.

ಕಳೆದ ತಿಂಗಳು ಲಂಡನ್‌ನಲ್ಲಿರುವ ಭಾರತೀಯ ಹೈಕಮಿಷನ್ ಮೇಲೆ ದಾಳಿ ಮಾಡಿದ ಖಲಿಸ್ಥಾನಿ ಬೆಂಬಲಿತ ಗುಂಪಿನ ಮೇಲೆ ಕ್ರಮ ಕೈಗೊಳ್ಳಲು ವಿಫಲವಾದ ನಂತರ ಬ್ರಿಟನ್‌ನೊಂದಿಗಿನ ವ್ಯಾಪಾರ ಮಾತುಕತೆಯಿಂದ ಭಾರತವು ವಿಚ್ಛೇದಿಸಿದೆ ಎಂದು ಯುಕೆ ಮೂಲದ ದಿ ಟೈಮ್ಸ್ ವರದಿ ಮಾಡಿದ ಬೆನ್ನಲ್ಲೇ MEA ಈ ಹೇಳಿಕೆ ನೀಡಿದೆ.

ಕಳೆದ ತಿಂಗಳು ಲಂಡನ್‌ನಲ್ಲಿರುವ ಭಾರತೀಯ ಹೈಕಮಿಷನ್ ಮೇಲೆ ದಾಳಿ ಮಾಡಿದ ಸಿಖ್ ಉಗ್ರಗಾಮಿ ಗುಂಪನ್ನು ಖಂಡಿಸುವಲ್ಲಿ ವಿಫಲವಾಗಿದೆ ಎಂದು ಆರೋಪಿಸಿ ಭಾರತವು ಬ್ರಿಟನ್‌ನೊಂದಿಗಿನ ವ್ಯಾಪಾರ ಮಾತುಕತೆಯಿಂದ ಸ್ಥಗಿತಗೊಳಿಸಿದೆ ಎಂದು ಬ್ರಿಟಿಷ್ ಸರಕಾರದ ಮೂಲಗಳನ್ನು ಉಲ್ಲೇಖಿಸಿ ಟೈಮ್ಸ್ ವರದಿ ಮಾಡಿತ್ತು.

ಭಾರತ ಯುಕೆ ಜತೆಗಿನ ತನ್ನ ವ್ಯಾಪಾರ ಒಪ್ಪಂದವನ್ನು ಸ್ಥಗಿತಗೊಳಿಸಿದೆ ಎಂದು ಹೇಳುವ ವರದಿಯನ್ನು ನಾವು ನೋಡಿದ್ದೇವೆ, ಇದು ಸಂಪೂರ್ಣವಾಗಿ ಆಧಾರರಹಿತವಾಗಿದೆ” ಎಂದು MEA ಮೂಲಗಳು ತಿಳಿಸಿವೆ. ಮುಂದಿನ ಸುತ್ತಿನ ಅಧಿಕೃತ ಮಾತುಕತೆಗಳು ಎಪ್ರಿಲ್ 24 ರಿಂದ ಲಂಡನ್‌ನಲ್ಲಿ ನಡೆಯುವ ಸಾಧ್ಯತೆಯಿದೆ ಎಂದು ಮೂಲಗಳು ತಿಳಿಸಿವೆ.